نصيحة من شاعر مجرب في الحياة

هذه قصيدة نصيحه للشاعر مرير الحبيل اعجبتني لما تحمله من معان ولكم الحكم عليها

ياقلب لا تثر عليه شطونك=اشقيت حالي في سعادتك ورضاك
لك مدة ياقلب كثرت لحونك=ولانيب والله داري عنك وش جاك
إن طعتني فالناس لايسمعونك=واسمع كلام محب لك يوم وصاك
ترى العرب في سجتك ينقدونك=واستح من العاقل ولو شفته اغلاك
ياقلب حب الناس لايبغضونك=واصبر على الجاهل اليامن تبلاك
ومطارد المقفين لايتعبونك=انسه مادام انه من القلب ينساك
الناس سايرهم ولو يزعلونك=واصبر على جارك ولو شفته اذاك
بالخير ملزوم العرب يذكرونك=واوزن قدم رجلك على قدرت خطاك
واحذر تجي في مجلس مايبونك=لو كان منهم واحد(ن)قام حياك
واتعب لفعل الطيب للي يجونك=وعامل عميل الطيب بالطيب لاجاك
واصبر على المقسوم والله بعونك=لابد ماتجري صواديف دنياك
واليا مشيت الدرب فتح عيونك=واسلك طريق الحق والرب ماأغواك

الشاعر مرير الحبيل

وعلى المحبه نلتقي

واتعـب لفـعـل الطـيـب لـلـي يجـونـك
>>>>>>>>وعامل عميل الطيب بالطيب لاجـاك
واصبـر علـى المقسـوم والله بعـونـك
>>>>>>>>لابــد ماتـجـري صـواديــف دنـيــاك

الشاعر مرير من الشعراء المعروفين بالقصائد الجزله وخاصة في مجال النصح

وهذه القصيده خير مثال على ذلك ،،

وكل التقدير لمن نقلها لنا ,, شكرا ً يا واحد نت على هالذوق ماشاء الله فعلا ً الطيب ما يجي منه الا الطيب ...

لك تحياتي

والله صدقت انها جميله جداااااااا

ربي يسلمك على هالاختياااااااااااار

مشكووووووووووور



سلام

بالخير ملزوم العرب يذكرونك=
واحذر تجي في مجلس مايبونك=

لك اخياراتك موفقه الله يعطيك العافيه
ويسلم الشاعر مرير الحبيل

اخوي قصيده رووعه الله يسلمك على نقلها لنا

اخوك البحر الهادئ