أكبر قهر ...

أكبر قهر لاجيـت تعشق لـك انسـان
واللي تحبه ساهـي ٍ مـا درى بـك

وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك

وأكبر قهر تبني من سنيـن بنيـان
وتشوف بنٌيـك مـا تعـدى ترابـك

وأكبر قهر تسقي من الورد بستـان
وتموت بين يديـك زهـرة شبابـك

وأكبر قهر تارد على البير ضميـان
وتشوف بعض الطين حايس شرابـك

وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك

وأكبر قهر ترهي على حصان خسران
يوم السبق لا طحت كل ٍ حكـى بـك

وأكبر قهر لاصرت ضايع وعطشـان
ونفس الطريق اللي يوديـك جابـك

وأكبر قهر صاحبك لا جـاك خـوٌان
لابحت له بالسـر راح ووشـى بـك

وأكبر قهر تعطـي وتعطـي علشـان
تاخذ عقـب كـل العطايـا حسابـك

كل ما سبق ذكره على الشوف ما كان
حفنة حروف ٍ مـع بعضهـا تشابـك

ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك

إن كنت فيما قلـت تحتـاج برهـان
ناظر وتلقى فـي قصيـدي جوابـك

وإن كنت فيما قلت مخطي وغلطـان
أترك خطانا وأنـت عطنـا صوابـك

تحياتي

اكبر قهر ان ماتقدر تعبر عن اعجابك عن القصيدة
الى بكلمه
خيال
عوافي

انتقاء مميز

يعافيك ربي

لاهنت

سلآمتك من الققههههر ...


جار القمر

انتقاء جميل وحس مُرهف

نص جميل آبدعت بأختيآر آلـآبيآت
سلمتَ ولـآ هنتَ

اقتباس: المشاركة الأصلية كتبت بواسطة هذي انا    اكبر قهر ان ماتقدر تعبر عن اعجابك عن القصيدة الى بكلمه خيال عوافي

يسلمك ربي من القهر
مشكورة على الاطلالة السنعة
عوافي

اقتباس: المشاركة الأصلية كتبت بواسطة دروب الرياض    انتقاء مميز يعافيك ربي لاهنت

ويعافيك ويخليك
لا هنت

اقتباس: المشاركة الأصلية كتبت بواسطة &بنت تمير&    سلآمتك من الققههههر ... جار القمر انتقاء جميل وحس مُرهف

ويسلمك ..
الاروع والاجمل هي طلتك البهية
شكرا

اقتباس: المشاركة الأصلية كتبت بواسطة الراقيه    نص جميل آبدعت بأختيآر آلـآبيآت سلمتَ ولـآ هنتَ

لا هنتي يالراقية
وحضورك له طعم خآآآآآص ..
عوافي

____
ششكرآجزيلآ ع هذهـ الذآئقه المميزهـ