قصيدة والله لو تدري

شكا لي احد الاصدقاء ماحل بجيرانه بعد وفات والدتهم حيث تفرقوا وابتعدوا عن بعضهم ونسوا انهم اخوة والهتهم الدنيا

وطلب مني الكتابة لعلها تجد اذان صاغية

دار الزمان وفرقتنا المقادير


وصار اللقا باللي نبيهم محالي


والله لو تدري بماصار ويصير


امٍ حنون غيــــــــبتها الليالي


ان كان تبكي تدعي الله بتغيير


وشلون قاطع رحمها ما يبالي


ياعيالها خوفوا من الله بتدبير


وتذكروا امٍ غضبها هوالي


وتذكروا امٍ غذتكم عصافير


ترجي تجمعكم من اول وتالي


وتذكروا ان الوصل فيه تقدير


للي رعتكم يوم تسال سؤالي


وشو سبب قطع الرحم والمشاوير


ليش الاخو ماصار لاخته موالي


وليش البنيه ماتدور معاذير


لاخوٍ شغله الوقت زاد انعزالي


وياباغي الدنيا ترى مابها خير


الخير فعل الخير في كل حالي


واختامها ياللي عليك التدابير


انت الذي وحدك عليك اتكالي


رجع قلوب في حشاها مصاغير


لوقت الطفوله ياعظيم الجلالي


يومن مرقدنا وحنا مصاغير


عند امنا في حضنها مانسالي


تقسم لنا الخبزه ونشرب من الزير


وثيابنا تمشي علينا توالي


وقت مضى مافيه حقدٍ وتفسير


وامطار ربي كل يومٍ همالي

الشاعر / حمــد العثمان

وتذكروا امٍ غذتكم عصافير
ترجي تجمعكم من اول وتالي*


الآم دائما ماتجمع أولادها حولها الله يرحمها ويغفر لها

آبيات جدا رائعه وحزينه

بوركت آخي الكريم ع هذا النقل الجميل

آبيآت رآئعه
عوآفي

يومن مرقدنا وحنا مصاغير
..............عند امنا في حضنها مانسالي
تقسم لنا الخبزه ونشرب من البير
...................وثيابنا تمشي علينا توالي
وقت*ٍمضى مافيه حقدٍ وتفسير
...................وامطار ربي كل يومٍ همالي.

آبيآت جدآ معبره وحزينه
الله يرحمهآ ويغفر لهآ ..
سلمتَ ولآهنتَ

ابيات معبره وحزينه ،، تسلم
والله يرحم والدتهم ..

صح لسانك اخوي ابوعاصم
وابيات جميله تشكر عليها

تحياتي

رائع يابوعاصم
دائما متالق
تحياتي

أبياتَ جداً رآئعة
ابدعتَ فيَ الوصف آخي
كآن الله بعونهمَ ..

اختي ملامح صادقة
الف شكر على المرور الكريم

همس الجفا
الف شكر على الكلمات الطيبة