قصيدة رثاء في من أحبها قلبي

قصيدة رثاء في من أحبها قلبي وكانت مثل والدتي انها خالتي

حاولت مخاطبة والدتي لكنها رفضت الاستماع إلى أي بيت في رثاء شقيقتها في الوقت الحاضر

يـمــه تـــرى مـــا قــــدر الــــرب صــايــر
والـعـبــد مــالــه عــــن تـدابـيــر مــــولاه

يــمــه غــــدا وقــتـــك كـثــيــر الـعـبـايــر
والـحــزن خـيــم مـــا تـفـيـد الـمـواســاه

يـمـه عـلــى فـرحــك نـســوق البـشـايـر
بـــس الــحــزن لازم نـشـوفــه ونــقــراه

يـمــه مصيـبـتـنـا بــهــا الـفـكــر حــايــر
راح العـزيـز الـلــي عـزيــزن بمـمـشـاه

الـصـبـح طــيــب مـفـرحــن كــــل زايــــر
والعصـر عينـه ودعـت كـل مــن جــاه

ودعـــك يـــا دنـيــا الـقـهـر والـحـسـايـر
واقـبــل عـلــى ربـــن طمـعـنـا بـرحـمــاه

يــــــا رب صــبــرنــا بــكــتـــه الـنــظــايــر
والـقـلـب جـرحــه نـازفــن مــــا قـويـنــاه

نبـكـيـه صـبــح ولـيــل والـدمــع حــايــر
وكــل الـعـرب تبكـيـه مــن فـعـل يمـنـاه

شفت الحزن في القلب والوقت جاير
وفــي المـقـبـره بـانــت بـسـاعـة دفـنــاه

ومـن يــوم حـطـوه وبــدا الـتـرب ثـايـر
وحـطـوا نصـايـب قـبــره وبـــات مـثــواه

شـبــت بـقـلـبـي نــــار مــثــل الـسـعـايـر
وأبعدت عن ناسي وريقي نشف مـاه

وجــونــي يـعـزونــي وعـيـنــي تـســايــر
مالي جدا حتى البكاء صرت مااقـواه

يــــا خـالـتــي عـقـبــك نـثـرنــا الـعـبـايــر
وآهـــات قـلـبـي مـــا تـوقــف لــهــا آآه

والـخـتــم ربـــــي عـالــمــن بـالـضـمـايـر
يسـكـنـه بـالـفـردوس بـأعـلـى عــلايــاه

حمد بن إبراهيم العثمان

الله يرحمها ويجبر مصاب والدتك
قصيدة مؤثرة

صح لسآنك آخي المدرس على المرثيه المؤثره
.قصيدة رآئعه لمست فيهآ احسآسك الصآدق
وحبك العميق لخآلتك رحمهآ الله وغفر لهآ
ويجمعك بهآ في جنآت النعيم ويخلي لكم الوآلده ويطول بعمرهآ

صح لسانك
قصيدة في الرثاء
مؤثرة ورائعة من روعة شاعرها المبدع
الله يرحمها ويرحم موتى المسلمين
ويجمعك بها في جنات النعيم يا رب
ويمد في عمر والدتك ويلبسها لباس الصحة والعافية