هآآآآآآآآم للجميع

السلام عليكم ورحمة الله وبركاته ..~ِ


انا هنا انقل لكم معانتنا نحن طالبات جامعه المجمعه

لم اجد من ابث شكواي وشكوى غيري من الطالبات

...

من هنا ابدا

اتكلم عن المهزله التي لا يمكن ان نسكت عليها الي حصلت في جامعه المجمعه

كل يوم لناسالفه مع الباصات مره تمشي ومره تسحب صرنا لعبه حنا بينهم!!

.....


ياليتها وقفت على كذا....
انا راح انقل لكم بعض من كلام الطالبات يتكلمون وتذمرون وحتى (( يدعون)) << من القهر

وبعض من المواقف المحزنه التي حدثت في هذه الجامعه الموقره
...
حتى حنا بالتميروماجانا باص صاحي يستمر معنا يوم يجي ويوم لا وشهر يستمر وشهر لا
ومو طالبة وألا ثنتين حنا مجموعه ومو كذا وبس
ساكنين بعيد مو قريب والله مو قريب
نطلع من الساعه خمسه ونص عشان نروح للجامعه !!!
وأن لقينا اللي يوصلنا اليوم مالقيناه بكره!!
ياعااااالم حسو فينا حسوووووووووووووا
باللهي لو أضطرينا ومالقينا مواصلات وغبنا وش بتفيدونا فيه؟؟
بتعطونا عذر عن غيابنا اللي أنتم سببه؟؟
أو بتكتبون لنا محاضراتنا اللي ماقدرنا نحضرها؟؟
من جد حنا نعاني نعاني كثير بسبب هالباصات
وركبنا مع باص الحي اللي جنبنا وقلنا له: وصلنا الله يخليك "<<<حاله والله
المسؤلين عندهم خبر!!! ولاحراااااااااااك
وركبنا معه اليوم الثاني وقررنا نسكت ونزحم طالبات الباص الثاني وكل يوم مشاكل مع الزحمه والضيق
والسبب مين؟؟
السبب جامعتنا الموقره
أقل شيء أقل شيء:أن جينا وكلمناكم عطونا وجه وكلمة رجاجيل موب مدري مدري !!!!!
...............

بالله هذي هي الامانه!!!

والاخرى تتكلم بحراره...
..........

آآآخ بس ،، احسب بس لحالي اتمرمط،،اثاري العالم كلهااا

حسبي الله ونعم الوكييييييييل
ماتلاحظون ان الجامعه من سيء لأسوأ !!
والله هالترم مدري شفيهم ،،فشل من جميع النوااحي !!
لا بااصات ولا كافتريا وحتى استاذات فيه نقص وكلن مايدري وكلن يكلمك من طرف خشمه ،، تقل نطرهم !!
ياااربي تصبرنااا ،، ياخي وين المدير؟! معقوله يدري عن كل هذا ويسكت

انا معاناتي نفس الحاله،،لاباص ولا سواق،،ويوم جا واستانسنا وسلك له كم يوم ،، واليوم اختفى !! وينه؟ بيجي؟ مااااحد يدري؟!!
يانااااس ارحموونا
وحسبي الله ونعم الوكييييل

وغيرها وغيرها من مشاكل النقل!!!!!!!!!
لا اريد ان اقول اين المسؤولين!!
لان المسؤولين يبي لهم مسؤولين!!
اين مكرمه الملك عبدالله (حفظه الله)
ادري لو انه يدري عن هذي المهزله وغيرها بكل فروع الجامعه انه ماراح يسكت!!

اتكلم من مهزله نقل تحدث يوميا... ومعاناه طالبات وعدم قدرتهن على دفع نفقه اجر حافله خاصه!!

نرييييييييد اذن صاغيه لنا ويد توقف كل الذي يحدث من مشاكل!!

بنات يتأثرون من هالمشكله!!!
اين المنطق!!!


الرجاء كل الرجاء الاهتمام بموضوعي...
وتفريج هم الطالبات الله يفرج همومكم ويفرجها لكم يوم القيامه...

ابنتكم..
طالبه من جامعه المجمعه

ع الاقل نبي خآآآآآآآآآآآآآآآآآآآص مو مشكله اهمشيء يوصل

تحياااااتي الحزينه لكم

ااااالله يعينكم وتلقوون لكم حل

كان الله في عونكم
وهنا ما أضن أنك تستفيدي شيئ
مالكم إلا نفس جامعتكم
تكتبون خطاب موجه للعميده
وتوقعون عليه كلكم وتكتبن أساميكم
وتشرحون إلا في خطركم
وتختمون بالدعاء لها والتوفيق

يمكن يحن قلبها عليكن وتكلم لكم مدير الجامعه

الله يكتب الي فية الخير..

يوووووووه .. الله يعينكم والله ..

من جد معاناة صراحة ..

هذا والله بلا من زين هالجامعة ألي انتم فيها ..

إذا هي ما أهتمت بطلابها .. أجل من بيهتم فيهم ..

هذا ألحن كذا .. اموال تصرف وتؤكل وأقولها مرة ثانية وتؤكل وكلن ماخذ راحته .. لاحسيب ولارقيب ..

وألي يروح فيها الطالب ولا الباقين هاهاها هذولا لهم وضع خــــــاص ولأبنائهم وضع خــــــاص بعد ..

لكن وش تسوين إذا مهنا مدبر ومهنا قرارات صارمة ومهنا يد تضرب من حديد على علابين ألي يلعبون ..

شدلي وأقطعلك ..

عسى الله يكون في عونكم والله ..

مشكلة والله هذي .. ويضيق صدري لاقالوا باص جاه حادث ناقل معلمات باص راح في خرايطها هو وألي فيه باص وباص ووو القصص واجد ..

شي يحنق والله .. إذا الطالب أو المتعلم ما أرتاح في دراسته وكل شوي جايته مشكلة .. وشلون أجل يبون الناس تتطور ..

لكن مانقول الا الله يخلف عليهم .. وودي اتكلم لكن يكفي ماقلت ماودي أغوص زوود ..

كان الله في عونكم يالطالبـــــــــــــــــــات ..

وإن شاء الله تسمعون مايسركم فالقريب العاجل ..

دمتم في حفظ الرحمن ..

.
.
.

...................

ماقول الا الله يعينكم يارب

وان شاء الله احد من المسؤؤلين يكون فيه خير ويتحرك

المشكله حرام عليكم ياخذون راتب وهم مايدون عملهم دايم

حسبي الله على من كان السبب
والله يرزقكم جامعه في ديرتكم

آللــه يكون يعونكم ..
.
.

كان الله في عونكن ...

خطاب تنقل فيه المعاناة لمكتب مدير جامعة المجمعة ...

ويطالب فيها بفتح كلية في تمير ... مثلها مثل غيرها ...

زوداً على البعد ... باص متقطع ...

اختي الكريمة

كان الله في عونكم ويسر معاناتكم ...

اختي الكريمة استشفيت من كلامك بمعانات كثيرة من عدم توفر الباص وعدم وجود كفتيريا ووووو....

لكن باذن الله تنحل المسالة :

اطلب منك كتابة خطاب باسماء وتوقيع عدد من الطالبات واشرحن فيه عن معاناتكم بشكل عام في الجامعة

و استلم الخطاب منكم وسوف اسلمه الى مدير الجامعة او اقابل وزير التعليم العالي...

وشكرا