همهمات

أبطيت أنا والقـاف في أخذ و عـطـا=عشـان أجيـك بشيء ما وصـلوا إليه
ياصاحبي والشعـر جرح ٍ لا سـطـــا=ما ياخذ بثـاره سوى رجل ٍ نـبـيـه ....!
من كل هذا الدرب وش ذنب الخــُــطـى ؟؟=هو ليه ابي اوصـل لشي ٍ ما ابـــيـه؟
تدري وش أكبر ( صح ) عـلــّـمنـي الخطـا ؟=تحكيــم عقــل ٍ ما درى عنـه السفيـه !!!

================================================== =========================

يقولون العرب .. صـدر العنـاء .. مايضيـق .. بسـاع=وانا اقـول .. الصـدور اليـوم .. ماعـادت سنافيـه
بدت في داخلي ضيقـه .. عجـزت القا ..لهـا مطـلاع =تغيب . وترجع .. وترجع تغيـب ... ومالهـا .. نيـه
عمتني كلمة ٍ جتني . وضقت .. وضاق .. صدر القاع =الا يالله لا تـجـزى .. غشـيـم ٍ .. قالـهـا .. فـيّـه
لهو صفـاع .. ياربـي .. ولاهـو للعـرب .. نفـاع =بلاني وابتلـى حالـه ... وبعـض النـاس .. مبليـه
نهيته قبل هالمـره .. يخلـي .. سيرتـي .. ماطـاع=الا يالعنبـو جــد القصـيـد .. ولعنـبـو .. بـيـه
ضعيف النفس ( حكاي ) يشـوف بعينـه .. الاطبـاع =يحسبني مثـل ربعـه .... يسـوق بضاعتـه .. ليـه
انا اشري .. لابغيت اشري .. ولاني مساومه بياع=الـى مـن قال لـي ميـه .. عطيتـه فوقهـا .. ميـه
انا اكتب .. لجل من يقرا .. ولاارجي من يقول .. ابداع =وابــد لا تحسـبـن مثـلـك .. يشكـلـي ..أهمـيـه
ترى ياهيه .. لامني نويتك .. بـس اطـق .. اصبـاع =يجينـي الـف شيطـان ... ووراهـم الـف .. جنيـه
أجرك من طرف حرفك .. وارد الصاع مية .. صـاع =جنون القاف ... ارقصها ... على راسك .. هجائيه
يويلـك .. لا توليتـك .. وربـي .. مالـك .. الشفـاع =يجيك من القصيد .. احسب .. ثلاثميـه.. ثلاثميـه
ولكن .. خلك بحالك .. مادام ان الصـدور .. وسـاع =تـرى للحيـن .. ماضاقـت .. ولازالـت .. سنافـيـه

[size=4

صح لساااانك

ورفع ربي شااااانك

ويحفظك من كل شيطان جالك ,,

تحياااااااااااااااااتي

سمسااار 15[/size]

مرحبا بك استاذ سمسار


سلمت روحك


وشكرا لمرورك الكريم

تحيتي لك

انا اكتب لجل من يقرا ولا ارجي من يقول ابداع
صح لسانك وماقصرت على هالابيات الجميله اتمنى الاستمرار


تحياااااااااااااااتي

شكرا لمرورك وتسلم يالسنافي

والف مبروك الأشراف

ربي يعينك

تحيتي لك

سلمت اناملكي على ماكتبت




في انتظار جديدك

روائع على شكل قصائد مهما كتبنا من مدح ومهما ذكرني من بيت القصيده الجديره ثابته وتستحق الشكر والثناء ويكفي تثبيتها من قبل الاخوه المشرفين شكرا عهود على هذه القصائد الرائعه
اخوك
النادر

لاتعليق ............ يعجز القلم عن الكتابه واللسان عن التعبير كل مااقول (هكـــــــــــــذا الشعر) وسلمت اناملك على هذه الدرر الرائعة
وان كان لي طلب فهو استمرارك معنا في هذه الساحه فنحن اقوياء بك وبأمثالك من المميزين دوما في انتظار ابداعاتك وجديدك لاتحرمينا من جديدك وألف شكر لك والله يعطيك العافيه. (صدوق المخايل).
ملاحظه : (لم اشاهد تعليقك على قصيدة والله مااخليك دام الله مخليني) تعليقك يهمنا.