طفولتي الغبراء

حيهم ثم حيهم ثم حيهم ثم حيني



والله يالربع مرت علي طفوله ما مرت على القصب يعني الحين احس انها حلوم ليل وراحت سنين راحت ايهههههههه ما دايم الا وجهه <<<< عمره ثنين برا .

وش تبون افلام + هبال + زحف , ما خليت شي الا وسويته .


يعني احسن ما في ايام المبزره ان الشي اللي تسويه محد ينقد عليك فيه ولا احد يشره فتاخذ راحتك في اللي تسويه .

اذكر يوم اني كنت في ثاني ابتدائي كنت اروح للمدرسه , وأول ما يقومووني الصبح على طول البس اي خلقه قدامي يعني احياناً يآخذ علي الثوب اسبوع لو افصخه وقف من الوضخ والصروال متشقق من عند الركبه من الزحلقه وحنا نلعب كوره والنعال تقول ( اعطني حريتي اطلق يداي ) واحيانأ اطلع القاها منحاشه واقعد اتلاحق انا وياها في الحاره , وطبعأ الخشه يابسه والوجه شاسف تسنه مكبوب عليه ببسي والدروس مرتبها السنه اللي راحت , وانا رايح للمدرسه كل صبح يوجعني بطني , وانا وسته من اخواني كلنا في مدرسه وحده وكنت انا أصغر واحد يعني اول واحد يتفقع وجهه , وكنا نروح للمدرسه في بيوك اربعه وثمنين حق اخوي << هو اللي دشر ابليس , وحنا رايحين احس ان حنا في رالي او احد(ن) لاحقنا او انه عجل على الحصه الاولى <<< اما هذي تبطي والله , احيانأ من الهستره في سواقة اخوي أتشهد الى بغيت اروح للمدرسه يعني يمكن اوصل ويمكن لا , والى مني جيت عند المدرسه يتلوني يد ورجل من الموتر يبون يحولوني وانا معيي , ويالله عقب المسط والمسيط ادخل للمدرسه , وانا داخل اتنافظ من الروعه << ما حليت الواجب والله اني اسمع بشي اسمه واجب , المدرس يقول لي فين الواقب يا ... اقوله والله ما ادري انا شايفه راقي الدرج تو معي بس مدري وين راح له .

وكانت معي شنطه بكم , وكانت ما تنفتح الا بسكين موشره بعد , وكلما بغيت اطلع كتاب الحصه اللي علينا طلعت السكين وقعدت افتح في الشنطه , ومره من المرات شافني مدرس اللغه العربيه وانهبل وقعد يصارخ : ايه ده انت مقنون الله دي مطوى انت قاي للمدرسه ومعاك مطوى ربنا يخرب بيتك يا بلطقي << بس والله مدري شمعنى بلطجي ولا تسان قديت بطنه قد , المهم ويروح ابو الشباب لمدير المدرسه وانا تالني معه ومخليني امسك السكين ويوم دخلنا على المدير وحنا مسرعين مكيم بي هالمصري ابا البصل والثوم والمدير اول ما دخلنا عليه بغى ينحاش يحسبنا بنذبحه , ويوم شرح له المصري الخرونق السالفه ويجي المدير وياخذ السكين بيد ويخمني بمخمس بيده الاخرى , يوم افتر مخي وطارت سعابيلي وتسلبت عيوني من قوة الكف , حسبي الله عليه والله لا يوفقه طول عمره وعسى الله يخرب فديوهم <<< تخكرن يوم كبر .


واذكر مره طبعاً زي العاده ما حليت الواجب بس هالمره مدرس الانجليزي في صف ثالث ابتدائي كانت حصة الانجليزي هي الاولى <<< ازين عشان نتسطر من بدري ونفتك , المهم اول ما دخل المدرس للفصل على طول من قبل يحط شنطته قال اللي ما حلش الواقب يئوم يؤف وهو يناظرني يحتريني اوقف , وقمت انا وابو الشباب جاك لمي منطلق ومعه العصا البنيه كانكم تخبرونها والله كنه يبي يظارب ابن الكلب لعنبوك بزر كبر ولدك وجاي لمه منطلق كنه ذابح ابوك , وعلى طول من يوم اشوفه جاي وانا فاتح يدي والله وكيلكم عشر لحطات كل وحده تقول للثانيه انا اقوى منتس والله انه من قوي التلحيط ان يديني تصب دم من ابن الكلب الله لا يوفقه وجعله ان شاء الله الوايت المسرع اللي يخلي اكبر قطعه فيه كبر ظفر اصبع رجلي الصغير الله يكرمكم , والله انه قاهرني الى هاليوم ولو اشوفه اني لأغبر انا وياه .

واذا بغينا نروح للبيت راجعين من المدرسه نركب مع اخوي , انا احياناً ودي انام في المدرسه ولا اروح معه ( العمر مش بعزأه ) بس احياناً يصفطني الجوع واسلم امري لله واركب معه , واذكر ان فيه لفه قبل البيت وانا حاسب حسابها واتمسك على طول واخينا في الله تل ام الجلنط بس عشان يخش عرض ويطفي الموتر ويقعد يشغل فيه نص ساعه يالله يشتغل وهمن يقول ( لا تعلمون ) .


هو لو ما قال لا تعلمون تسان اشوى بس من يوم قال وانا موجعني بطني ابي اعلم واول ما ادخل نلقى ابوي في وجيهنا واجي عند ابوي واقوله : اعلم انك مفحط تو تبيني اعلم ابوي , خلاص العلم وصل , وهمن عيونكم ما تشوف الا النور ادي ياركب الين ما عاد يقوى يمشي اخوي , وعقبها اخيي قاعد يدور في السور وهو مشغل السفتي قاعد(ن) يحتريني اطب بس في السور عشان يأدي الواجب معي , بس ولا اطلع احيانا اقعد اسبوع ما اشوف السور الى صرت معلم(ن) على احد عند ابوي , بس مصيري راكب معه الصبح , وهمن عاد يصير الوجع اثنين وجع حل الواجب و وجع اخوي , واول ما اركب الصبح معه يفتر علي ببوقس يفك لي كم ضرس على الصبح مهوب يضر متعودين .


بس والله انها اطلق الايــام اللي عشتها ويا ليتها ترجع


ياليت اللي مضالي يعود *** ولو بساعه علي يجود


ردوا عاد لأفقع وجيهكم


واسمعوا يا هالتميراويه القراوى

http://www.al7an.com/songs8/remxsat-2/new/remix1.ram

اوووووووف.............اوووووووووووووف............. ...

انا اقول وش هالأرانب اللي طلعت لنا من يمين وشمال.................اوووف

ياأخي قل لنا عن طفوله غبراء معقوله نصدقها موتخفبنا...مثل مرقة ام عليش.....مو

((واذكر مره طبعاً زي العاده ما حليت الواجب بس هالمره مدرس الانجليزي في صف ثالث ابتدائي كانت حصة الانجليزي هي الاولى ))
عاد لغه انجليزيه وانت بثالث ابتدائي!!...ليش كنت تدرس في مدارس الرياض الأهليه وحنا ماندري؟؟!!خخخخ

ونصيحة من تميراويه قرويه:
أنك ما تحط مثل هالروابط حتى لاتحمل اثم من يسمعها,,يكفي الأنسان أن يحمل ذنوبه.....

ارجو انك ما تزعل اخي الكريم...
والله من خوفي وحبي لكل مسلم وجهت هالنصيحه.....

ونسيت اقولك... أسلوبك عن جد رائع ..........

تسلم.....................

لوووووووووووووووووووووووووووووووول[/color][/size]

ايه ده انت مقنون الله دي مطوى انت قاي للمدرسه ومعاك مطوى ربنا يخرب بيتك يا بلطقي >>>>>مدرس مصري بين من لهجته

هههههههههههههههههههههههههههههههههههههه

والله اما انك نصااااب درجه اولى او حنا اغبياء ما استوعبنا زين

مشكووووووووووووووووووووور

ولا تحرمنا من قفشااااااتك


سلام

أشكرتس من اعماق البحار على ردك <<<<< راد وهو مفهي :299:


ردالمنسمه
7
7
7

( موتخفبنا...مثل مرقة ام عليش )

ههههههههه هههههههههههههه هههههههههههههه

هههههههههه ههههههههه ههههههههههه


والله انفقع بطني من الظحك الله يرج مخك , احس ان ام عليش اللي تقولين لابستـ(ن) جلالـ(ن) احمر وعليه رسمات شجر(ن) ماقد شفناه ما نشوفه الا على العجز



وتتواصل ردود المنسمه

7
7
7
7

( عاد لغه انجليزيه وانت بثالث ابتدائي!!...ليش كنت تدرس في مدارس الرياض الأهليه وحنا ماندري؟؟!!خخخخ )


والله مهوب ذنبي أني ولد نعمه خخخخخخخخخ


والمنسمه مازالت في المقدمه

7
7
7
7

( ونصيحة من تميراويه قرويه: )


مقبوله منك


7
7
7
( ونسيت اقولك... أسلوبك عن جد رائع )



من ذوقك << ايقونت مستحي .






ورررررررررررررررررر

( والله اما انك نصااااب درجه اولى او حنا اغبياء ما استوعبنا زين )


هههههههههههه ههههههههههههه هههههههههههههه


انا نصاب ...... مقبوله منك ....... ترى من اليوم وانا ارقع لكم يالقراوى


المراقب بدى يمون خخخخخخخخخخخخ

7
7
7


( ولا تحرمنا من قفشااااااتك )


انتم طيروني في العجه ولا عليكم



وتراني جايكم بحكم اني تميراوي ( اصلي ) ولازم أن أبدي نوع من الولاء لهذا المنتدى







وررررررررررررررررر

انا منسمه يا بو خشه !!!!!!!!!!!!

والمشكله ان اسمك في وادي وانت في واد..........

رد ابو كشه........
7
7
7
7
7
((والله مهوب ذنبي أني ولد نعمه ))
[واضح والدليل.........[/color]

7
7

(( يعني احياناً يآخذ علي الثوب اسبوع لو افصخه وقف من الوضخ والصروال متشقق من عند الركبه من الزحلقه وحنا نلعب كوره ))
[color=#0033CC]الله يقطعها من نعمة بس................خخخخخخخخخخخ

الظاهر ان هالحكي ايام الدوله السعوديه الأولى ..........((متأثره بالأختبارات))


ولوووووووووووووووووووووووووووووووووووووول.....[/color]

ياااااااااااا سااااااااااااااتر استر

يااااااااااااا اخوااااااااااان الرجيلي تراه

دارس في امريكاااااااااااا البيزنطيه ,,

مااااااااا درس عندناااااااااا ,,

الله لا يلومه يقول ولد نعمه ,,,,

او انه نصف لفه ,,,,

يحي العظاااام وهي رميم ,,,

تسلم يا احلى واحد في المنتدى ,,

تحياااااااااااااتي

سمسار 15

اسمي ياصمت المشاعر ( عاشق بديع ) <<< ( بديع ) نخلنا في تمير الله يزدي لتس


وبعدين وشبلاكم علي




وررررررررررررررر