هذه القصيدة رغبت المشاركة بها (عن قولة) ماعنه إلا أسئلة غثنا بها..... مالقينا لها إجابات
بس لا أحد يسألني ويقول لمن القصيدة..........الأكيد إنها ماهيب لي..........
ياللي تبي تعرف أسراري وعنواني
الحزن والضيق والوعة عناويني
وان كان من جد يابن الناس تبغاني
في كل لمة حزن يمكن تلاقيني
يكتبني الضيق واللوعات تقراني
والناي من شرهة احزاني يغنيني
اجامل الصبر والايام تعصاني
بالله قلي وش اللي معجبك فيني
فقير يمو إن عز النفس ما اغناني
لو قلت للفقر عز النفس مغنيني
كم واحد ماشتمته لأجل ماأعطاني
وكم واحد مامدحته لأجل يعطيني
يقلقني الذنب لامنه تغشاني
يالله من الذنب والغفله تنجيني
ماهوب دايم يصير لساني حصاني
كم زلة من لساني صدق تشقيني
من صغر سني وانا هالحزن يبراني
واليوم عمري تعدنه ثلاثيني
صحيح مانيب مثل ابوي واخواني
رغم ان هقوات نفسي نوب تغويني
ما امد كفي لكف ماتمناني
ولا اسج رجلي بدرب مايوديني
ما اكذب لكن اجامل بعض الاحياني
يوم ان هالكذب صاير شي روتيني
اعرف نبض الجفا فوجيه عدواني
واعرف نبض الغلا فاللي مواليني
والطعنه اللي تجي من يم صدقاني
اقسى من الطعنه اللي من عدويني
كم مرة مات دمعي داخل اجفاني
وكم مرة اتفه الاسباب تبكيني
كذاب لو قلت شعري يوم مااشقاني
احيان سيرق منامي من جفن عيني
اكتب قصيدي عشان عيون خلاني
ومرات اجامل عشان ارضي محبيني
هذا اعترافي وانا مانيب ندماني
ممكن ابصم او التوقيع يكفيني
05 / 04 / 2005, 22 : 04 PM
قصيدة غير
