أيا طارق الناجم وأيا طارق العثمان,,,,وأيا طارق اللي فارق ومايحاكيني

السلام عليكم ورحمة الله وبركاته ,,

هذه قصيده في المرحوم طارق بن ناجم بن حمد العثمان .

بقلم مدرس بمدرسته

جزاه الله كل خير , وكثر الله من أمثاله .

أيا طارق الناجم وأيا طارق العثمان=وأيا طارق اللي فارق ومايحاكيني
وأيا طارق الأحزان يوم المقدر كان=نعم طارق اللي لاذكرتك تبكيني
عرفتك وزرع الوجه في عارضك مابان=ودفن أرضك الهامد قبل زرعك يبيني
عسى اللي يضمك يجعله ربنا بستان=ويمد النظر لك فيه بين البساتيني
وعسى المعصرة تولي على روضتك هتان=وينبت على منزلك فل وريحاني
واسال الولي القادر الغافر الرحمن=يبدلك دارن خير من دارك الحيني
ويزيدك حسناتٍ تثقل لك الميزان=ويغفر ويعفو ويتسامح عن الشيني
أكفكف دموعي يوم جاني الخبر يااخوان=اجل كيف من كانوا يشوفونه العيني
واحر الكبود اللي تقلب على النيران=واحر الكبود اللي تحز بسكاكيني
عسى الله يصبر والدينه على الاحزان=وعسى الله يعظم أجرهم قولوا آميني

الشاعر :

أ: عبدالعزيز بن عبدالرحمن الفوزان الدوسري .


منقول من منتديات صحاري نجد

جزاكـ الله خير يآخوي..
والله القصيدهـ احزنتني..
رحمكـ الله ياطارق وأسكنكـ فسيح جناتهـ..

صحَ لسَآنْ الشاعرَ
قصيدة مبكية
رحمُ الله سلطآنْ وجمعكمُ وآياهَ بجنآتْ الفردوسْ

الله يرحمك يا طارق ويسكنك فسيح جناته
قصيده مؤثره
وصح لسان من قالها .

صح لسآن الشآعر على القصيدة المؤثرة جدا
نسأل الله لهم الرحمه و المغفره
اللهم أمين

ماطلعت عندي القصيدة .ليش

اقتباس: المشاركة الأصلية كتبت بواسطة جار القمر    ماطلعت عندي القصيدة .ليش

المشكلة من عندك

جرب متصفح آخر تدخل به بدل اكسبلور .. مثل موزيلا فايروكس وغيره

صـــح لسانك ياعبدالعزيز

ومشكور على النقل ياخوي راعي الاولة

صح لسان الشاعر على القصيدة المؤثرة
وتسلم اخي على النقل
والله يرحم طارق وموتى المسلمين اجمعين

آمــيــن

صح لسان الشاعر
والله يرحمك ياطارق ويسكن فسيح جناته