سلك الحرير

06 / 01 / 2005, 40 : 06 PM

ما تطيب جروح مجروح الضمير= مير يا المجروح روح وخلـّها
خلـّها في جوف جوفك تستدير= وكلّ ما حلّت صلاتك صلـّها
الله أكبر .. لا بدا جرحك كبير = لا تكابرها تموت بـ غلــّها
هد قلبك فـ الشهيق وفـ الزفير= وأن غلبك الأمر معها زلـّها
أبتدت كبدي تحوم وقلت خير =وأنتهت .. يا مليّ ويا ملـّها
القريحه قادها سلك الحرير = نوب يبرمها ونوب يتلـّها
والشعر مخطور والشاعر خطير= لا تحقـّق والمثايل هلــّها
الخواطر بين مجبــور وكسير = والعلوم الباقيـه في حلـّها
العرب غنوّا قصايد شكسبير = وشكسبير يصيح ويطبلـّها
عيـّنوا للترجمه توني بليــر= خابريـنه لا طواها فلــّها
وقام بوش يهوش ويرفّ ويطير= النشايب حلــّها وأحتلــّها
يحكم العالم بتحديد المصير = عولماني والدروب يدلـّها
كم رمانا فـ العبوس القمطرير = وأن عدلناها وجاها صلـّها
الوثيقه فـ الخليج إلها سفير= وفـ المحيط الأطلسيّ يبلـّها
مير يا الله زمهره في زمهرير = حفرة ٍ كفوّ لّه وكفوّ لّها
الرجاء مقطوع والواقع مرير =فـ العراق وفي دمار ٍ حلـّها
لدّت وشدّت لسوادن البشير = شجرة الشيطان ضافي ظلـّها
يا عريبين المجاني ما يصير = نلعب اللعبه ولا نفطنّ لّها
أمة الأسلام فـ الوقت الأخير= الله اللي عزّها ثم ذلــّها
عقب كانت ما يزعزعها النذير = تعتزي بعظامها وتقلـّها
وين راح الحشد والجمع الغفير= أختلف طبع الرجال ودلـّها
والسيوف اللي لها حد ٍ شطير= فـ إفتتـاح المهرجان نسلـّها ؟
ما جنينا لا قليل ولا كثيــر= النتايج ضايعه من قلــّها
هكذا يدهن لنا السير ونسير = عقدة ٍ عيـّا الزمان يحلــّها
رددّوا يحيا الملك.. عاش الأمير= والعلوم الباقيه في حلــّها

[blink]مختارات عهود[/blink]