خـــريـف الــــعــمر

هات القلم واكتب حروفي بقرطاس=مثايلٍ بأقصى الضماير نظيفة
،(ياحمس قلبي حمس بنٍ بمحماس)،=بيدين معتوهٍ عيونه كفيفه
انا رمتني فالهوى عين قرناس=سود النواظر والمحاجر لطيفه
ترسل سهومٍ تجعل القلب ينحاس=تجعل جبابرة الخلايق عسيفه
ابو رموشٍ كنهن صف حراس=تظلل على خده سوات السقيفه
والله لو انه سكن يوم مدراس=مركب غرامي ما يجنب رصيفه
ابو ثمان مثل ما وصف الالماس=اموت واحيا ما لقيله وصيفه
الى تبسم يعزف القلب مرواس=والى زعل دنياي راحت مخيفه
مثل البحر يغري نظر كل غطاس=وموجه غضب مثل الجبال المنيفه
ريمٍ ربيته في فؤادي عن الناس=من غض عوده لين مالت عطيفه
ارجي واراجي وامنع القلب لا يأس=واقول يمكن مقبلاته مريفه
حبٍ على وضحا النقا ما به ادناس=نشا وترعرع في بياض الصحيفه
مثل الورود اللي تعطر بالانفاس=تهدي نقابين الوليف ووليفه
حبه بنيته في فؤادي على ساس=ساس الوفا ما فيه دونه نكيفه
ويوم استوى ثمره على قد مياس=حالن من دوني نفوسٍ ضعيفه
الله ولا ناسٍ تبا البعد نوماس=والله ولا علومٍ عليه كليفه
ما يقبل الذلات يا كود الانجاس=ولاتقبل الذله نفوسٍ شريفه
ان ما حصلي ناعم العود لاباس=جرحه على جروحٍ قديمه نظيفه
لاباس، لو هــن يدقن الاجراس=الحقد عند الناس بعضه وظيفه
هي كم مرة يحرج الخد عساس=وهي كم مرة تختلف فيه شيفه
لا باس انا منيب معدوم الاحساس=والله ما اقبل بالعلوم السخيفه
لو ان قلبي يشتعل فيه مقباس=حرام مااقبلها عليه محيفه
بالعدل عدل ونعرف الوضع حساس=ولا نقبل الميلات لو هي خفيفه
اقفي بهمي بس ما ينحني راس=لو ان ربيع العمر يقبل خريفه

سلمت اناملك على هذا الاختيار الموفق
ودمت لنا وللمنتدى
وكم اتمنى ان تذكر اسم كاتب القصيدة)

الجازي

صدقت الجازي

سلمت يداكي يا عهود

وربي يخليكي لنا

واختيارك للقصايد مهوب سهل

مشكوووووووووره

سلام

اشكرك على الغزارة

في المشاركات ،،،،،

والقصيدة جميلة

شوي شوي علينا

خلينا نتااابع قصائدك

بهذي الطريقه تحرقين كل القصائد

تسلمين لنا يارب

ام توتو

مرحبا بكم الأخوان والأخوات


الجازي

الأستاذ هادي

المدرس

ام توتو


تشرفت بمروركم الكريم

ودام تواصلكم الرائع

وأرجو المعذره لعدم ذكر صاحب القصيده

وذلك لتضارب الأقوال واختلافها حول القصائد ونسبها (لأن غالبيتها قديم جدا)

وتقبلوا تحيتي وخالص شكري

ودمتم برعاية الله ،،