أمانه ودعي جرحي مع الأيام ونسيني

مـدام انـك تخيرتـي طريقـك وافترقنـا الأن
أنا وش عاد يمدينـي أسـوي يانظـر عينـي

صدق فيك الهجوس اللي يخوفني من الهجـران
أعيش بحرقة فراقك وأموت بشـوق يضنينـي

سكنتي دنيتي وإنتي على صدر الرجـا حرمـان
ولو مره حصل وصلك مع أحلامـي تزورينـي

ولو مازارني طيفك وأنا مـن لهفتـي سهـران
أفكـر فالجـروح اللـي تركتـي لـو تبكينـي

غريبه ليه تجفيني يااجمل من عرفـت إنسـان
يا أول من كتبت اسمك علـى دفتـر عناوينـي

تمنيتك معي شمعـة تضـوي عتمـة الأحـزان
وكنتي للأسف خطوة فحضن اليـأس ترمينـي

خسارة ماحسبت انك تجازيـن الوفـا نكـران
مع اني كنت مخلصلك واقول ارضاك يرضينـي

ترى أكبر فرحتي لحظة تجيبك من ورى النسيان
تردك للخفوق اللي عطش والشـوق مضمينـي

تراودني شكوك انـك فقدتـي للعطـا عنـوان
وأنا في غاية إحساسي عليـك أصفـق يدينـي

إذا ما للوفـا عنـدك مزايـا وللغـلا بـرهـان
أمانه ودعـي جرحـي مـع الأيـام وانسينـي

تحيـــــــــــــــــاتي


منقول

الله عليك قصيده ورعه
يعطيك العافيه على النقل
دمتي بألف خييييييييير

مشكووووووووو خوي معاااااااانق هم الله يوفقك دنيا واخره

صح اللسانك
ابيات رائعه
تسلمين يالغلا

سلمتــي
كالعاده أبيــات فــي غايـــة الروعـــه

يعطيك العافيـــه على الذوق الشاعري الجميــل