الزمن....

بالله قلّي يا زمان المهزلة يا محترم = شاللّي بقى من عالمك ... قلي وأنا بستوعبه
علمتني كل الدروس ... وقلت لي كل الحكم = لكنك أخفيت الحقايق ... وأبتلعت الأجوبه
أما أنت كذاب وردي وإلا أنا ما أفتهم = واحد من الاثنين فينا ما وثق في صاحبه
لو تلتفت يا سيدي وتشوف تاريخ الأمم = ما قلت لي إن الزمن هذا جهاد وتجربه
هذا الزمن ما يعشقه ويعيش فيه إلا الصنم = ما تقدر تميز غثاه وبلبله من عقربه
فيه الحقايق كنها الأحلام للي ما حلم = تغريه ... لكنه توهق فيها من كثر الشبه
اختلطت الأوراق فيها وصار بالوادي قمم = حتى الصغير يا زمن قام يتفاخر بشنبه
فيه الردي أصبح مهم ... ويحترق فيه الأهم = عالم من الكذب الرخيص ... وعالم من الأتربه
الوقت يلعب لعبته والذيب هام مع الغنم = معذور ذيبك يا زمن ... لو جاه طفل وهيّبه
بيتٍ يهدده الضياع وتنشرا فيه الذمم = لا عاد تشره يا زمن لو جاه ضيف وخربه
والظلم... قلي من بقى في هالزمان ولا أنظلم = وإلا أنت خايف تظلم الظالم وتدخل مكتبه
اليا متى نوخذ لحم ... ونرد ما فينا لحم = ياللي بنيت من العظام البيض سلم واعتبه
لو فيك خير إن كان ما وزعت كلمة والنعم = وخليتها بين الخلايق تنعطى مثل الهبه
لا صار طيبك يا زمن عن الردى ما ينقسم = ليه نتعذب يا زمن في هالنفوس الطيبه
لو المراجل تنشرا وتباع في حبة خشم = ما شفت لك حرٍ يصيد وعزته في مخلبه
لو بشتكي لك يا زمن ماني بشاكي من ألم = لكني بنثر لك كلامي ... وأنت قوم ورتبه
لو كل من حده زمانه باع صوته وأنطرم = ما بيّن الإبداع بالدنيا وشفنا الموهبه
كم خلد التاريخ من مبدع وكم خلد أسم = شيب براس العالمين وراح محدٍ شيبه
للحين راسخ في جبين الذاكرة مثل الهرم = ما تقدر الدنيا ولا التاريخ يقدر يشطبه
واليوم جا من غير الأفكار في جرة قلم = يكتب ... ولكن للأسف ما يفهم اللي يكتبه
يلهث ورى طرد السراب ... وعايش بدنيا الوهم = ويستغرب إن الناس هذي كلها تستغربه
يهدم بنايات الفكر ... ويرد يبني ما هدم = يرضي غروره ويتباهى في عيون المعجبه
عنيد ما يرضى يطيع ويقتنع انه قزم = يصدق اللي صفقو له ... والصدوق يكذبه
عطيته اللقمه ولكن صار في قلبك عظم = غص ... وتفضل ما عصرته في يدينك واشربه
إليا انكسر قوس الحريب أش فايدة هذا السهم = واليا انكشف ستر العذارى وش تفيد الأحجبه
الليل يسري ... وأنت يا ساري حزين ومنصدم = اسهرت عينك والدروب اللي تبيها متعبه
هيا انسجم مع زمانك ... طيع شوري وانسجم = واليا بغيت تعاتبه خل القصيد يعاتبه
لو الزمن يسمع كلام الناس ما جار وظلم = لكنها من عصر أبونا آدم وهي متقلبه
الوقت هو الوقت والمحظوظ من خاف وسلم = كم واحدٍ قبلك تحداه الزمان ... وغيبه

لو المراجل تنشـرا وتبـاع فـي حبـة خشـم
ما شفت لك حرٍ يصيـد وعزتـه فـي مخلبـه
لو بشتكي لك يا زمن ماني بشاكـي مـن ألـم
لكني بنثر لك كلامي ... وأنـت قـوم ورتبـه

صباح الخير مشرفنا امير الحروف..

قصيدة جزله من اختيار عذب..

سلمت وسلم لنا نقلك..

صح لسانك
ياغالي
00000000000000000000

صباحك ورد اختي غلا

وجودك معنا عبير تعطرين به ساحتنا

فشكراً لمرورك

وتقبلي تحياتي

صح بدنك وبدن الشاعر

مشكوووور نقا لتواصلك

لك كل التقدير

نقبل نحياتي

الله يعافيك أخوي الغالي

دايم تواجد الرائعين امثالك محفز لي للبحث عن كل مايرتقى لذائقتكم

لك كل الحب

وتقبل تحياتي

اخي امير الحروف

الف مليون شكر على هذاء الاختيار الرائع

وونتظر منك المشاركات الرائعه دوما

ودمت تألق

ولك التحيه