قصة وحدة تغازل

البارحة جاني من الحب مرسال
من عقب ما بيني وبينه خصيمة
وانا ترى في الحب مانيب فعّال
ولا بعد ولّع بقلبي هشيمه
ولا بعد غنّيت في ساعة وصال
ولا بعد ذقت الفراق وجحيمه
ولا جرى دمعي على الخد همّال
ولابعد جربت مرّ الهزيمة
حتى وردني تالي الليل جوال
وانا على شاهي وبسكوت ديمة
الرقم بايخ لكن الصوت قتال
كنه مثل صوت المذيعة حليمة
قالت مساء الخير يا طيّب الفال
قلت ارحبي ترحيبةٍ مستديمة
بالعود والصفري ودلة وفنجال
واجبك يا بنت الأصول الكريمة
ردت بضحكة ثم قالت وش الحال؟
قلت اشهد إن الحال عقبك سقيمة
قالت وهي تضحك بعد مثل الأطفال
وانا بعد كني بدونك يتيمة
من يوم قالتها تزلزلت زلزال
من فجعتي كني مسوي جريمة
قلت ارفعي صوتك ترى مابه ارسال
كذاب لكنّ المصيبة عظيمة
قالت أقول اسمع ترى هرجنا طال
ممكن تصاحبني تراني وسيمة
واسمي الحقيقي أول حروفه الدال
لكن يسمّوني البنات الزعيمة
صحيح أحب الفخفخة واعشق المال
لكن تراني طاهرة مستقيمة
ما عندي امغازل ولا (لعب يهّال)
ما عندي إلا في الشرف والحشيمة
بس الصراحة قلبي لشوفتك مال
واصبحت وحدك جالسٍ في صميمه
فكّر بعقلك واترك القيل والقال
واحذر تطيع اهل العقول العقيمة
وارسل علي الحين خمسمية ريال
أشحن بها جوال أختي غنيمة
أو طقم غالي فيه خاتم وسلسال
أروح به في عرس ولاّ عزيمة
قلت الحقيقة مانيب رجل أعمال
ولاني بتاجر والموارد عديمة
أنا الصراحة شبه عطّال بطّال
وعلاقتي بالفقر جداً حميمة
والراتب الله يرحم الحال ما زال
محدود والمصروف ربي عليمه
والدين بالآلاف والبنك شغّال
ياكل فلوسي بالربا والظليمة
والسوق طايح والغلا ضيّق البال
والموت والله صاير اكبر غنيمة
قالت تحمّل بس والحمل ينشال
خلك شديد الباس صلب العزيمة
ياخي تصرّف جعلك اتصير نشّال
أهم شي إن النوايا سليمة
لابد تفهمني على كل الأحوال
ما دمت من أهل العقول الفهيمة
قلت إيه والله فاهم اللي على البال
لكن ترى هذي علينا قديمة
يا بنت هذا صاير اليوم موال
للي تبي تلعب على ابن اللئيمة
يا بنت ما تدرين كم فيه محتال
يلعب على الحبلين وانتي غشيمة
يا بنت كم من جاهلة دمعها سال
من عقب ما جات العواقب وخيمة
والبنت لا اقفى عرضها بيد الأنذال
والله ما يبقى لها أي قيمة
قالت تبي ولاّ فخلّك على جال
مهوب ناقصي نصايح حكيمة
عز الله إنك للأسف منت رجّال
وانك قليل الذوق ما فيك شيمة
يا لعنبو اللي ما يسطّرك بنعال
حتى يعلمك الغزل يا بهيمة
( تفو ) عليك وصكّت الخط في الحال
مدري ( تفو ) هي مدح ولاّ شتيمـة ؟؟

ما عندي امغازل ولا (لعب يهّال)
ما عندي إلا في الشرف والحشيمة
بس الصراحة قلبي لشوفتك مال
واصبحت وحدك جالسٍ في صميمه
فكّر بعقلك واترك القيل والقال
مشكوررررررررررررررررررهـ

اقتباس: المشاركة الأصلية كتبت بواسطة دنيا الأحلام    ما عندي امغازل ولا (لعب يهّال) ما عندي إلا في الشرف والحشيمة بس الصراحة قلبي لشوفتك مال واصبحت وحدك جالسٍ في صميمه فكّر بعقلك واترك القيل والقال مشكوررررررررررررررررررهـ

دنيا الأحلام

كل الشكر لكـِ على حضوركـِ الجميل

لاعدمناكـِ .

يا أيتها لدامياء:

كم هي راااااااااااائعة

والله أعجبتني

وأعجبتني

وأعجبتني

.
.
.
.
.
مشكووووووووووووووورة من كل قلبي

وبيض الله وجهكـ عزيزتي؛؛؛؛

صح لسان الشاعر وسلمت يمنيك على النقل الرائع والجميل اختي الدامياء قصيده جزله وابيات خياليه فيه من الحكم مهو مفيد وقيم كل الشكر لكي يالدامياء لاعدمنا تواجدك وطرحك المفيد.

والراتب الله يرحم الحال ما زال
محدود والمصروف ربي عليمه
والدين بالآلاف والبنك شغّال
ياكل فلوسي بالربا والظليمة
والسوق طايح والغلا ضيّق البال
والموت والله صاير اكبر غنيمة.
صح لسانك

تقبلي تحياتي وتقديري،،،،

اقتباس: المشاركة الأصلية كتبت بواسطة عاشق مطير الأول    يا أيتها لدامياء: كم هي راااااااااااائعة والله أعجبتني وأعجبتني وأعجبتني . . . . . مشكووووووووووووووورة من كل قلبي وبيض الله وجهكـ عزيزتي؛؛؛؛

أخوي عاشق مطير

أشكر لكـ تواصلكـ المستمر

ودمت في حفظ الله ورعايته .

اقتباس: المشاركة الأصلية كتبت بواسطة كحيلان 2006    صح لسان الشاعر وسلمت يمنيك على النقل الرائع والجميل اختي الدامياء قصيده جزله وابيات خياليه فيه من الحكم مهو مفيد وقيم كل الشكر لكي يالدامياء لاعدمنا تواجدك وطرحك المفيد. والراتب الله يرحم الحال ما زال محدود والمصروف ربي عليمه والدين بالآلاف والبنك شغّال ياكل فلوسي بالربا والظليمة والسوق طايح والغلا ضيّق البال والموت والله صاير اكبر غنيمة. صح لسانك تقبلي تحياتي وتقديري،،،،

أخوي كحيلان2006

سعدت بتواجدكـ في متصفحي

فشكرا لحضوركـ الرائع

دمت بـود

قصيدة رائعة الله يعطيك ألف عافية على النقل

اقتباس: المشاركة الأصلية كتبت بواسطة أبونواف11    قصيدة رائعة الله يعطيك ألف عافية على النقل

أبــو نـواف11

الأروع هو حضوركـ المتميز


لاعدمناكـ .