الصبي وان طاب طيبه من خواله .. قصه وقصيده " أ

بسم الله الرحمن الرحيم

السلام عليكم ورحمه الله وبركاته


الصبي وان طاب طيبه من خواله .. قصه وقصيده " أعجبتني " ..


وحبيت انقلها لكم ولا ادري ان كانكم سمعتموها من قبل


الصبي وان طاب طيبه من خواله... وان تردى فـعلم انهم خايبينـي

أشرب الفنجـال واكـب البيالـة... طيـبٍ واحـب سلـم الطيبينـي
من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..
قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..


وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..




راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..

وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..

حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..

ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..

وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

قالت له العجوز .. خلاص رح الله يستر عليك يا ولدي ..

انا جالسه هنا انتظر ( ابن الذيب ) ..

هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..

يوم انصدم ( راشد بن حسن ) بقولها .. وتعجب !!

قال اركبي يا خاله انا ( ابن الذيب ) وابشري بعزك ..

ابوصلك انتي وغنمك ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟

حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض روئساءه يأسوا من المحاوله معه .. واعجبتهم شهامته ..

وصل العجوز إلى منصاها والمكان اللي تبيه ..





وقال هذى القصيده ..





قالها ابن الذيب من هاجـوس بالـه ..... كلمـةٍ يلعـب بهـا والبـال يزينـي
قالهـا يومـه طرالـه ماطـرالـه .......من هواجيـسٍ تشيـب المرضعينـي
حالفٍ ماخذ علـى الطرقـي ريالـه .......وبالثـلاث محـرم أنـه مايجيـنـي
لالقيت اللي على ( السكه ) لحالـه........يلتفـت ويقـول ويـن المستحينـي
أوقف الموتر حيـا وأبـي الجمالـه .......يوم ولـد الـلاش وجهـه مايلينـي
الطمع في كـروة الرجلـي رذالـة ........خص وان جابـه مجـال الغانمينـي
والردي فـي حالـةٍ ماهـي بحالـه........واعوينـه مـن كـلام الطيبيـنـي
الـردي لـو بـان مايذكـر عمالـه........مايعـد الـلاش مقصـور اليمينـي
أركبـه لعيـون مـن زيـنٍ دلالـه........ماتحاكـوا فـي قفـاه الرامسينـي
مابغى غيـري وانـا مابغـى بدالـه .......قاعـدٍ لـي بالرجـا مـدة سنينـي
الصبي وان طاب طيبه مـن خوالـه........بالخـوال يسـال قبـل الوالديـنـي
أشـرب الفنجـال واكـب البيـالـة .......تابـعٍ سلمـي سـلـوم الأوليـنـي
ولاقعدنـا بالعمـل بنـا الـرزالـة ........ناخـذ العليـا طريـق الفايزيـنـي
غرني بعض الرجـال بكثـر مالـه .......مادرى ان الموت في حبل الوتينـي
كيف ينفعني وابا(..........) خالـه ........مايقوم البيـت دام السـاس طينـي
ماش وين اللـي عوايـده الجمالـة ......مثل ابن ظافر حمـد ليتـه يجينـي
الثنـا والجـود دايـم فـي خيالـه......علمـه ظافـر سـلـوم الطيبيـنـي
جـوّد العليـا ولزمّـهـا عيـالـه ..........وادركوا مـن علمتـه دنيـا ودينـي
واهني من باع حظه واشتـرى لـه ........وسار في درب النبي وأخزى اللعيني
موقفـه مـاكـل رجــال ينـالـه ........مـن بغـى ممشـاه يقعـد مرتينـي
كم ذبح من حايـلٍ مـن حـر مالـه.........وعادتـه لطمـة خشـوم العايلينـي





وسلامتكم ..



و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..







منقول


كما هو !!

/
/

خوالي

ثم خوالي

ثم خوالي

خوالي هل الطيب والكرم


حايل ودلة وعود وعطوره

/
/


ابوحمد


تسلم يمناك على هذه الرائعه


لاعدمناك

//
\\
*


ابو حمد
لاهنتـ

ولاهنتـ

ولاهنتـ


/
\
شموخ
..,

اقتباس: المشاركة الأصلية كتبت بواسطة سحايب صيف    / / خوالي ثم خوالي ثم خوالي خوالي هل الطيب والكرم حايل ودلة وعود وعطوره / / ابوحمد تسلم يمناك على هذه الرائعه لاعدمناك

ونعم بك وبخوالك يا سحايب

والله يسلمك من كل شر

تشرفت بوجودك

تحياتي الك

الله لا يهينك يابو حمد

وسعت صدورنا الله يوسع صدرك بالعافيه

صح لسان ابن الذيب وعز الله قول ...

لا عدمنا حضورك ..

اقتباس: المشاركة الأصلية كتبت بواسطة شموخ انثى    // \\ * ابو حمد لاهنتـ ولاهنتـ ولاهنتـ / \ شموخ ..,

الله لايهينك

ياشموخ

ودمتي بخير

اقتباس: المشاركة الأصلية كتبت بواسطة السنافي    الله لا يهينك يابو حمد وسعت صدورنا الله يوسع صدرك بالعافيه صح لسان ابن الذيب وعز الله قول ... لا عدمنا حضورك ..

لاهنت

يالسنافي

الله يوسع صدرك دوم

وتشرفت بمرورك الطيب

قصيد في غاية الروعة اخي ابو حـــــمــد


كلك ذوق


والله لايحرمنى من جديدك

اقتباس: المشاركة الأصلية كتبت بواسطة الشمالي    قصيد في غاية الروعة اخي ابو حـــــمــد كلك ذوق والله لايحرمنى من جديدك

اخي الشماااااااااااااالي

يعطيك الصحه والعافيه على مرورك الطيب

والروعه مرورك الطيب الذي اسعدني