أنـــــــــــواع الحـــــــــب

المعذرة على الكتابه الاولى ..واتمنى حذفها من قبل المشرف
قصيدة لأنواع الحب ... اختر من ايها تريد أن يكون حبك

حبٍ يشيّب صاحبه ما بَعَدْ شاب =وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب =وحبٍ يدوم وصاحبه في غيابه
وحب يذوّب خافقٍ ما بعد ذاب =وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب =وحبٍ يزيدك رغبةٍ في الكتابه
وحبٍ حياته كلّها لوم وِعْتاب =وحبٍ حقيقي ما يضرّك عتابه
وحبٍ بلا معنى وحبٍ بلا اسباب= يبدا غريب وينتهي في غرابه
وحبٍ ضعيفٍ مثل حبرٍ على كْتاب =تمحيه دمعه في ثواني كآبه
وحبٍ قويٍ مثل قصرٍ له ابواب =لو هبّ عاتيْ الريح ما اهتز بابه
وحبٍ بداية رحلته نظرة اعجاب =واخر مطافه مثل يومٍ بدا به
وحبٍ يعيش بداخل قْلوب الاحباب= وحبٍ يشيع وكل حَيٍ درى به
وحبٍ مقامه في ضلوع الصَدِر طاب =وحبٍ يعدّي مثل مرّ السحابه
وحبٍ على قبره نعق بوم وغْراب =وحبٍ تغنّى به لحون الربابه
وحبٍ بمقدارٍ وحبٍ بلا حْساب =وحبٍ بمعروفٍ وحبٍ نهابه
وحبٍ يعيش أهله وسط داره اغراب= ويموت قهر ويندفن في ترابه
وحبٍ غدا سرّه سوالف للاجناب =وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب =وحبٍ يشيب وصاحبه في شبابه

صح السانك ويسلم بنانك على هاالقصيده الذوق ياذوق

دمت بخير ودام تميزك اخوي

اسعدني يا سحايب مرورك واتمنى اختيار بيت من القصيدة يكون حبك

وحبٍ يموت وصاحبه ما حكى بـه


في الصميم دائما ً اختياراتك في الصميم

فدمت لنا وللساحه

الله يسلّمك ............واسعدني مرورك الكريم

وعـــــــــــدنــــــــــــــــــــا


وحبٍ قويٍ مثل قصرٍ لـه ابـواب
لو هبّ عاتيْ الريح ما اهتـز بابـه


يسلم بوحك


تحياتي

وحبٍ يزيدك رغبـةٍ فـي الكتابـه


أعتقد هذا الحب يكون لمنتدى تمير

صح لسانك وما قصرت اخوي في الصميم

...............................

وحبٍ حياتـه كلّهـا لـوم وِعْتـاب
وحبٍ حقيقي مـا يضـرّك عتابـه
وحبٍ بلا معنى وحبٍ بـلا اسبـاب
يبدا غريـب وينتهـي فـي غرابـه

سلام وصح لسانك