ميني كودو الدجاج

كودو الدجاج

[ مقادير العجينة ]

2 كأس دقيق
2 ملعقة كبيرة حليب بودرة
نصف كأس تقريباً كزبرة مقطعة
ملعقة صغيرة ملح
ثلثين كأس ماء

نضيف المقادير الجافة ع بعض

ونعجنها بالماء وتصير عندنا متماسكة

واتركيها ع جنب
ألحيييين بنسوي الحشـــوة

[ مقادير الحـشــوة ]

قطعتين صدور دجـــاج مقطع مكعبات صغيرة
بصلة مقطعة مكعبات صغيرة
فلفل رومي مقطع
جزرة وسط مبشورة
فلفل حار مقطع صغير [ اختياري ]
نصف كأس بقدونس مفروم
ونصف كأس كزبرة مفروم
ملح وبهارات

[ الطـــــريقة ]

نحمس البصل إليين يذبل ويصير ذهبي ونضيف الدجاج

ونحـــرك الدجاج ونتركه إلين ينزل ماءه ونستمر بالتحريك ع نار متوسطة
وبعد مايبدأ ماء الدجاج ينشف نضيف الفلفل الرومي وبعدها البهارات والملح

وعندما ينشف الماء تماما وقبل أن نطفيء النار نضيف الجزر والكزبرة والبقدونس ثم نطفيء النار

ألحين نرجع للعجينة
نقسمها لثلاثة أقسام
نبدأ بفرد القسم الأول على سطح مرشوش بالدقيق
ملاحظة [ لاتكثرين الدقيق المرشوش خذي كمية مناسبة بحيث العجينة ماتلتصق ]
السمك يمكن 2 مل
ونقطعها إلى دوائر القطاعة اللي استخدمتها تقريباً قطرها 6 سم

وتكونين مجهزة مقلاة ع النار وفيها ملعقة زيت [ أنا استخدم زيت زيتون ]
وكل ماكانت المقلاة أكبر يكون أفضل
[ النار تكون متوسطة إذا كانت هادية تيبس العجينة وإذا كانت عالية ماتنضج ]
تحمرينها من تحت وبعدين تقلبينها وتحمريها من الجهة الثانية

ومباشرة تشيلينها وتحطينها في علبة أو قدر وتغطينها حتى ماتنشف

طبعاً هذا المقدار بيسوي لك 21 قطعة
وإذا تبين كمية أكثر ممكن تضاعفين المقدار
وألحين نبدأ نحشي الخبز اللي سويتيه
بنحشيها بـ [ جبنة سايلة + حشوة الدجاج + خس مقطع ]

نمسح كل قطعة بمسحة جبنة سايلة
وبعدين شوي خس وبعدها نضيف الدجاج ونلم طرفين العجينة ونشكها بعود أسنان

اتمنى تكون واضحة من الصورة

والحيييين هذا شكلها النهائي

وهذي صورة أقرب

بالأخير اتمنى تعجبكم

رووووعه ومشهييه ماشاءالله
تسلم الايادي ي الغلا
يعطييك العافييه

رووعه ي الغلا

الله يعطيك الف عاافيه

ودي لك ..~

الله يعآفيكم يالغوآلي منورييين