صورة خادمة وضعت مع أمتعة السفر تهز مشاعر نشطاء تويتر

صورة خادمة وضعت مع أمتعة السفر تهز مشاعر نشطاء تويتر






05-13-1434 06:30
نيوزلايف (متابعات).صورة تم تداولها وانتشرت بقوةعلى مواقع التواصل الإجتماعي، هى صورة تخلو من المشاعر الإنسانية، تظهرت استخفاف عائلة سعودية وضعت الخادمة مع أمتعة السفر والحقائب في مؤخرة السيارة، هذه الصورة هزت قلوب النشطاء على تويتر واستفزت مشاعرهم ،فى تعليق لا حد النشطاء :"متى يعلم المواطنين أن الخادمة ماهي إلا بشر تقوم بخدمة الكثير بحثاً للرزق وإطعام أبنائها، وتابع مغرد أخر قائلأً: ثم يتسألون لماذا الخدم يرفضون القدوم للسعودية.

مرحبا اختنا الراقية والحمدلله على السلامة ،هذا وغيابك ساعات أُصيب المنتدى بشلل رباعي !
ندخل الموضوع !
الان اللي صور ليه ماصور السيارة كاملة ؟نشوف يمكن السيارة مليانه !وين يحطونها فيها ؟؟؟؟
يركبون الشغالة قدام ،في المقعد الامامي ؟والزوجة في شطنة السيارة !!
وش هالحس الانساني في ناشطين توتيتر ،والخوف من الله وهم شغالين في الشتائم وقلة الحياء !
شكرا لك

اقتباس: المشاركة الأصلية كتبت بواسطة الكاريبي    مرحبا اختنا الراقية والحمدلله على السلامة ،هذا وغيابك ساعات أُصيب المنتدى بشلل رباعي ! ندخل الموضوع ! الان اللي صور ليه ماصور السيارة كاملة ؟نشوف يمكن السيارة مليانه !وين يحطونها فيها ؟؟؟؟ يركبون الشغالة قدام ،في المقعد الامامي ؟والزوجة في شطنة السيارة !! وش هالحس الانساني في ناشطين توتيتر ،والخوف من الله وهم شغالين في الشتائم وقلة الحياء ! شكرا لك

يآهلآ فيك والله يسلمك وكلها كم ساعه اللي غبتِ فيها وانتم فيكم الخير والبركه الله يسلمك ويخليك ..
شكل السياره مليانه عائله
لكن مهما كان حرام شوف شكلها لاصقه بالمرايا لازم يتصرف مثلها مثل عائلته اللي حاطها قدام ..
وشكرا ع حضورك وتعليقك ..

اقتباس: المشاركة الأصلية كتبت بواسطة الراقيه    يآهلآ فيك والله يسلمك وكلها كم ساعه اللي غبتِ فيها وانتم فيكم الخير والبركه الله يسلمك ويخليك .. شكل السياره مليانه عائله لكن مهما كان حرام شوف شكلها لاصقه بالمرايا لازم يتصرف مثلها مثل عائلته اللي حاطها قدام .. وشكرا ع حضورك وتعليقك ..

ايه المفروض يركبها جنبه ويشغل التكييف وام العيال في الشنطة !
ماعنده الا هالموتر الصغير ،يستاجر باص عشان تجلس على المرتبه مثلها مثل زوجته !
والشي الاهم ان المسالة ماتحمل هالحس العاطفي والمشاعر الجياشة والانسانية المتدفقه في مغردين تويتر ،المسالة مشوار وليست اقامة او سجن !

اقتباس: المشاركة الأصلية كتبت بواسطة الكاريبي    ايه المفروض يركبها جنبه ويشغل التكييف وام العيال في الشنطة ! ماعنده الا هالموتر الصغير ،يستاجر باص عشان تجلس على المرتبه مثلها مثل زوجته ! والشي الاهم ان المسالة ماتحمل هالحس العاطفي والمشاعر الجياشة والانسانية المتدفقه في مغردين تويتر ،المسالة مشوار وليست اقامة او سجن !

والله منظر مؤسف بجد والله بكره الصوره بتنتشر للعآلم بيقولون هذي الدوله المسلمه وكيف يعاملون خدمهم
الا وماشاء الله عليها رآضيه بعض الخدم والله ماتقدر عليها ترفض تجلس ورآء الا وتجلس بالمرتبه الثانيه ..
احنا السعوديين بوجهه عام تحكمنا العآطفه اكثر .. حتى لو ماندري وش قصة هـ العائله احتمال هي تبي تجلس وراء
لكن مستعجليين نطلق الاحكام بسرعه حتى وصلت لتويترمع الصوره !!

اقتباس: المشاركة الأصلية كتبت بواسطة الراقيه    والله منظر مؤسف بجد والله بكره الصوره بتنتشر للعآلم بيقولون هذي الدوله المسلمه وكيف يعاملون خدمهم الا وماشاء الله عليها رآضيه بعض الخدم والله ماتقدر عليها ترفض تجلس ورآء الا وتجلس بالمرتبه الثانيه .. احنا السعوديين بوجهه عام تحكمنا العآطفه اكثر .. حتى لو ماندري وش قصة هـ العائله احتمال هي تبي تجلس وراء لكن مستعجليين نطلق الاحكام بسرعه حتى وصلت لتويترمع الصوره !!

والله لا مؤسف ولا هم يحزنون!
وش متعودة عاد؟تراهم متعودين سياكل ودبابات ،وش تعتقدين لو كانت تركب السيارة في بلدها تبي تجي !
وللمعلومية تراهم مايعرفون السيارة اطلاقا ولا قد شافوها ابد ،حتى باب السيارة ماتعرف تفتحه والله ،وهي مبسوطة لكن هالملقوف اشغل عمره واشغلنا بالصورة هذي،
والاهم من هذا كله ترى الحريم هن المشكلة !ماتبي الشغالة تركب على المرتبة ولا تبي الرجال يكلم الشغالة وانا خابر هالشي !
شكرا

اقتباس: المشاركة الأصلية كتبت بواسطة الكاريبي    والله لا مؤسف ولا هم يحزنون! وش متعودة عاد؟تراهم متعودين سياكل ودبابات ،وش تعتقدين لو كانت تركب السيارة في بلدها تبي تجي ! وللمعلومية تراهم مايعرفون السيارة اطلاقا ولا قد شافوها ابد ،حتى باب السيارة ماتعرف تفتحه والله ،وهي مبسوطة لكن هالملقوف اشغل عمره واشغلنا بالصورة هذي، والاهم من هذا كله ترى الحريم هن المشكلة !ماتبي الشغالة تركب على المرتبة ولا تبي الرجال يكلم الشغالة وانا خابر هالشي ! شكرا

هذي المشكله انهآ جايه من بلد الفقر وهنا بالسعوديه مايعجبها العجب وتشرط وتحكم ..!!
لو نكون بمكانهم والله مايعاملونا نفس مانعاملهم لكن بعضهم ماينفع فيهم الطيب ..
لكن آحنا قلوبنا رحيمه نعاملهم كأنها وحده من العائله وآكثر والله ..
والحرمه هذآ شي رآجع لها ترفع ضغطها ومحد درى عنها الضعيفه !!

اقتباس: المشاركة الأصلية كتبت بواسطة الراقيه    والحرمه هذآ شي رآجع لها ترفع ضغطها ومحد درى عنها الضعيفه !!

من اللي يرتفع ضغطه ،ومنهي الضعيفة ؟

اقتباس: المشاركة الأصلية كتبت بواسطة الكاريبي    من اللي يرتفع ضغطه ،ومنهي الضعيفة ؟

آنت تقول

اقتباس: ترى الحريم هن المشكلة !ماتبي الشغالة تركب على المرتبة ولا تبي الرجال يكلم الشغالة وانا خابر هالشي !

وانا اقول بعض الحريم ترفع ضغطها على الفآضي ليش ماتبيها تركب ع المرتبه اجل وين تجلس فيه الشغاله !!

اقتباس: المشاركة الأصلية كتبت بواسطة الراقيه    آنت تقول وانا اقول بعض الحريم ترفع ضغطها على الفآضي ليش ماتبيها تركب ع المرتبه اجل وين تجلس فيه الشغاله !!

لان بعض الحريم ماهيب كفو خدم ،ولا استوعبت انه في يوم من الايام تُخدم!لذا ردت فعل طبيعية ،لكن الانسان المتواضع واللي ماعنده في نفسه شك يجالس الخدم والعمال ،لانهم بشر اجبرتهم الدنيا يكونون خدم عندك !
نصيحة للي عنده شغالات خاصة يجب ان يعاملها معاملة طيبة واكثر لانها عايشة معك في بيتك وتعرف اسرارك واصبحت منكم واطفالك معها !

شكرا لك