ماينحني راسي يكود بركوعي

21 / 11 / 2005, 08 : 03 PM

الله من نـار علـى القلـب شبـت = أحرق لهبها حانيـات الضلوعـي

أبهـا معاليـق الضمايـر تصلـت = والعين تعبت في السهر والدموعي

أنـا وراهـا يـوم راحـت وردت = ولعبت بقلبٍ من جفاهـا جزوعـي

ياليتها والله عـن العيـن صـدت = كان أقبل الأعذار ويـروح روعـي

وياليتها تعـذرت يومهـا أخطـت = العذر دايم مـن جميـل الطبوعـي

حـرام تقتلنـي بفعلـك وتسكـت = وتفرح معي وأنت تطفي شموعـي

وحرام تكويني بجمـرك وتشمـت = ياناعم الذرعان أنـا بـك ولوعـي

والناس قالو فـي سنيـن تعـدت = الموت أرحم من كثيـر الوجوعـي

وأهل الوفا في وقتنا اليـوم قلـت = مافيه من يوفي معك لو أسبوعـي

يابنت أنا من قـوم مايـوم ذلـت = ولاهانت أنفسها لو تموت جوعـي

ويابنت أنا من رؤس قـوم تعلـت = تشهد لها العدوان فـرد وجموعـي

عدوانا فـي ساعـة الجـد ولـت = اللي قضـا والـي لدينـا منوعـي

لاذلني حبـك ولا النفـس هانـت = أبقـى عزيزمكـرم فـي ربوعـي

شربت يوم أن المشاريـب طابـت = يومك تحسب لروحتـي ورجوعـي

لابطيت عنك أدموع الأعيان سالت = تسهر ترقبلـي والأمـه هجوعـي

واليـوم زلاتـك عليـه تـوالـت = ومتابع المقفيـن ماهـي طبوعـي

سمعت هرج من أعدايـه وصدقـت = وأنا أحسب إنك في مانت بسموعي

قدري ترينه في السماء وأنت لاهنت = أنزل ترى قدرك تحت ظـل كوعـي

لاتحسبني بنحنـي ويـن ماكنـت = ماينحني راسـي يكـود بركوعـي

منقووووووووووووول من الشاعر عبدالرحمن الذويبي