ماذا تفعل إذا طلعت البر واتضح أنك نسيت الكبريت؟؟؟ما البديل؟؟

أرجو من الإخوة أن يدلي كل واحد بالحل اللي يشوفه نافع ويحل المشكلة حتى نستفيد من جمع الحلول في مكان واحد.

وسلامتكم

انا عندي بعض الحلول ولو انها تعتبر قديمة

ولاعة السيارة ومنديل ورق ولكن اذا كانت الولاعة خربانه

اروح للبطارية واسوي لي سيم مثل حق علاق الملابس وياكثرها عن منازل البدو واربط طرفي البطارية يولع السلك ويصير احمر والمسه بمنديل الورق ويولع على طول

لكن لو معي غاز فاقرب الاسطوانه من البطارية واسوي شراره بالسلك والغاز مفتوح فيولع على طول
هذي بعض افكاري عساها تفيدك

مسشكووووووووووور


سلام

والله الموضوع بالغ الاهمية من ناحية الفكره

نشكر أخوي تامر على طرحه لهذا الموضوع

أما من ناحيه الأفكار التي جمعتها لكم فهناك عدة طرق لشب النار :-

1- تجيب منديل وقطع خشب صغار و تحاول تشب الضو بالنظارة أوشي يجمع ضوء الشمس وإن شاء الله تشب النار

2- تشبك ولاعة السيارة وتخليها لما تحمر وجب لك جلة وتفتحها وتحط الولاعة بوسطها وتشب النار

3- تحط بنزين على قماش أو منديل وتمد سلك اشتراك من البطارية وبعدين تلامس السلكين عند القماش المبلل بالبنزين وتولع على طول النار

4- إذا كان عندك كشاف غازي ، فأحضر منديل و قربه للكشاف حتى يشتعل ثم ضعه تحت الحطب وتشب النار

5- عن طريق ضرب حجرين من الصوان أو المرو مع بعض وبالتالي حدوث شرر بسيط حسب حجم الأحجار وتكون مجهز شي قابل للاشتعال وتقبس الانار


وتقبل التحيه

الله الله كل هذا تسووونه

وش الله حدكم تنسوون الكبريت ؟