عبدالرحمن بن مساعد / نبض الشوارع

15 / 08 / 2010, 26 : 06 AM

ما غدى للوقت معنى .. ما بقى للشعْر دافع ,
ملتْ آلامي حروفي .. وملْ صدري من الضلوع ,
غصتْ في أعماق روحي .. أخذت نبضي من الشوارع ..
- يمكن ألقى أي معنى .. يوقدٌ لـ شعْري الشموع -
صرتْ أراقب كل ومضه .. وأرخيْ للهمس المسامع ,
وأحتري قلوبٍ تسافر " من قساها للخشوع " .

به قلوبٍ يا هي تشقى .. لو يبات الحقد جايع .. وبه قلوبٍ لو هي تقوى : ما بقى في الدنيا جوع ,
وبه عيونٍ في هدبها .. تسكنْ ألام ومواجع .. ومن سواد اليأس فيها .. ما قوتْ تذرف دموع ,
به فقر مدقع يبكٌي .. به غناء فاحش ورائع .. به بُخلْ ظاهر وشامل .. به كرم لكن قنوع ,

به نفاق وفاق حده .. ما لقى في الناس رادع .. به صدق موجود .. لكن ! / مُهمل وماله شيوع ,
به شعوبٍ ضاع أملها .. تكره الفعل المضارع .. تلقى في الماضي عزاها / أما حاضرها يلوع ,
به تعاسه وأنتكاسه .. به ظلامٍ ما يمانع : " يقتل أخر ضيْ فينا .. وشمسنا تنسى الطلوع " ! ,
به كأبه .. به سحابه غيثها دم ومدامع .. به مهانه وأستكانه .. به مذله به خضوع ,

وش بقى في العمر معنى ., وش بقى بالشعْر دافع ؟
وكل ما سالت حروفي / ضاقت بـ صدري الضلوع .. !

للشاعر عبدالرحمن بن مساعد

15 / 08 / 2010, 58 : 06 AM

يعطيك العااااااااااااااااااااااااااااااااافية ع ذا القصيدة مررررة جنناااااااااااااااااااااااااان

15 / 08 / 2010, 18 : 07 AM

وش بقى في العمر معنى ., وش بقى بالشعْر دافع ؟
وكل ما سالت حروفي / ضاقت بـ صدري الضلوع .. !

معاني جميله يكفي خلفه شاعر الأبداع عبدالرحمن بن مساعد

الله يعطيك العافيه