قصيدة // الحرمان

شعر // موسى الخليفي
إلقاء المذيع القطري // عبدالعزيز محمد
لسماع القصيده إضغط على هذا الرابط

http://www.shathaaya.com/alash3ar/mosa_alherman.ram

صهرت الحرف كونته جعلته ساحر و فنان؛ رسمت الكلمه إللي تكونت من بعض تكويني

عشقت الحرف ليش إنه يصور صرخة الإنسان؛ و أنا صرخه بصدر الشوق و شوقك ما يكفيني

قبل ما ترسم البسمه حياتي قول أنا ولهان؛ تكلم جسد الإحساس في عينك و في عيني

هلا و شلونك و كيفك ترى ما تحرك الأشجان؛ أنا محتاج لشواقك تفجر كل ما فيني

برودك عاش في دمي.. قصيده ما لها عنوان؛ سكوتك يبتدي عندي و صمتك صار ينهيني

تحرك يا جبل من ثلج إصرخ قول أنا عشقان؛ لصوتك أو قصيدة حب أو هجران يكويني

قصيدي ينتحر عندك إذا شافك بلا وجدان؛ و لا إحساس ينعشني و لا كلمه تدفيني

شعورك لغز حيرني و حولني إلى بركان؛ تكلم قول أنا ما بيك قطع كل شراييني

شياطين القصيده تشتكي للجمر للنيران ؛ و كل الصمت حطمهم و ماتوا كل شياطيني

أنا خطيت بحروفي قصيده إسمها الحرمان؛ يموت الحرف يحيا الحرف و أنا موتي بسكيني

وســلآمتكم: وصح السـآن شاعرهآ

شكرا
يا النايف وما قصرت
لكن الرابط حق الصوت ما اشتغل عندي
والسلام ختام

مشكور يا النااااااااااااااايف

والرابط شغال

ومني تحية;)

افضل مايكون ان النايف متواصل معنا في كل جديد

النايف فوق هام الهوى يكتب قصيد *** ويطرب باللحن كل شب وشايب

الف شكر لك على هذا الاختيار


سلام