أنت ابــوهــا

11 / 11 / 2004, 40 : 06 PM

اسمها طيبة .. وسم اللي تسمّـي=أو سذاجة .. وقل ودك لي تقولـه
عاد تدري ما يبـل الريـق فمّـي=لا طلبني حاجـةٍ يصعـب مثولـه
ما فرقته صاحبي او ابـن عمّـي=والله اللـي يبي يقـدر ينولـه
والعطاء والله مـا يطريـه همّـي=لو شكيت الجوع في احلى فصوله
ولا رجيت الرد مدحي عن مذمّـي=للعاويـد ورث والمعنـى اصولـه
لاكن اللي بعثـر الحيـره ولمّـي =مع هواجيسٍ من افكـاري ذهولـه
عن عطاي اللي عطيتك له تضمّي=لك ياللي تهدي الجـرح بسهولـه
حبي اللي مشربه هو روح دمّـي=يبست اوراقي وانا اترجى هطولـه
يامـزون خلتهـا شـرقٍ تزمّـي=كيف تبخل بي وانا عرضه وطوله
ايه ابيك اترد لـو النصـف يمّـي=شف ارددها وانا نفسـي خجولـه
والنهايـة دمعـةٍ مـرت بكمّـي=من بدينا بس روحي بك عجولـه
كل هذا و( انت ابوها ) وانت سمّي=وش حياتي كن مـا ودّك تقولـه