|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| همس الأعضاء تهتم هذه الساحه بالشعر والنثر والصوتيات الشعرية الغير منقولة |
آخر 10 مشاركات
|
|
|
أدوات الموضوع |
21 / 07 / 2009, 31 : 11 AM
|
#1 | |
|
تميراوي فعال
|
كثير من البشر وده يعرف بدنيتـي وش صـار
كثير من البشر يسأل عن أسباب الحـزن فينـي وكثير من البشر وده يعرف بدنيتـي وش صـار وعلام اللي يقابلني يشـوف الدمـع فـي عينـي
وانا توي صغير السن حزيـن وشـارد ومنهـار انا بحكي بقول الحين عن اللي صار في سنينـي ولكن قبل لا اتكلـم ابيكـم تحكمـو يـا اخيـار تعالـو واشهـدو يانـاس تعالـو طالعـو فينـي تعالو شاهدوا جسمي غدى ناحل وعقلـي طـار انا ماني تـرى مدمـن ولا ضاعـت ملايينـي وربي يابشـر حالـي سبايـب وقتـي الغـدار تعالو واسمعوا مني وش اسبـاب الحـزن فينـي وشنهي سبة دموعي وش اللـي بدنيتـي اسـرار يتيـمٍ ايـه انـا عايـش يتيـم محـدٍ يراعينـي ولحدٍ عني جاء يسـأل وحيـدٍ جالـسٍ بالـدار يتيـمٍ مافـي بالعالـم رحـومٍ جـاء يواسينـي يتيمٍ عايش بحسـره وضيقـه عيشتـي امـرار يتيمٍ فـي نهـار العيـد محـد جانـي ينادينـي يقول لي خذ حلاو العيد زمانٍ كنا فيـه صغـار يتيمٍ صـاح ياموتـي رجيتـك رجـوه تجينـي يومٍ استاذي قال بكره يجـون ابائكـم ياصغـار شهادتكـم تـرى بكـره وابوكـم لازم يجينـي بسلمها انا بيـده وشهـادة شكـر مـع ازهـار وجاء بكره وجيت امشي ولحـدٍ ماسـك ايدينـي ومن أي طالب دخل ماسك بدين ابوه صرت اغار وكنـت الاول ولكـن دموعـي كانـت بعينـي نزل دمعي وسط حفلٍ كبيـر وحاضرينـه كثـار مقصر زادها الاستاذ ما بـارك صـار يعزينـي شهاده كانت بيـدي احسهـا جمـرة مـن نـار ترى هذا سبب واحد من اسبـاب الحـزن فينـي يكفـي يابشـر ولا اكمـل وافشـي الاســرار ابحكي عن سبب ثاني سبب زاد الحـزن فينـي حبيـبٍ مـت فـي حبـه ولكنّـه طلـع غـدار انا رغم اليتـم حبيـت عشقـت بكـل مافينـي عشقت وكنت له وافي واذا اخطأ اجيـب اعـذار انا حبيت لي شخـصٍ عشقتـه عشقـي لعينـي وهو حبني واقسم لي بـرب المصحـف الجبـار انـا صدقـت حلفانـه وهقيـت انـه بيغلينـي ومثل ماني احبـه مـوت توقعتـه يجينـي بـار ولكـن خيّـب ضنونـي توقعـتـه بيحميـنـي توقعته حبيبـي يكـون ولكـن صاربـي غـدار اثـاري كـان يتسلـى ووقتـه يضيعـه فينـي وانا اللي أحّسبه يحبني واحسبه حاط لي مقـدار قطع في طعنته اخر عـروق الفرحـه بسنينـي وزاد الحزن في قلبـي وخلانـي اعيـش بنـار خدعنـي ونيتـه ينهـي حياتـي وده ينهيـنـي وعجزت اخذ بثاري منه حبيبي كيف اباخذ ثـار ومع غـدره وطعناتـه غرامـه ساكـنٍ فينـي ولا ظني انا بنساه لـو اتعالـج بوسـط شهـار عرفتو يابشر هالحين ليـه الدمـع فـي عينـي عذرتوني على جسمي عذرتو عقلي اللـي طـار وامانـه يابشـر تكفـون اذا منـكـم يلاقيـنـي لايسألني وش الباقي من اللـي بدنيتـي اسـرار لاني لو انـا بحكـي جميـع اللـي انـا فينـي ياناس عقولكم والله بتلحـق عقلـي اللـي طـار |
|
 |
|
21 / 07 / 2009, 49 : 12 PM
|
#2 | |
|
اشراف متقاعد متميز
|
رد: كثير من البشر وده يعرف بدنيتـي وش صـار
تسلم والله على الابيات الجميلة
|
|
|
[flash1=http://upload.7ozn.com/files23/13179075341.swf]WIDTH=550 HEIGHT=300[/flash1]
|
|
21 / 07 / 2009, 58 : 12 PM
|
#3 | |
|
تميراوي فعال
|
رد: كثير من البشر وده يعرف بدنيتـي وش صـار
لك جزيل الشكر والتقدير على مرروك وتشريفك الغااالي
|
|
|
|
| مواقع النشر (المفضلة) |
| الكلمات الدلالية (Tags) |
| www.ward2u.com, ورد للفنون |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
