00**00** قهوة شعير مميزة.... مصوره **00**000

بسم الله الرحمن الرحيم

قهوة شعير راااااااااااااائعة مثلها مثل القهوة العادية..لكن الفرق الفائدة طبعاً..

المقادير..

حبوب الشعير (خاص يشترى من العطار)

((مو شعير الحمام اللي ياكله ....الفرق بينهم شعيرنا هذا أكبر حجم من شعير الحمام والبهائم..))

بعض الشعير منقى ونظيف وبعضه لا...اذا فيه شوائب نقيه مثل اللي ظاهر عندك بالصورة..

نحمصه بالحماصة او بيدك عادي على نار هااااااااادية ..

وشوفي الفرق في اللون بعد التمحيص...يكبر حجمه شوي ..

بعد مايبرد اطحنيه..

واطبخيه زي القهوة العادية..

وحطي بالدلة شوي من الزنجبيل(لتكمل الفائدة) والزعفران والحليب أو كوفي ميت ...اذا تبين هيل كيفيك لكن لاأنصح به لمن يعاني من أمراض المعدة والقلولون..

قهوة الشعير هي قهوة تعويضية لمن يعاني من حرقان في المعدة او القلون او القرحة ,,

تعرفون فوائد الشعير جمه وعظيمة وتشربين منها بدون ماتملي وماتحسسك أبد بالثقل مثل ماتسويه القهوة العربية..

بالعافية..

عجبتني وحبيت أنقلها وأقدمها لكم وبالعافية ...

اختكم

\\

الراقــــــيــــــهـــــ

تبقى القهوة العربية هي الاصل
والشعر خير شاهد

قم يا المقهوي دن نجـر ومحمـاس

واحمس لنا من حب صنعـا نماهـا

وصب لمرور على الخيـل مدبـاس

تقفي عنه صـم الرمـك لانصاهـا

من فوق ما تاخذ على الخيل مرواس

لا جدعت خبيثات الانفـس حذاهـا

واثنه لمن حوله على الزبن جـلاس

اهل السمـوت اللـي بعيـد مداهـا

للشاعر :: مبارك بن عبيكه الرمالي الشمري

اقتباس: المشاركة الأصلية كتبت بواسطة ابن المملكة    تبقى القهوة العربية هي الاصل والشعر خير شاهد قم يا المقهوي دن نجـر ومحمـاس واحمس لنا من حب صنعـا نماهـا وصب لمرور على الخيـل مدبـاس تقفي عنه صـم الرمـك لانصاهـا من فوق ما تاخذ على الخيل مرواس لا جدعت خبيثات الانفـس حذاهـا واثنه لمن حوله على الزبن جـلاس اهل السمـوت اللـي بعيـد مداهـا للشاعر :: مبارك بن عبيكه الرمالي الشمري

اكيد تبقى القهوه العربيه هي الأصل
بس انصحكم بقهوة الشعير لأن فيها فوائد كثيره وخاصه اللي عندهم مشاكل بالمعده.....
وحياك الله ابن المملكه
احتراامي لك