|
|
هَمْس الْقَـgافِــي مآتغترفه ذوائقگم من بحور الشعر |
آخر 10 مشاركات |
|
أدوات الموضوع |
16 / 07 / 2016, 50 : 06 PM | #1 |
تميراوي نشيط
|
مسجد رسول الله رِوْع سجيده
السلام عليكم ورحمة الله وبركاته يسعد مساكم والصباح وكل وقت بخير وخيرة
بديت باللي يملك العفو والباس=اللي عبيده ما تحيط بعديده يحصي بعلمه ليّن الخلق والقاس=جل وتعالى بالصفات المجيده وصلاة ربي عد ذرات الاطعاس=على النبي اللي علينا فقيده البارحه ليلي به الفكر محتاس=مسجد رسول الله رِوْع سجيده الله وكبر والكفر مِلة انجاس=راحوا مع الارهاب صاروا وقيده يامدعي بالدين محصولك افلاس=اسلامنا بالطهر يرفع رصيده اسلامنا يسمو على كل مقياس=اسلامنا بالوسط ميزه فريده اسلامنا ماهوب ترويع ياجاس=اسلامنا بالامن أمه سعيده اسلامنا ينفي مع ابليس خناس=اسلامنا والغدر ماهو عضيده اسلامنا غلظ على الدم ياناس=اسلامنا للعاق كثف وعيده اسلامنا ما يرتضي الأم بعماس=والداعشي بالصدر يطعن حديده صدر الرضاعه يوم مطعومه لحاس=تبت يدينه تب منهو قعيده الله وكبر ليتها حلم ونعاس=الله وكبر حكمة(ن) له وِكِييده وحنا على الطاعه بالاسباب حراس=ننظم صفوف(ن) بالتكاتف شديدة نعري بها اللي كاسى(ن) زيفه لباس=اما يصير بقيد ولا طريده نلطم بها العايل وننصفه بالفاس=واليا تحرك عرق نقطع وريده صغارنا واللي كما حسبة الراس=طاعت ولي الامر واللي يريده نقضي على الخوان ملعون الانفاس=اللي لحق الاسلام ريحة صديده اللي خدم الاعداء وفي الذل غطاس=اما يثوب الخبل ولا نبيده هذا الوطن ياخوك مكنون الالماس=البيت والمسجد وصافي العقيده هذا الوطن ياخوك مشقيه دساس=يرجي زوال الامن يصنع مكيده هذا الوطن ياخوك يحسده بخاس=يبغي عساها الجوع عقب الرغيده هذا الوطن ياخوك مشقية بلاس=جاهل غرير وشاف نفسه وليده مير الدعاء والشكر ياطِيب الاجناس=والحافظ الله تختصر هالقصيده ودمتم سالمين
|
|
16 / 07 / 2016, 13 : 07 PM | #2 |
المستشارة والقآئمه بشؤون العنصر النسآئي
|
رد: مسجد رسول الله رِوْع سجيده
مير الدعاء والشكر ياطِيب الاجناس
...............والـحـافــظ الله تـخـتـصــر هـالـقـصـيـده ونعم بالله الله يحفظ مملكتنا من كل مكروه ويجعل كيد الاعداء في نحورهم صح لسانك ياشاعرنا ع الآبيات الرآئعه وشكري وتقديري لشخصك الكريم .. |
اللهم صل وسلم على نبينا محمد♡
|
16 / 07 / 2016, 25 : 07 PM | #3 | |||||||||||||||||||||||
تميراوي نشيط
|
رد: مسجد رسول الله رِوْع سجيده
اللهم آمين اللهم آمين اللهم أمين
صحت حياتك اختي الفاضلة ومشرفتنا القديره - الراقية شرفتي هالمتصفح الله يشرف مقدارك - والشكر موصل لشخصك الكريم - وياااهلا دمت بخير |
|||||||||||||||||||||||
|
06 / 10 / 2016, 01 : 11 AM | #4 |
مآيشبهونكِ「يالوفآاء
|
رد: مسجد رسول الله رِوْع سجيده
صح لسآنك أخي
أبيات جميلة .. لآهنت . |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|