مرثية عبدالله عبدالرحمن السلوم ..

بسم الله الرحمن الرحيم
السلام عليكم ورحمة الله وبركاته

بعد الصلاة والسلام على خير الخلق ،،

هذي ابيات خطها خالي ،، الشاكي ،،
رثاء لأخيه 💔


...


ابدا بذكرالله على مابديته ،، الواحداللي لادعيته عطاني
يارب تقبل ماطلبت و دعيته ،، ياخالقن عبدك ولك فيه شاني
يامن لوجهه سجدتي ماعصيته ،، اطلب رضاه ورحمته والحناني
يارب ترحم من فقدت وبكيته ،، واللي فقدته واحداً من خواني
انت الذي جبته وعاش وخذيته ،، وانت الذي لاقلت كن شي كاني
يارب ترحم من خذيت ورثيته ،، امين في الجنه بعفو وحساني
جيت بكتاب الله عليه وقريته ،، قبل الاجل يجي لخوي بثواني
اخوي عبدالله انا مانسيته ،، انساه لو الموت عني نساني
ماقيل قال فلان كيته وكيته ،، ولاقيل عنه فلان قال وقفاني
تحقق اللي ماتبي واشتهيته ،، من الوجع يقول موتي ماجاني
راح الذي لامن بغيته لقيته ،، ولا عاد له حروه ولاقول جاني
عهداً على نفسي انا لاهل بيته ،، ما انسى هله الا اذا الله خذاني
لاشفت انا له صورتن قلت ليته ،، ليته يجي عندي عيانن بياني
هاذي عصاه اللي انا ماعصيته ،، لي ذكريات اللي ابدماعصاني
ولا اهتنيت بموتراً لك شريته ،، في وقفته عقبك بهاك المكاني
ذكراه تبقى داخلي ماحييته ،، طال العمر والا قصر في زماني
عقبك جرالي شي انا ماهقيته ،، ولحداً درى بااللي انامنه اعاني
اطلب له اللي لاسجدت ورجيته ،، قال استجيب لعبدي اليادعاني
بقى العضيد اللي اليامن نخيته ،، عبدالعزيز اليا نخيته شفاني
اخوي واختي لي على مابغيته ،، والرابع اللي راح والعمرفاني

الشاعر / الشاكي

^ ياجعل من راح بالجنه 💔

صح لسآن الشاعر الشاكي على المرثيه الحزينه والله يعظم أجركم ويجبر مصيبتكم ويصبركم على فراقه
والله يرحمه ويغفر له ويرحم جميع آموات المسلمين
شكرآ فديت السلوم ..

ابيات جميله ومؤثرة يالغلا
الله يرحم خالك وصح لسان الشاكي على القصيده

ابيات رائعه

يعطيك العافيه وماقصرت

ابياات رااائعه
يعطيك العافيه ع الذوووق الجميل

ابيات جميله ..
والله يرحمه ويغفرله ويجعل مثواه الجنه وجميع موتى المسلمين
يعطيك العافيه ي الغلا

ابيات مؤثرةة
الله يعطيك الف عااافيه
ودي لك

ابيات جميله ومؤثرة
الله يرحمه وصح لسان الشاكي على القصيده الرائعه

الله يرحمة ويغفر له ويسكنهه فسيح جنآته ,
كل من عليهآ فآن
أبيآت تؤلم لآنهآ خرجت من قلب صآدق وفقد آخوي ,

لآهنتي ,,