ياحبيب القلب

28 / 02 / 2013, 05 : 06 AM

ياحبيب القلب لاتسمع
عن حسود وقول عذالي
كم ذكرتك والدموع أربع
وانت ماتنشد ولا تسالي
وانت لك في ظامري مرتع
يالحبيب الناصح الغالي
سامح لك تنزل وتطلع
في فؤادي منزلك عالي
يوم أشوفك خاطري يقنع
وأستريح وينشرح بالي
وانت قصدي وانته المطمع
وانت شوفك لي شفا حالي
وانت هجرك كالصبر واقطع
وانت عندي خزنة المالي
كم أسادي في الشعر وابدع
وأعتنيك بوصف الأمثالي
وانا خايف محملي يطبع
ويغشيه الموج من العالي
لاطبيبن في الهوى يشفع
لاولا من يرحم الحالي
لا ولا لي صاحبن يفزع
لا بني عمن ولا خالي
في بني يابو حمد واسرع
بالخوي ياطيب الفالي
كم جيلي والملا تسمع
عديودن بات همالي
او عدد مرات يسجع
فوق فنن معتلي عالي