**كرامة الانسان**

11 / 09 / 2007, 43 : 02 AM

كـرامـة الانـسـان بالـديـن مـــا دام=الله لـكــل الـنــاس مـفـتـوح بــابــه
العز .. عـز .. الديـن والفـوز قـدام=يوم البشر .. في حضرة الله تشابه
قوميـة الانسـان فـي ديـن الاسـلام=الادمــي يــزداد .. عــز .. ومهـابـه
ماهي قبيله او .. تخاريف واوهـام=والا .. تـعـصـب جـاهـلـي للـقـرابـه
الــلاة والـعـزه منـصـات الاصـنــام=تحـطـمـت يـــوم الله انـــزل كـتـابـه
وصـارت قبايلنـا مـن الهنـد للـشـام=سواسـيـه والـديــن وحـــد خـطـابـه
واليوم عصر العنصـره باللحـد قـام=الـكــل هــمــه يـفـتـخـر بانـتـسـابـه
ما كنه الا شايـف اضغـاث الاحـلام=يقـوم مـن نـومـه مـفـارق صـوابـه
يقـول حـنـا وبــس والبـاقـي اكــوام=ولـيـا مـشـى تـشـوف جــرة ثـيـابـه
مغـرور فـي حالـه علـى مـر الايـام=كـن البـشـر خــدام حـضـرة جنـابـه
ما يدري ان العنصره زيف واجرام=وبـدون غـيـره مــا يـسـاوي ذبـابـه
لافرق بين الاعجمي وعارب الـلام=الـفـرق عـنـد الله بـتـقـوى عـذابــه