هلا باللي كثر حبه ينسيني قسى أفعاله...

إذا كان الفرح يرسم على وجـه الشقـي حالـه

علام الأرض ماتقوى تحمّـل مشيتـي وخْطـاي

غشى بحر الفرح صدري وخذاني اليوم في جاله
وبديت آحس ما بالكون يسكن عاشـق ٍ شـرواي


رجع لي خلي الغايب بعـد مـا حـرّم وصالـه
وأنا اللي طول هجرانه جرحني وأيّس برجـواي


صحيح إنه رحل عني وترك قلبـي علـى فالـه
رحل وأتلى العهد منّه/ طلب أنساه/ وقولة: بـاي


رجع لي وخابـر ٍ قلبـي يحبـه فكـل أحوالـه
رجع لي والسبب أدري صفا قلبي وطول دعـاي


وأنا كالعـاده أتناسـى قسـى طبعـه وغربالـه
عشانه بـس ماينـدم إذا حـس بكثـر شكـواي


حتى القلم فرحه وسطّـر مابـدى فبالـه
وأنا اللي ربعي من اسبوع ملوا من كثر مغنـاي


تعالوا ياعشاشيـق الطـرب غنـوا لـي موالـه
أبعزف لجله أبياتي وأخلـي لـه قصيـدي نـاي


تعالـوا صفـوا بجنبـي ونوقـف كلنـا قبالـه
رجاء ً مع بعض وبصوت واحـد ردّدوا ويـاي:


هلا باللي كثـر حبّـه ينسّينـي قسـى أفعالـه
هـلا بالقلب/وعروقه/ونبضه/والنفس/والـمـاي


هلا باللي كسـب رهنـه علـى .......؟؟ ونالـه
يغيب.. ولارجع يدري بأنه مـا براسـي راي؟!


هلا في تاج راس الحسن جانـي تسبقـه هالـه
من التصفيق والتصفير أحسه واسمعه باقصـاي


هلابه كثـر مـا خـلا بغيابـه حالتـي حالـه
كثر ما شارعه يشكي وأنا (تمتير) رايـح جـاي

يقولوا أصحابي ف(خلي) رجع في وضع يرثاله

وقالوا فرصه وجتني عشـان أحطـه بمخبـاي


وأنا ادري الحِسْد ذابحهم وكل ٍ قـال مـا قالـه
عصافير الشجر طارت وأنا عصفـوري بيمنـاي


وزنت الناس في كفه.. ورجح في كفه لحالـه !
غلاته لا بغيت أوصف مداها ترتبـك أعضـاي


أحبه حب لو أحلف ف(ليلى) قيـس مـا شالـه
أحبه موت ياعالم وأنـا داري بكبـر بلـوااااي!


وأنا ياسامعين الصوت لـو كانـت بهـا ثقالـه
أمانه لا تلومونـي إذا - مليتـوا- كثـر غْنـاي

يعطيك العافية على الذؤق المميز

آبيآت جميله بجمآل آختيآرك
تقديري

ابياات راائعه
تسسلم اخووي عازف على الانقااء الراائع

نص عآنق آلآبدآع ,
سلمتْ آنآملك لَ جمميل مَ تخطهه لنآ دآئماً ,
شكراً لك ,