| قصيدة مميزة | ][مآ كنت أحسب الحب هذي علومـــه!!~

عزالله إني يوم حبيت / حبيت
ماكنت آحسب الحب هذي علومه

ضحيت ,
وأخلصت ,
وعطيت ,
وتفانيت ,
لو إن نفسي من عطاي [ محرومه ] !

الظاهر إني طحت وأنا ما سمّيت
ولا أظن لي من بعد ما طحت قومه

ما جت لي الدنيا
( على ما تمنيت ) !
حلمت : والأحلام شبه معدومه

عجزت :
وأنا اللي الى قلت سويت
حظي فتر حيله وبردت عزومه

ياما قطعت من الدروب وتعنيت
وسريت ليل ٍ ما تشعشع نجومه ,

وكم ليلة ٍ روحي على كف عفريت
وأقول ( ما آحد ٍ ميّت ٍ قبل يومه ) !

ماتحت رجليني ياكودالدناميت
آطا الخطر .. كني معارض حكومه !

وقفت
في وجه الظروف وتصديت
وقفة شجاع ٍ راس ماله : سلومه

وش عاد أخذت من المحبه وخليت
حب ٍ مضى وقته .. وبقيت رسومه

عليه أجرّ مع الونين / التناهيت
لا أخذت لي في جوّه الرحب .. حومه

ذكراه حولي .. كل ما أصبحت وأمسيت
رحل .. والأصعب من رحيله ؟ قدومه !
...

الظاهر إني طحت وأنا ما سمّيت
ولا أظن لي من بعد ما طحت قومه


الله الله ,
إختيار أكثر من رائع





ذكراه حولي .. كل ما أصبحت وأمسيت
رحل .. والأصعب من رحيله ؟ قدومه !



ب الصميم هـ البيت ,
صح لسان شآعرها والله ,
وتسلم يمينك



تستآهل الختم ,

آبيآت جميله
سلمتِ يالغلآ وسلمَ لنآ آختيآرك
تقديري

الله الله على الذؤؤق المميز

يالغلا

مشكورين والله على التواجد الطيب وماقصرتو