|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| هَمْس الْقَـgافِــي مآتغترفه ذوائقگم من بحور الشعر |
آخر 10 مشاركات
|
 |
|
|
أدوات الموضوع |
27 / 04 / 2007, 54 : 09 PM
|
#1 | |
|
المراقب العام
|
الا يالله طلبتك وانت ماتخفى عليك الحال=ولاتجـهلك غِـرات المخـاليق وخـوافيها
السلام عليكم ورحمة الله وبركاته هذي قصيدتي اللي نسبتها مجلة قوف في عددها الاخير للشاعر العلم/سعد بن جدلان الأكلبي القصيده قلتها من قبل 10 سنوات تقريبا وكان لها موضوعها الذي لايخلو من الطرافه التي اميل اليها وكانت تتحدث عن مواضيع وهموم ليس لابن جدلان فيها لا ناقة ولاجمل والقصيده قلت فيها: الا يالله عفـوك لامعـي بيـجـر ولاجــوال .................ولا عنـدي وظيفـه والتجـاره فاشـلٍ فيهـا ولاعنـدي شهـاداتٍ ولاحرفـه تسـد الحـال ..................ولا حـظٍ كبيـر لا اخطـت الجـره يقديـهـا مخابي الثوب تومي مادخلها من زمـان ريـال ...............بها فاتـورة الكهـرب ولا يمدينـي اقضيهـا على ذيك العراوي تتعب الحادي مـع الجمّـال ..............ثلاث اشهـور فالورشـه وشهريـنٍ مغطيهـا ابيها لو تجمّل يـوم واجلبهـا علـى الـدلاّل ................يجيها واحـدٍ حظـه مثـل حظـي ويشريهـا نصيت العسكريّه يـوم قالـوا للنظـام رجـال ................وقدّمـت الملـف وصـورةٍ متشخـصٍ فيهـا خذا الاوراق مني واحدٍ مـا عنـد ابـوه دلال ..........سلوم الناس واهل المعرفه والطيـب مخطيهـا قراها في دقيقه والتفـت عجـلٍ علـي وقـال ............شهادتك العظيمه يا ولد ويـن انـت مخفيهـا هزّيت الراس ماعندي تقول اني مـن البنقـال ............وقمت احـب خشمـه واطلبـه بالله تمشّيهـا حذفها من يده شين الطبيعـه والنبـا والفـال ..............وقال ازيـن تعـوّد صـوب نوقاتـك تعشّيهـا تناوشته من الكرسي وعفت الحـل والترحـال ............وضربته بالبياله عقـب مـا بيّحـت شاهيهـا خذوني للسجن لا نيـب لا ظالـم ولا محتـال ..............مجـرّد واحـدٍ جـا يكحـل عيونـه فيعميهـا ويوم اني خرجت اقفيت لارض الله وسيع الجال ..............علـى بـرٍ هـواه يـداوي العلّـه ويبريهـا ادوّر قصعة الجربوع والضـب الفتـي يختـال ........والارنب يا شفاة الروح ما احلاهـا وطاريهـا بـلا كهـرب ولابيجـر ولاغـازٍ ولانـقّـال ............قوانين الحضـاره ماتبـي شوفـي ولا ابيهـا وقبل سنتين قال لي بعض الزملاء هذي القصيده راح زمانها وتغيّرت الاحوال ولازم تكتب قصيدةٍ تناقضها فقلت هذه القصيدة التي انشرها هنا لإول مره: الا يالله طلبتك وانـت ماتخفـى عليـك الحـال .................ولاتجهلـك غـرات المخالـيـق وخوافيـهـا رضاك ورحمتك لاقرّت النظـره وضـاق البـال .................وعفوك يـوم تحييهـا علـى الدنيـا وتفنيهـا (عقب ماقلت في سابق زمانـي مامعـي جـوال .................ولاعنـدي وظيفـه والتجـاره فاشـلٍ فيـهـا) (ولاعنـدي شهـاداتٍ ولاحرفـه تسـد الحـال ..................ولا حـظٍ كبيـرٍ لا اخطـت الجـره يقديـهـا) كتبت من الكـلام اللـي لذربيـن الكـلام يقـال ..................وزيّنـت القصيـده يـوم شاقتنـي معانيـهـا وحمدت الله سبحانه على مايسّـر مـن المـال ...............وعلى حـظٍ تقـادى للطريـق وكـان مخطيهـا وعينت الوظيفه عسكري يمشي يميـن شمـال ..................وظيفـه طيبـه والطيبـه مانـيـب شانيـهـا وشريت الهاتف اللي قيمته زادت على الف ريال ...............سمـي المملكـه والمملكـه يازيـن اساميـهـا وسجلت الرجـال اللـي معَرْفتهـم ذرا وظـلال ...............علـى بيـض النوايـا والقلـوب الله معافيهـا وخليت الردي لان الردي مالـه معـي مدخـال ..............انا لي سكـةٍ فالطيـب بيـن النـاس ماشيهـا وشريت الموتر اللي يكتبون اسمه على التمثـال ............ليا شاف الطعـوس يـدوس عاليهـا وواطيهـا واخذت البيت واهل البيت واصبح لي مره وعيال .............عقب ماكنـت فالشقـه عزوبـي رايـحٍ فيهـا وقمت امشي واسولف واتقهوى مع رجال اعمال ..........على سوق العقار وسالفـة الاسهـم وطاريهـا وتركت الضب يرعـى ويتفيّـا حـزة المقيـال ...........عقب ماكنـت بالشكمـان محرجهـا وموذيهـا زمانٍ راح واقفى وانتهى مافـي الكـلام جـدال ...............وعينـا الليالـي فيـه حامضـهـا وحاليـهـا وعشنا لين شفنـا بوشنـب متقلـد السلسـال ..............تقـول بنيـةٍ فالسـوق تبغـي مـن يلاغيهـا وعشنا لين شفنا الشايب اللـي يتبـع الجهّـال .............وضاعـت هيبتـه بيـن البزاريـن ودواديهـا وعشنا لين شفنا الجاهل اللـي مامعـه مثقـال ...............ولامنـه اذن الـمـذّن صـلاتـه مايصليـهـا وسبحان الذي بامره يجي بين الرِجـال رجـال ..............وسبحـان الـذي بامـره يقديهـا ويهديـهـا منقول |
|
 قَالَ صَلَّى الله عَلَيْهِ وَسَلَّمَ إِنَّ الْمُؤْمِنَ إِذَا لَقِيَ الْمُؤْمِنَ فَسَلَّمَ عَلَيْهِ وَأَخَذَ بِيَدِهِ فَصَافَحَهُ تَنَاثَرَتْ خَطَايَاهُمَا كَمَا يَتَنَاثَرُ وَرَقُ الشَّجَرِ 
|
|
28 / 04 / 2007, 27 : 12 AM
|
#2 | |
|
مشرف سابق
|
وعشنا لين شفنـا بوشنـب متقلـد السلسـال
..............تقـول بنيـةٍ فالسـوق تبغـي مـن يلاغيهـا وعشنا لين شفنا الشايب اللـي يتبـع الجهّـال .............وضاعـت هيبتـه بيـن البزاريـن ودواديهـا وعشنا لين شفنا الجاهل اللـي مامعـه مثقـال ...............ولامنـه اذن الـمـذّن صـلاتـه مايصليـهـا وسبحان الذي بامره يجي بين الرِجـال رجـال ..............وسبحـان الـذي بامـره يقديهـا ويهديـهـا الله الله يالمتحد وصح لسان قايلها ولكن من هو يالمتحد إذا كان مهوب ابن جدلان ,,,,, الابيات الاخيره أتوقع تصور الوضع المأساوي للشباب في الوقت الراهن نسأل الله الهدايه لنا ولهم ... |
|
|
سبحان الله وبحمده ،،، سبحان الله العظيم
|
|
28 / 04 / 2007, 36 : 12 AM
|
#3 | |
|
المراقب العام
|
مشكور يا السنافي على مرورك وانت اخبر من تنطبق عليه القصيده
|
|
|
قَالَ صَلَّى الله عَلَيْهِ وَسَلَّمَ إِنَّ الْمُؤْمِنَ إِذَا لَقِيَ الْمُؤْمِنَ فَسَلَّمَ عَلَيْهِ وَأَخَذَ بِيَدِهِ فَصَافَحَهُ تَنَاثَرَتْ خَطَايَاهُمَا كَمَا يَتَنَاثَرُ وَرَقُ الشَّجَرِ
|
|
28 / 04 / 2007, 11 : 09 PM
|
#4 | |
|
تميراوي برونزي
|
ياسلااااااااااااااااااام عليك يالمتحد قصيدة طيبة صح لسان ناظمها وسلمت يمينك يالطيب
دمت بحفظ الرب ورعايته |
|
|
استغفر الله الذي لاإله إلا هو الحي القيوم وأتوب إليه
|
|
28 / 04 / 2007, 16 : 11 PM
|
#5 | |
|
مشرف سابق
|
شكراً أخي المتحد لكن منهو قايلها حسبته أنت
قلت أثاري الرجال شاعر بدت تطلع أمور ما نعرفها قلب الأسد عنده بنت وأنت تكتب الشعـــر |
|
|
|
|
01 / 06 / 2007, 33 : 05 PM
|
#6 | |
|
تميراوي الماسي
|
 لله درك على هذه المشاركة ولأبيات الجميلة والرائعة  يا المــتــحــــــــــــ2007ــــــــــد مــــــــــــــــــــرعب الـنــفـــــــــــــــــوس
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
