صهيل الماضى ( لبن عون )

يامل قلب يسج وفيه دولاجـه= من هاجس بالضمايرقام يدرجها
في معزل عن جميع الخلق وازعاجه= مااسمع من الناس لوتكثر لجالجها
ماغير اهوجس تقول مضيع حاجه= آخذ واسند على روحي واهرجها
وادوج لوكان مارجلي بدواجـه= ادلّه النفس لين الله يفرجها
يالله يالي بيدك الضيق وافراجـه= ياخالق الخلق ياقاضي حوايجها
تفرج لعين الذي أغفت بسـوهاجه= تجهز عليها الطواري لين تزعجها
بالصدر ضيقه ونوم العين هملاجه= عيني من العام والسهر متولجها
نوب سهرها شديد ونب نهاجه= ومر تكن الدموع ومر تزعجها
عليك ياللي بقلبي كن وهاجه= وهاج نار هوى الغربي يسارجها
أبو ثمان تشاد اللولو لعاجه= كن البرد يوم يضحك في مفالجها
ياروح روحي وجرح القلب واعلاجه= الطف بحال عليك الهم ساهجها
قلبي يناجيك بسلوب الهوى .. ناجه= يشكي لك الحال داخلها وخارجها
اما التفت لي وتم الوصل بمواجه= والا بلا عشرة هذي نتايجها
وش ينفعك من حنين القلب وخلاجه =وجروحي اسبابها انت ولا تعالجها

قصيده تكتب بماء الذهب لابن عون

ورغم طول عمر هذه القصيده إلا إنها حتى الان

والناس ترددها وتحفظها لانها من القصائد النادره والجزله

دام أختيارك الطيب يامشهور