جا يشوف الحال كيفه بعد ماهزه حنينه

جا يشوف الحال كيفه بعد ماهزه حنينه= وقبل يسألني سألته كيف حالك يالحبيب . ؟
قال أنا كني غريب ضيع دروب المدينه =قلت انا كني مدينه تنتظر رجعت غريب !
قال اجل وش فيك تلعن سيرة الحب وسنينه =قلت انا وشلون ابنسى سيرته دامك تغيب
انت لامن غبت حتى مرايتك صارت حزينه =. كيف ماتبغاني احزن وانت لي مثل النصيب
الهدايا . . والرسايل . . والمكاتيب الثمينه =والليالي . . والقمر . . والريح . . والكون الرحيب
كل ما تبعد تجيب الشعر ليا من يدينه =وتقعد جروحي تودي في الطواريق وتجيب
يابعد كل القصيد ونزوة حداه وأنينه =لا ذكرتك لاح بيت . . وطاح ورد . . وفاح طيب
وان نسيتك مانساني صوتك المبحوح لينه =يأخذ لجرحي بثاره من خطاياك ويطيب
وبعد هذا . . جاي ترمي ذنبك بوجه المدينه =مادريت ان المدينه كلها " شمعة غريب

فهد المـــــــــــــســــــــــــــاعد

حقا ...

كلمات جديرة بالنقل

وإنتقاء رااائع منك

يدل على ذوقك الراقي

في انتقاء الاشعار الجميله والرئعه

اخي في الصميمم

تسلم يمينك وقلمك المميز

وصح السان الشاعر/ فهد المساعد


دمت بهذا التميز

قال اجل وش فيك تلعـن سيـرة الحـب وسنينـه
قلت انـا وشلـون ابنسـى سيرتـه دامـك تغيـب

مشكور اخي في الصميم على القصيده الرااااااااااائعه وانت الاروع في انتقاء القصائد

الاعزاء على النفس / سحايب صيف والمتحد .

كم اسعدني إطلاعكم على القصيدة , وكذلك ردكم العطر .

واجو ان يحذو حذوكم كل الاعضاء لكي يصل منتدانا الى قمة المشاركة والابداع .

حفظكم الله من كل سوء

الهدايـا . . والرسايـل . . والمكاتيـب الثميـنـه=والليالي . . والقمر . . والريح . . والكون الرحيب
كـل مـا تبعـد تجيـب الشعـر ليـا مـن يدينـه=وتقعد جروحي تـودي فـي الطواريـق وتجيـب

مشكور اخوي في الصميم على النقل المميز

انت لامن غبت حتـى مرايتـك صـارت حزينـه
. كيف ماتبغاني احزن وانت لـي مثـل النصيـب
الهدايـا . . والرسايـل . . والمكاتيـب الثميـنـه
والليالي . . والقمر . . والريح . . والكون الرحيب


مشكووور أخوي في الصميم

صح لسانك ومشكور على هذا القصيده الرائعة منك يا الغلاي

صح لسانك وصح لسان قايلها
000000000000000000000

شاكر لمروركم الكريم .. ا تمنى ان تكون حازت على اعجابكم

جا يشـوف الحـال كيفـه بعـد ماهـزه حنينـه
وقبل يسألني سألتـه كيـف حالـك يالحبيـب . ؟

صح لسان الشاعر فهد المساعد
وما قصرررررت في الصميم على النقل