يأهــل الشعر ردو عليه جوابي .....؟

هذه القصيدة كتبها الشاعر / حمد ابن أبراهيم العثمان ( أبو عاصم ) وطلب من إخونه الشعراء الردود حولها والقصيدة بعنوان ((الـــنــــــــــــداء)) ،،،،،
أتنمى من رواد ساحة الشعر الرد على هذة الأبيات ولكم تحياتي:) ،،،،

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،

يأهل الشعر ردو عليه جوابــــــــــــي
ردو جواب مولع ذاق الأمـــــــــــرار
عايشت في الدنيا هموم وعذابــــــــي
والناس ماترحم ولا تحفظ أســــــرار
دنيا غثاها مرني في شبابـــــــــــــــي
طير صواب الفكر والفكر محتـــــار
احترت أنا منها وزاد اضطرابـــــي
والكل فيها همه اليوم دينــــــــــــــــــار
واللي محيرني وضيع جوابــــــــــــي
إن المحبه صارت اليوم تذكــــــــــــار
راحت رفاقة عمرنا كالسرابـــــــــي
خلان هذا الوقت مافيهم بـــــــــــــــرار
كل يدور صالحه لو يرابــــــــــــــي
الدين معهم ضايع ماله أنصــــــــــــــار
تكفون ياشعار وين الصحابـــــــــي
اللي امنول تنذكر فوق الأسطـــــــــار
اللي تعين أصحابها في الصعابــي
المرجلة معهم لها طب وأثمــــــــــــار
اقصصهم تروى بليا كتابـــــــــــي
الناس تحفظها وتذكر بالأشعــــــــــار
وختام قولي عفت حتى الشرابـــي
وشلون عين تهتني ودمعها حـــــــــار
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

اهلا بك يا راعي الرايه وتسلم على هالابيات الرائعة للشاعر ( حمد ابن ابراهيم العثمان ) وحبيت ان اشارك بهذه الابيات اتمنى من الله ان تكون على المستوى المطلوب وان تنال اعجابكم واستحسانكم
اخوكم ابو ريان
( عادل عبدالعزيز الحسين )

يامن طلبت الشعـر هـذا كتابي

وموضح فيه المعاني بالاشعار

ومـبـين بــيـن المعـاني جـوابي

وابدا بذكر الله على كـل الاذكار

الله يقــديني لـــدرب الــصـوابي

واجاري اللي قال شعـره بأيـثار

اهلا يا بو عاصم هلا يا شهابي

يا نــور وضاح تعــلى بالاسـحار

ابــشر ولك مـني قــصـيد يسابي

قصيد من حاله علىالوقت صبار

لا تـشـتـكي هـمـك وهـمي عذابي

والهم مـن حالي كما صالي الـنار

اشكي هــموم ما تـــفــارق ثـيابي

كثـيـر منها فــي خفـــيات الاسرار

وهذا الزمن فيه المصايب تصابي

مصايب تــنــزل عـلـيـنا كالاعصار

احــدا فـــقـد خـله واصـبح سرابي

واحـدا بخـله اصـبـح الـيوم غــدار

حــبــيت اوضـح للبشر في خطابي

من هـم في قلبي تمكـن وبأصـرار

وخــتامها ربـي يحـقــق جــــوابـي

واذكر بفعـل الخيرمن بين الاخـيار


شعر ابو ريان

تسلم يابوعاصم وتسلم يابو القصيد حقيقه اتحفتونا
hamad

صح لسانك ياأخي أبو ريـــــــــان من جد رد رائع ومميز وأهنئك على الشاعريه المميزه وأتمنى المزيد ..... وصدق من قال /
الحي يحيك ،،،،،، والميت يزيدك غبن .....

وتقبل تحياتي ،،،،،،

هلا بك يا راعي الرايه ولا يهون اخوي العزيز حمد وصح بدنك يا طير حوران 0

قصائد رائعة وأتمنى تفاعل الجميع

وأشكر راعي الرايه وأبوريان الغالي

مرة اخرى //////

يأهـل الشعر ردوا عليـه جوابـي
ردوا جـواب مـولع ذاق الأمـرار
عايشت في الـدنيا هموم وعـذابي
والناس ما تـرحم ولا تحـفظ أسرار
دنيا غثـاها مـرنـي في شـبابي
طير صواب العـقل والفـكر محتـار
احـترت أنا فيـها وزاد اضطرابي
الكل فيـها هـمـه الـيـوم ديـنار
واللي محـيرني وضيـع جـوابي
إن المحـبـة صارت اليوم تـذكـار
راحت رفـاقـة عمرنا كالسـرابي
خـلان هـذا الـوقـت مافيهم أبرار
كـل يـدور صـالـحه لو يرابـي
الـدين معهــم ضايع ماله أنـصار
تكفـون يا الشعار ويـن الصحابي
اللي امـنول تنـذكر فوق الأسطـار
اللي تعـين أصحـابها في الصعابي
الـمرجلة معهـم لـها طيب وأثمـار
اقـصصـهم تروى بـليا كـتـابي
الناس تـحفـظها وتـذكر بالأشعـار
وخـتام قولي عفت حتى الشرابـي
وشلون عـيـنٍ تهتـني دمـعها حار
الشاعر/ حمد بن إبراهيم العثمان / أبو عاصم

هذا الرد وصلني من الشاعر / إبراهيم بن محمد الغنام وهو من شعراء روضة سدير وهو غني عن التعريف
وكتب هذة الأبيات راداً على أخيه ابوعاصم فقال :

جاني كتابك ياعــزيز الـــــجنـابي ،،،، وعرفت ماكنيت يانــــسل الأحـــرار
عذرك تقول الرقت جـــابه عيابي ،،،، وأسقاك عقب الحلو كاسـات الأمرار
تقول في دنياك شـــــفت الــعذابي ،،،، ولاعاد تــلقى من يــدلك بــالأشــوار
الناس فيهم من يعـــرف الصوابي ،،،، فيــهم مـناعــيــر طــويلــين الأشبار
وفيهم شبيه البوم وســـط الخرابي ،،،، ولا شبيه للـقـصف نبــــت الأهـــوار
والبعض فيهم ياحمـــد ســـم دابي ،،،، ياالله تكــينــا خـطــر ســم الأشــــرار
والبعض فيهم مثل غيث السحابي ،،،، ريف الضعيف اللي يحامي عن الجار
ماحط للــــديوان قـفـل وبــــــابي ،،،، مفتوح دوم للــــنــشامــى والأحــــرار راعي الدلال الصافيات العذابــــي ،،،، اللي مراكـيهـن على شـــبــة الــنار
الناس مختــلــفيــن شيب وشبابي ،،،، كـــــلاٍ عــطاه الله عــــقــله بــمقــــدار
مثلك بخيس بالخطا والصـــوابي ،،،، الجار تــــختاره قــــبل تــــسكن الــدار
عذري ياأبو عاصم برد الجوابي ،،،، إن كان به نقصان تــقبــــل بــالأعــذار
صلاة ربي عــــد نبت الهضابي ،،،، على النبي المصطفي ســــيــد الأبــشار
ــــــــــــــــــــــــــــــــــــــــــــ

شعر / إبراهيم بن محمد الغنام (أبو عبدالعزيز).

وش هاالزين
وين باقي الشعراء