روضه ملهم وريح النفل

دق علي صديقي أبو نواف وقال يمدحون روضه ملهم وشرايك نتغدى فيها..

قلت له من هالخبل الي مهوب لاحقك ---> اجحدها عاد..

المهم رحنا لها وكانت محميه من المجاهدين لوضعهم رشاشات تسقي الارض

الي راح تشوفونها بعد قليل مساحات كبيره وارض مخضره وعلى هذي الحال

اذا ما جاهم مطر ركزو الرشاشات ورشو الارض وحموها

عشان الامير عبد العزيز بن فهد يتكشت فيها ايه ماء ببلاش وش خسرين ..

الزبده يا جماعه ممنوع منعا باتاَ الجلوس بها والتجول وخاصه الوقت هذا.

لما شافنا موظف المجاهدين حاول انه يطردنا منها بس اوهمناه اننا ما ندري وضايعين ومن هالرخيص الي انتم خابرين..

ويالله انه طاع وخلانا نجلس فيها وعطانا مهله قصيره جدا ما امدانا ولا نحك راسنا فيها..

مغير كلنا غدانا و كله ماء وحبته ما استوت..

تراي علمتكم <------- لا تقولون ماعلمنا اصبروا الين يفكون الحمى عنها..

اترككم مع الصور...

::::::::
::::::
::::
::
:
.

البريق هذا يذكرني بأيام جميله...

الله حيهم بياله مخدره على الكيف..

وانا طالع فوق الطعس شفت جره حبارى او عقاب <---- والله الفرق بعد..

المهم حبارى بس ما لقيناها كان مطلقين سداح عليها...

واكثر نباتها النفل والربله والحوزيان على ما اعتقد بس تشم ريحته من بعد..

رشاشات في وسط الشعيب ومسافات كبيره جدا..

<<<هذا وش تسمونه !!
نسميه حنا قبون ربي يمكن عشانه ما يوذي..

ويوم بغينا نطلع خربناها وطلعنا من عند البوابه وبجانب خيمه المجاهدين..

بس الرجل محترم جداَ لوه من الي انتم خابرين كان ماجلسنا ولا دقيقه..

وان شاء الله حازت الصور على استحسانكم..

تحياتي لكم

ابـو حـمـد

الله يعطيك العافيه على التقرير
ماباقي الا تصور ........

http://www.tumaer.com/vb/showthread.php?t=60858

صادق

وعليكم السلام ورحمة الله وبركاته
مشاءالله تقرير كامل مكمل يابو حمد
تغطيه اكثر من رائعه
عجبتني صبت الشاي
حسيت انك واقف وانت تصب الشاي
صور بصراحه تفوق الوصف
كل الشكر لك ولمن معك
ومبروك الوسام فأنت تستحقه بكل جداره

ربيعهم راااائع يا ابو حمد وهي كل سنه تسقى

الله يعز الحكومه

صور غااايه في الروووعه وموضوع اروع

معلومه يا ابو حمد



الحبارى ما يجي لها الا ثلاث رجلين




كل الشكر لك ولابو نواف والله يعطيكم العافيه

مشكورويعطيك العافيه اخوي ابو حمدوكثر من الموضيع هذي وتسلم

وعليكم السلام ورحمة الله وبركاته

ما شاء الله عليك يا ابو حمد

ويا بخت منهو رافقك ولو في صندوق السيارة

ودائماً ما تخجلنا بكرمك الفياض

بهذه التقارير الشامخة والرائعة

فقد استمتعنا بهذه الصور اللي تفتح النفس

وتطرب وتسعد العليل ..

الف الف شكر وجزاك الله عنا الف خير

اقتباس: المشاركة الأصلية كتبت بواسطة جار القمر    الله يعطيك العافيه على التقرير ماباقي الا تصور ........ http://www.tumaer.com/vb/showthread.php?t=60858 صادق

وراكم صاكين على في التبيس يا جارمالك حق انت والربع لكن الجايات اكثر ان شاء الله واعلمك من اصور..

هلابك والله يعافيك ..

تحياتي لك..

اقتباس: المشاركة الأصلية كتبت بواسطة معانق هم    وعليكم السلام ورحمة الله وبركاته مشاءالله تقرير كامل مكمل يابو حمد تغطيه اكثر من رائعه عجبتني صبت الشاي حسيت انك واقف وانت تصب الشاي صور بصراحه تفوق الوصف كل الشكر لك ولمن معك ومبروك الوسام فأنت تستحقه بكل جداره

والله ما نقصنا الا انت يا معانق..

وودي تجي عشان اوريك كيف صبت الشاهي

تراها صبت الكيف عندي هذي

هلابك والله يعافيك ويبارك فيك..

تحياتي لك..

اقتباس: المشاركة الأصلية كتبت بواسطة المتحـ2007ـد    ربيعهم راااائع يا ابو حمد وهي كل سنه تسقى الله يعز الحكومه صور غااايه في الروووعه وموضوع اروع معلومه يا ابو حمد الحبارى ما يجي لها الا ثلاث رجلين كل الشكر لك ولابو نواف والله يعطيكم العافيه

المتحـد هذي ثلاثه اصابع لو تعدها لقيتها 3والرابع الكعب..

يمكن تكون حبارى مهجنه
هلابك يالمتحـد وشكرا لحضورك..
تحياتي لك..

اقتباس: المشاركة الأصلية كتبت بواسطة دحوم الخالديه99    مشكورويعطيك العافيه اخوي ابو حمدوكثر من الموضيع هذي وتسلم

الله يعافيك اخوي دحوم وابشر بسعدك بس خلنا نشوفك ...
وتسلم على حضورك..
تحياتي لك..