جآني ونا وسط ربعي وناسي

هذه قصيدة لشاب رأي في المنام تفاصيل موته !!!!!!
الشيء الغريب (حسب من روى القصة) ..
ان هالشاب مات بعدها بيومين .. في حادث مروري

هي مشهورة ومعروفة .. حبيت انقلها لكم للموعظه



جاني وأنا في وسط ربعي وناسي
........................ جاني نشلني مثل ما ينشل النـــاس

مني نشل روح تشيل المآســـــــي
........................ تشكي من أيام الشقى تشكي اليـاس

أثر الالم في سكره المـــوت قاسي !!!
........................ ماهالني مثله وأنا إنسان حـــساس

جابوا كفن أبيض مقاسه مقاســــي
........................ ولفوا به الجسم المحنط مع الـراس

وشالوني أربع بالنعش ومتواســي
........................ عليه ومغطى على جسمي البـــاس

وصلوا علي وكلــــــهم في مــآسي
........................ ربعي ومعهم ناس من كل الاجناس

يا كيف سوا عقبنا تاج راســــــــي ؟؟!!
........................ وامي الحبيبه وش سوى بها الياس ؟؟!!

اسمع صدى صوت يهز الرواسي
........................ قولولها لا تـــلــطـم الخــد يانـــــاس

قولولها حق وتجرعت كاســـــــي
........................ لا تحترق كل يبي يجرع الكـــــاس

أصبحت في قبري ولابه مواسـي
........................ واسمع قريع نعولهم يوم تـــــنداس

من يوم قــــــفوا حل موثق لباســي
........................ وعلي رد الروح صوت بالأجراس

هـيكل غريب وقال ليه التــــــناسي
........................ صوته رهيب وخلفه اثنين حــراس

وقف وقال ان كنــت يانـمر نـاسي
........................ هاذي هي اعمالك تقدم بكــــــراس

ومن هول ماشفته وقف شعر راسـي
........................ وانهارت أعصابي ولا أرد الانـفاس

يالــيتــني فكرت قبل انغمـاســـي
........................ بالـغفله اللي منتـهاها لــلافـــلاس

وفزيت من نومي على صوت ناسـي
........................ وأصرخ وأقول الموت وأحذر الناس

رائعه ومؤثره شكرا على النقل

اقتباس: المشاركة الأصلية كتبت بواسطة المحايد    رائعه ومؤثره شكرا على النقل

الاروع مرورك
منور يآلغلا

قصيده جدا مؤثره مشكور على النقل وننتظر جديدك

اقتباس: المشاركة الأصلية كتبت بواسطة امورة تمير    قصيده جدا مؤثره مشكور على النقل وننتظر جديدك

منوره الموضوع بردك

روووعه وتحمل معاني كثيره

تسلمين يااذوووق

قصيدة مبكية ..
الموت مآل ومنتهى كل حي .. ولاكن ..!!
ماذا بعد الموت
شكرا همس على هذه القصيدة
ونحن نردد معه رحمه الله :
يالــيتــني فكرت قبل انغمـاســـي
........................ بالـغفله اللي منتـهاها لــلافـــلاس

أبيات مؤثرة جداً بمعاني قوية

ألف شكر واختيار موفق

منورين الموضوع بردودكم