رحلتي للشرقيه

بسم الله الرحمن الرحيم

السلام عليكم ورحمة الله بركاته ،،،،

يسعد صبآحكم / مسآئكم .. أعضاء منتدى تمير الغوآلي ...

لظروف إختبآرآتي تأخرة بتنزيل موضوع رحلتي إلى الشرقيه يوم الاربعاء 15/2/1432هـ ..
طبعاً رحله سريعه وخفيفه توآجد فيها اخي الموآدع ومخاوي الموآدع وصاحب المعالي وأبو فارس
ومحدثكم عزوز الرياض التقرير من جهد أخي الموآدع بإعدآد للصور وتنسيقها ..

في بدآية الرحله هاذى هو عفشنا وحوستنا لااحد يدقق بالعفش

مسكنا الطريق للدمام والحمدلله فكنا الله من نظام ساهر ماصورنا حنا الي صورناه

وحنا بالطريق شفنا ذا الدباب ويسمونه الظاهر مهاوي او ماهي حول ذا الاسم
ويقول مخاوي الموادع سعره بـ40الف

توقفنا بجانب الطريق لطبخ الغداء مامن عجله على الشرقيه ماطارت

صاحب المعالي

الشباب كلهم مشتركين بتجهيز الغداء

الموادع هو أمير الرحله متكي وماغير جب وود هع

للأسف ماذكرنا نصور الغداء الي بعد ماراح نصه

وصولنا للشرقيه بشاطى نصف القمر وتجهيز القهوة وشوي الدجاج واللحم

ثم المبيت بالشاطى والامير الموادع نايم بالسياره

صبآح مشرق بالحيويه والانتفاضه من البرد

الموادع يجهز القهوة العربيه ومخاوي الموادع يقطع البصل والطماط للموادع يضبط لنا تونه

الافطار جاهز سموا الله محيكم

تمشيه على البحر ووجدنا صياد للسمك والتقطنا بعض الصور

راح الوقت لم نصور أخذتنا السوالف وتذكرنا التصوير عند وقت العشاء
والموادع امير طيب مايعطينا فرصه نطبخ الوجبات

وبعد وجبة العشاء هب الجميع بالنوووووم
ومن الصباح مخاوي الموادع يشعل النار والموادع وصاحب المعالي يجهزون الافطار
الموادع يجهز إدآم وصاحب المعالي مقلقل لحم

الافطار جاهر والله ياهو لذيذ الله يعافيهم على الافطار

وفي خروجنا من الشرقيه شاهدنا على الطريق هالدباب وتوجهنا الى الرياض

وبالطريق مررنا على منتزه سعد

ووجدنا بعض الحطب

تفاجئنا بان المنتزه مغلقه
واستفسرنا من عامل المحطه عن سبب الاغلاق وافاد انه قبل ثلاث سنوات توفي فيه
ثلاث اطفال بالمسبح وبعدها اغلقت المنتزه حتى هاذه اللحظه !!!!!

توجهنا بعدها الى طعوس سعد ووقفنا عند نقاء سعد

وجزاه الله خير الموادع على طول بادر بطبخ الغداء

بعد الخلطه السريه هع

سوالف ريثماء يجهز الغداء

وذكريات طريفه مع مخاوي الموادع واخي الموادع

اصبح الغداء جاهز وتسلم يدينك يالموادع

بعد الغداء لعبة القواطي معبيها رمل صاحب المعالي وفاز عليه الموادع بـ 225نقطه مقابل 180نقطه

الكتابه على الرمل ممتعه صاحب المعالي التقطنا له صوره من بعيد

وهاذى خطي لمخاوي الموادع والموادع ولي انا

وبالختام اود ان اشكر اخي الموادع على تنسيقه للصور باالاختيار والتحميل ومساعدتي بالاعداد
وان شاء الله تحوز على اعجابكم واستحسانكم ودمتم برعاية الله

عزوز الرياض

احم احم
ماشاء الله على التقرير يااخوي
بس خل الاعضاء يعرفون انك جيد بس بالاكل ماتطبخ ولاحاجه جيد ترسم على الرمل
خلهم يدرون اني امير اسم والكرف والطبخ علي امحق امير مادريتوا عنه
بصراحه الرحله كانت جميله جداً ولها طعم برفقت اخوانا الطيبين
واخص اخي الغالي مخاوي الموادع ونعم الرجل وهو الكل بالكل ولايهون البقيه
وعلى فكره جو الشرقيه كان بررررررررررررد مرررررره والان اتوقع انه زان
اشكرك على ان جعلت لأسمي مكان موضوعك ودمت بخير

وانا اقول عزوز مفقود واثرك خات للشرقية
وشلون جوهم عسى مهوب برد <--- عنده طاري طرشه ومحتار
رحله موفقه مع خويا نشاما يحطون على اليمنى واولهم الموادع الامير
شكرا لك على التقرير الجميل

وعليكم السلآم ..
الحمدلله على سلآمة العوده ..
مآشآء الله تقرير روعه ..يآحلو جو الشرقيه في هـ الوقت .. أشتقت اروح لهآ ..
والله مرتآحيين مآشآء الله لآشقه ولآ تعب ..عزوبيه بأي مكآن تجلسون !!
التقآطه حلوه للصوره هذي

يعطيكم العآفيه .. عزوز / الموآدع على التقرير الممتع ..

رحلة ممتعة وشيقه
بس الي رفع ضغطي كل يوم كبسه كان غيرتو ولاطلبتو من المطعم ~~~> من سآئلك انتي هع
وماشاءالله ع الموادع شكلكم كارفينه بالرحله مسكين والله
الله يونسكم بالعافيه
وع فكرة خطير خطك ياعزوز بس لوكتبت الهلال بيطلع آخطر واخطر
تستاهل التقييم ع الرحله الجونآآن
ودي ووردي لك:)

رحلة جميلة في ربوع محبوبتي

كان زرتوا كورنيش الخبر حتى يكتمل الجمال جمال

الايام هذي الجو باريسي مع شوية ضباب لندني


لبا الساحل الشرقي

الله الله آجوائهم شكلها حلوة
وسسسنة برد ع قولتك
منورين كلن بسسمة
ويعطيك الف عافية ي الموادع ع التقرير قصدي ي عزوز

ما شاء الله .. تبارك الله ..

أمير ... وراعي كبسات ...

هذا والله الغرض ..

فككم الله ما خليتوا الموادع يضبط الفطور .. إن كان صلح لكم كبسة ...

رحلة مميزة ... خصوصاً في هذه الأجواء الجميلة ... والرفقة الرائعة ... وسيادة الرئيس كمان ..!!

الحمدلله على السلامة .. ولاهنتوا ..

الحمد لله على السلامه وما شاء الله عليكم رحله جميله وتقرير رائع يا عزوز

مع صحبه طيبه,,

بس احس ان الشرقيه هالوقت ما تصلح ابد

كان تعديتوها بكم كيلو ---> او يعي الموادع عليكم

... الحمدلله على السلامة ..
رحلة ممتعة وشيقة والله
لا اجار ولاشئ نايمين قايمين عند البحر والله فلة
تصويرك مرة رووعة والله شكل الموادع متخصص في تقطيع البصل والطماط..هع كارفينة..
مشكورين على التغطية وتستاهل التتقييم..