يفتح الله عليك

كل حي ن يموت وكل شي يزول
غير وجه الكريم المعتلي ذو الجلال

أعقد العزم لا ضاقت عليك الحلول
يفتح الله عليك ويبدل الحال حال

ساعة الصبر تفتح محكمات القفول
أو ساعة الضيق تفرج واليالي طوال

لا تعاتب رفيقك جعل عمرك يطول
عدها وادمح الزلة ليا جا مجال

الرفيق السنافي يرتكي للحمول
ما يشيل الحمول إلا ظهور الجمال

والبنادم على الفطرة بطبعه عجول
ولا تجيب النتيجة سرعة الانفعال

كلمة السوء تلقطها أضعاف العقول
قدحة أول شرارة قال فلان وفلان قال

منت لا قي بشر معصوم غير الرسول
خل صدرك شمالي نام مرتاح بال

كاني اشملت كلن له مرام وميول
شوف قلوب الخلايق مايله للشمال

مالها أكذب من النمام راعي الفضول
ولا به أوثق سريرة من صدور الرجال

شوف على كثر ما تمطر سماناسيول
عين تطلع هماج وعين تطلع زلال

وان كان عزمك يخونك وأنت طبعك ملول
سد باب الكلام وخل عنك الجدال

ماتسرك علومك كان مالك قبول
لو تغوص البحور ولو تهد الجبال

واحشم النفس عن هرج الخطأ والنزول
لا تجي للكلام العوج مظرب مثال

وأسمع البدو من زود الأدب وش تقول
كان منت طيب قالوا إبن حلال

ابيات فيها من الحكم والمواعظ ..
الله يسعدك اخي النادر على هالرائعه الجميله اذا كتبت تميزت واذا حضرت ابدعت ..
كل الشكر لك ..

الرفيق السنافي يرتكي للحمول
ما يشيل الحمول إلا ظهور الجمال

والبنادم على الفطرة بطبعه عجول
ولا تجيب النتيجة سرعة الانفعال

صح السانك يا النادر قصيده جميله واختياراجمل
تسسلم وماقصرت

ساعة الصبر تفتح محكمات القفول
أو ساعة الضيق تفرج واليالي طوال

...

ابيات رائعة
الله يرزقنا الصبر الجمييييل
دمت بخير والله يسعدك ويوفقك .