قالها الفنان الكبير عبدالحسين عبدالرضا
ياجماعه
ليش ما انصفي النيه ؟
ترا فينا طبع مو حلو حبيت اكتب عنه
اذا سمحتولي
بس طبعا مو الكل فيه هالطبع
البعض
اذا شفنا رجال قاعد على البحر و زعلان
ليش انقول متهاوش مع زوجته او الصاحبه ؟؟
يمكن عليه مخالفات و اقساط كثر شعر راسه
(هذا اذا بقا براسه شعر)
اذا مرت وحده الساعه 12 بالليل بسيارتها
ليش الشباب يفجون عينهم و يخزونها
يمكن دكتوره عندها خفاره رايحه المستشفى
(حلاتهم ملائكة الرحمه)
اذا وحده حلوه مرت و زوجك يطالعها
ليش اتحسين انه يتحرش فيها و معجب ؟؟
يمكن ايقول بقلبه مرتي تسواها و تسوا اهلها
(وشولة يطالعها؟؟)
اذا وحده ثقيله و ماتضحك على اي شي
ليش انقول نفسيه و شايفه روحها ؟؟
يمكن عندها حالة وفاة او احد من اهلها فيه شي
اذا بنيـه شعرها بوي ليش سيده على بالكم صبيك
يمكن شعرها خفيف او مو حلو عليها الطويل
اذا واحد الله قارده بلون ابيض و شفايفه حمر
ليش عبالكم جنس ؟
ياخي العرج يحن وش يسوي
اذا مرت فلبينيه و خزها شايب ليش اتفكرون غلط
يمكن ماعندهم خدامه و بقلبه ايقول هذي تصلح
(الا شايب مراهق)
اذا قلتي حق زوجك ابي فلوس و قال ماعندي
ليش اتظنين فيه ظن السوء
يمكن امسويها لك مفاجأه بيشتريلك شاليه
(طل)
اذا واحد صار له 7 سنين بالجامعه وصار طرشي
ليش انقول عنه فاشل ؟؟
يمكن اخته مستجده و ينطرها تتخرج يخاف عليها
(أخاف صج)
اذا وحده ميته من البجي بسيارتها
ليش كل الناس اتطالع
و على بالهم زوجها طاقها ..؟
يمكن عرسها اليوم و الخياطه خربت نفنوفها
(أحلى ترقيع)
اذا اثنين تزوجوا و ماجابو عيال ليش سيده تقولون مافيهم
عيال و اتدشون بخشومهم ؟؟
يمكن انهم مأجلين الموضوع
(لاحقين على الحنه)
اذا واحد على طول مغتر ..... بر , نادي , مباراة
ليش اتقولون عنه اصلع و المايه قراح ؟؟
يمكن الرجال ايحب الرزه
(امبله)
اذا شفتوا بالمطار البنات اللي واصلين من ايران خشومهم
ملزقه و عليها بلاستر
ليش على بالكم عمليات تجميل ؟
يمكن صار مطبات هوائيه و روسهم طقت
الكراسي اللي قدام
(قويه )
اذا وحده انعزمت على عشاء و ماكلت
ليش على بالكم رجيم و تتناغزون عليها
يمكن متعشية مبكرة
(شخباري اللي يتعشون مبجر)
اذا وحده دخلت الجامعه و تنفصل و دخلت التجاري
و تنفصل ودخلت دورات خاصه او دورات مياه اخر شي نيوهورايزن
ليش انقول عنها فاشله ..؟
يمكن اتدور مصلحتها وين
( ماصارت المصلحه اللي ما لقتها ليلحين )
اذا واحد كل شهر سياره شكل مره مرسيدس
مره جاكور ليش على بالكم فلوسه واجد؟
يمكن اجار
(فششششششله)
اذا واحد خطب وحده و اهلها ما عطوه و ماتزوج عقبها
ليش اتقولون وووي لي الحين يبيها ويحبها ؟
يمكن مالقى اللي يبية
(وعلييييه)
اذا وحده ساكنه بيت اهل زوجها و ماتنزل تتغدى معاهم
ليش ايقولون عنها شايفه روحها و نسره ؟؟
يمكن مسويه رجيم و ماتبي تقول
(خوو غصب يعني ؟؟ )
والله الموفق
18 / 04 / 2007, 55 : 11 AM
صف النيـه
