،’ ¬» مسآحة خاصة : ‌ ‌‌‌‌「 أجمل القصائد والأبيات لـ شعرآء مدينة تمير ) ! ‏

السلام عليكم ورحمة الله وبركاتة , تحيّة عطرة إخوتيّ ، هنا سيكونْ المتصفحَ " مرجع " ..! لـ أجمل القصائد والأبيات التي ينشرها شعراء مدينة تمير في أرجاء المنتدى أو خارجه ..! فتحت هذه النافذة لـ الشعراء والمتذوّقينْ على وجه العموم ..! الموضوع بـ كل بساطة مفتوح للجميع لـ طرح القصائد .. عبر بيت واحد أو أكثر ، شرطٍ أن تكون ملكيّة الأبيات راجعة لأحد شعراء مدينة تمير..! كما أنوّه أن تكون الردود والمشاركات خاصة بذلك لكي لا يأخذ الموضوع مجرى أخر ..! تنبية مهم * لا بد من ذكر إسم الشاعر أو لقبه حفاظاً على الحقوق الأدبيّة .. ومرجع لشعراء مدينة تمير ...!

لا عاد تهديني ولا نيب مهديك .................... خلاص ما عقب المفارق هدايا لـ عزام الخريف ( السنافيّ )

مَرَّتْ سِنُوْنَ ثَلَاْثٌ مِلْؤُهَاْ الآهُ = عَلَىْ رَحِيْلٍ تَحِلُّ اليَوْمَ ذِكْرَاْهُ رَحِيْلُ أُمِّيْ لِدَاْرِ الخُلْدِ أَوْجَعَنِيْ= فِيْ ثَاْلِثِ العِيْد إِذْ يَأْتِيْ فَأَرْعَاْهُ أُمِّيْ وَعِشْتُ يَتِيْمًَا إِذْ تُفَاْرِقُنِيْ= فَقَدْتُ وَجْهًَا سَمُوْحًَا بِتُّ أَنْعَاْهُ فَقَدْتُ أُنْسًَا وَحُبَّاً كَاْنَ يُبْهِجُنِيْ = دُعَاْؤُهَاْ الصِّدْقُ آهٍ مَاْأُحَيْلَاْهُ لَاْ لَمْ يَغِبْ طَيْفُهَاْ عَنِّيْ فَمَسْكَنُهَاْ= صَمِيْمُ قَلْبِيْ وَتَغْفُوْ فِيْ حَنَاْيَاْهُ لِسَاْنُ صَدْقٍ مِنَ الأَحْبَاْبِ يَذْكُرُهَاْ= يَظَلُّ يُسْعِدُنِيْ وَالمُنْعِمُ اللهُ عَلَيْكِ مِنْ خَاْلِقِيْ أُمَّاْهُ مَرْحَمةٌ = جُزِيْتِ عَنِّيْ جِنَاْنَ الخُلْدِ أُمَّاهُ لـ عبدالله الغآنم ( المرهف )

موضوع جمييل وفكره حلووه
تسسلم الايادي ...

ربَّــــــــاهُ فــــارحـــــمْ راحـــــــــلاً
.................أســـكــــنــــهُ دارَ مــــحــــمــــدِ
واربــطْ عـلــى قـلــبٍ بـكــى
.......................فَقْـدَ الحبيـبِ أبــي جــدي
لــ المرهف

يابحر


حرفـي يُناجـيـك بـالأشـواقِ يابـحـرُ •• فـفـي لقـائـك أُنــسٌ صـاغـهُ الـصـدرُ
تُذيـبُ همِّـي بمـاءِ الحـبِّ تُطربـنـي •• بـصــوت مـوجــك نـغْــمٌ كـلُّــهُ طُـهْــرُ
عـلـى شواطـيـك للـعـشَّـاقِ مـوعــدةٌ •• يُـبـادلــون كــؤوسًــا مـابـهــا غـــــدْرُ
ولـوثــت طُـهْــرك الـمـعـهـودُ طـائـفــةٌ •• إبـلـيــس ضللهم ونـهـجـهــم عُــهْـــرُ
أبحرتُ بالفِكرِ في الأعمـاقِ مُبتغيًـا •• فـيـك اعتـبـارًا فــذلَّ القـلـبُ والـفِـكْـرُ
حملتَ موسـى جنينًـا نحـو طاغيـةٍ •• هــو الظـلـومُ جـهــولٌ دأبُـــهُ الـكِـبْـرُ
أنجـى بـك اللهُ موسـى آيـةً سُـطِـرت •• وكنـتَ بالضـربِ طـودًا أُزهـق الكفْـرُ
قد احتضنتَ ابن مَتَّى غاضبًا فدعا •• مـوحِّـدًا أقـبــل الإحـســانُ والـيُـسْـرُ
يابحـرُ هاقـد أتيـتُ اليـوم يدفعـنـي •• تجديـدُ عـهـدٍ فـأنـت الـحـبُّ يابـحـرُ
هل تقبل العـرضَ إنـي فيـك مؤتمـلٌ •• لأقطف السعدَ ثوبي الفخْرُ والشُكْرُ

المرهف

يازينها لا قلت صبحك بالخير .
.ويازينها لاقلت وش هي علومك .
.ماتدري ان الصبح في حضرتك غير
..حتى القوافي تنتشي من قدومك

لـ عزام الخريف ( السنافيّ )

فكرة رائعه .. وموضوع جديد ومنك كل جديد .

تسلمي ولي عوده ان شاء الله ..

سلام عيد و نابعٍ من مصافيه /
تسليمةٍ با غلا العطور مختومه /
نبع الغلا تسليم غالي لغاليه/
للشاعر المبدع مع الشعر حومه/
زان القصيد و جمّل الله قوافيه/
يفرض على راعي المشاعر رسومه/
و شعرٍ بليا روح ما نيب ادانيه/
و قولٍ بليا حق ما نيب ارومه/
شاعر و يهدي بالمشاعر معانيه/
و الحمد لله طيّباتٍ اقسومه/
متوكلٍ بالله ولا نيب ناسيه/
يا الله عسى ستره علينا يدومه/
امشي على امره و اتجنّب نواهيه/
يا الله عسى نفسي ما هيب محرومه/
يا سرع دورات الزمان و مماشيه/
وقتٍ يزايمنا و حنا نزومه/
راح رمضان و ودّعتنا لياليه/
شهرٍ كتبه الله علينا نصومه/
و العيد هلّ هلاله اللي نراعيه/
من مرصد اهل تمير بثّوا علومه/
شفناه و اعلنّاه و الحق نبديه/
و في المحكمه ثبّت شهادة قدومه/
و على البراري بشّروا به عوانيه/
يبثّ ابو ناصر و ياسم وسومه/
العيد بالجمعه و زفّوا تهانيه/
وكلٍّ على قدّه يفصّل هدومه/
و انا اتصل بي صاحب الحفل راعيه/
القرم ابو راكان راعي تنومه/
الشهري اللي طيباتٍ مجانيه/
الكفو يعزم و الرجال معزومه/
قال القصيده قلت لبيه لبيه/
رجلٍ قصر عن واجبه وش لزومه/
وجينا على الموعد و شفنا مباديه/
الزلّ يفرش و الضيوف محشومه/
و العود الازرق فايحاتٍ نواشيه/
من واردات الهند و اليوم يومه/
و القهوجي على يمينه يباريه/
و الهيل خاثر و الدلال معسومه/
يا زين ترتيبه و نيرة مبانيه/
هذي تصاميمه و هذي رسومه/
نقدّر جهوده و نشكر مساعيه/
جازم و نفسه باللوازم جزومه/
يا ليل يا ليل السعد وش نسميه/
الجو رايق و الامور محسومه/
مابه مجالٍ للزعل و المشاريه/
وساوس الشيطان شبه معدومه/
عيد و فرح و صفوف عرضه و ترفيه/
لباسة المجند لها اليوم قومه/
اتراثنا و اتراث اهل نجد نحييه/
و من لامنا في اتراث اهلنا نلومه/
اميرنا معنا عسى الله يحييه/
ابو سعد وجه السعد في يمومه/
ميزان حق و فرض ربه مصليه/
و لا مضى ثلثين ليله يقومه/
عسى السحاب اليا نشى من مناشيه/
لا صار فوق تمير تمطر غيومه/
يغيث ريضانه و يكتظ واديه/
و يسقي النخيل اللي عليه مهيومه/
هذا مجزّلنا نحبه و نغليه/
حبٍّ مبنّي في الضماير رجومه/
من عهده الاول اليا عهد تاليه/
ما اخلف مراسيمه و لا اخلف سلومه/
بدو و حضر متفرقين بنواحيه/
للحق حق و للخصومه خصومه/
هذا الزمان اللي على الله مشاكيه/
زادت غرابيله و كثرت همومه/
يا قلّ حسناته و ما اكثر مساويه/
وقتٍ على الاسلام ينفث سمومه/
فيه الولد يطمر على اللي مربيه/
و على اقرب الاقراب يعلن هجومه/
سرى بليلٍ موحشاتٍ مساريه/
و الموت في سوق الدواعش يسومه/
عادى بلاده و المشايخ و اهاليه/
و انكر ولاة امره و سبّ الحكومه/
يقول ابي الجنه و غيره مقدّيه/
عمامةٍ سودا عليه محزومه/
ابوه يبحث عنه و الام ترجيه/
هذا العقوق اللي تجينا علومه/
يفجّر حزامه و يذبح بني خيه/
حتى بيوت الله غزتها سهومه/
اكبر خطا و اعظم بلا وش دواعيه/
الدين قايم و البلاد محكومه/
خوارجٍ من سابق الوقت ماضيه/
على علي قاموا بسيف الخصومه/
اصغار سنّ و دينها ما تراعيه/
سفه العقول و ليلها ما تنومه/
يقول بنطهّر وطنكم و نلغيه/
ينام ثم يملي علينا حلومه/
اهبوا هبيتوا يا الوجيه المكاريه/
و اخسوا خسيتوا يا الكلاب مخزومه/
و الله ما يدنس وطنا و اراضيه/
و الحال منا ما تردت عزومه/
حنا مقابيسه و حنا حواميه/
حنا مداغيشه و حنا قرومه/
و حنا ليا منا دعانا نلبيه/
و نسقيه ثراه و نصطفق في حزومه/
في ظل من يحكم وطنا و يبنيه/
امامنا منه الامور محسومه/
سلمان بن عبدالعزيز الرجا فيه/
بعد العظيم اللي علينا عمومه/
هو درعنا الضافي عسى الله يخليه/
ملاذ عن برد الزمان و سمومه/
لا قال يا عيالي و نادى مناديه/
قمنا ليا قمنا على القوم قومه/
جن الحروب اللي تردد عزاويه/
يرعد سمانا ما تهاوى نجومه/
انشد اهل صنعا و للعلم طاريه/
وش فعلنا يوم الديار مهلومه/
قمنا على الحوثي و صالح نقاضيه/
يوم الخبيث اعلن علينا هجومه/
من ينكر المعروف حنا نجازيه/
و من خاننا حنا دواه و لهومه/
هذا جزانا يا مضيّع هقاويه/
تعد نفسك صقر و الا انت بومه/
ابو فهد بالك تقرّب حواليه/
جعل حياتك كل ابوها معدومه/
على عميل ايران بانت مواريه/
انا اشهد انه ساس حكم و حكومه/
يا علنّي ما اعدم وجوده و لا ابكيه/
و يا عل يوم المعتدي قبل يومه/

لــ الشاعر فهد المفرج

بـسـم الله أبــدا كلمـتـي والشـعـر جــاك
يـا خــوي خــذ مـنـي كــلام ٍ جـديـدي
يـــا خـــوي احـفــظ كلـمـتـي لا تـعــداك
وأرفــق تــرى الدنـيـا غثـاهـا شـديـدي
دنـيــاك هـــذي حـلــوة يــــوم تــهــواك
تـصـيـر لـــك جـنــات فـيـهــا سـعـيــدي
تـلـقــا الــفــرح فـيـهــا قـلـيــل تــعـــداك
إلــى أقبـلـت كـــلٍ يـنــادي يـــا سـيــدي
يــا سـيـدي اطـلـب كلـنـا الـيـوم نـفـداك
آمـــــر تــدلـــل كـلــنــا لـــــك عـبــيــدي
والى انتهى وقت الرخاء زادوا اعداك
كــم واحــد لا شــاف وجـهــك يـحـيـدي
يـقـفــي ولـكــنــه يـعــرفــك ومــاشـــاك
وأنـت تحسبـه فــي المـراجـل سـديـدي
يــا خــوي أكبـرهـا قـهـر يــوم ينـسـاك
خـــل ٍ تـــوده شـوفـتـه يـــوم عـيــدي
تــدور أرضـاتــه وتـفــرح إلـــى جـــاك
تقـضـي لـزومـه كـيـف مـاهـو يـريـدي
ولا حـل بـك وقـت مـن الشيـن جـافـاك
خــلاص مــا عـنـدك ثـمـار وحصـيـدي
يــا خــوي افـطـن ثــم تخـيـر لممـشـاك
الــعــز لـــــه درب صـعــيــب بـعــيــدي
افـهـم تــرى الطـيـب يـعــزك ويـرفــاك
ولا بــــان عـيـبــك يـدفـنــه مـايـعـيــدي
شـيــن الـرفـاقـه لـــو تـــدللهم إعـــداك
كــم واحــد ٍ ودوه وســـط الـحـديـدي
واحـفــظ كـــلام الله والـديــن مـنـصـاك
مــا ضــاع منـهـو خــاف ربٍ مجـيـدي
هــذا كــلام الـحـق والـصــدق مـنـجـاك
الـصــدق يـنـجـي مـــن ظـــلام أكـيــدي
وأختامـهـا عـفــوك يـــارب وارضـــاك
راجـيـك أنــا ودمـــوع عـيـنـي بـديــدي

لــ الشاعر حمد بن ابراهيم العثمان

يا لطيـف الـروح قلبـي فـيـه كـيـه
لا تزيـد الجـرح مـا نيـب متعافـي


أرفق بقـلـب المعـنـى يــا خـويـه
كل ما شفته مـن الهجـران كافـي


حالـتـي مــن سبـتـك والله شقـيـه
وأنت في حالي تجور ولا تخافـي


كـان ذا علمـك فانـا زرت المنيه
ذنبي أني فالمحبة صرت وافي


ليتك تشوفين جرحك يا بنيه
والبلا أن جروح قلبي ما تشافي


أنتي طعونك مثل ضرب برديه
روفي بحالي عسى ربي يكافي


يالغضـي لبّستنـي ثـوب الخطـيـه
ما لبسته مير أظن الثـوب ضافـي


لا جـزا الله خـيـر نـقّـال الوشـيـه
بيـح المكنـون وبيّـن كــل خـافـي


صابـر ٍ فـي حـب ذيـك الغشمريـه
قد شربت المر قدم يكـون صافـي


من يلوم اللي غدت روحه ضحيه
ماشي ٍ درب الهوى رجلي وحافي


لكـن اسمـع يـا حيـاتـي للوصـيـه
لا تزيـد الصـد هـجـران وتجـافـي


عـوّد ورجّـع علـي الــروح حـيـه
لا تـروح وينتهـي عمـر السنافـي


لـ عزام الخريف ( السنافيّ )