اول ما تبدا الحصه
(((( استاذة ما فهمت الدرس ))))
اكيد ما فهمتيه هذا من الهذرة والسوالف والبرم والسرحان والضحك بالحصة
(((( استاذه .... ممكن اروح الحمام ؟؟؟؟؟))))
يعني ما تبين تروحين الحمام الا الحين ........ بعد الحصة روحي .. انتوا زي الاطفال رايحين جايين على الحمام
(((( استاذة ممكن تعيدين اللي قلتيه ما سمعته ))))
اكيد ما سمعتي ..... انتي وصديقاتك بس بتسولفون ...... شلون بتسمعون ؟
((((استاذة ممكن اشرب ماي ؟))))
يعني ما صرتي عطشانة الا الحين ... احسن خلك عطشانة علشان ما تسولفين وتتكلمين
(( استاذة منهجنا صعب ...... خططيلنا على الكتاب))
من قبل المعلمة 3 ردور
اول شي ؟؟؟؟؟؟؟؟؟؟ اخططلكم ؟؟؟ اطفال انتوا ؟؟؟؟؟
ثاني شي انتوا صرتوا كبار ........ بصف (...) لازم تخططون بنفسكم
ثالث شي ما في تخطيط .... كل شي معاكم احفظوا
(((( استاذة دفتري ضايع ....وش اسوي ؟؟؟))))
في هاي الحاله المعلمة ترد عليها
الرد الاول : هاه ... نعم ؟؟؟ وش تسوين ؟؟؟ ايش رايك اروح بيتكم و ادور عليه ؟؟؟ الا انتي دوري علية وانا ايش ذنبي ان ضاع ؟؟؟ انا الي ضيعته ؟؟؟
الرد الثاني : لالا ... الحمد لله ... ما عندي دفاتر بمكتبتي انا ارسلتلكم كل الدفاتر ذيك المره
الرد الثالث : ترى ان ما لقيتي دفترك ... راح تعيدينه كله من اول كامل
((( بنت تمسح اللوح .. وبعد ما خلصت ....استاذة ممكن اغسل ايدي )))
انا اعرفكم يا بنات ....تبون تتهربون من الحصة لا يا حبيبتي ما في طلعه خذيلك منديل
(((( استاذة ... الجو حار شوب ما نقدر نستوعب ..... المكيف خربان))))
ايش شايفيني انا المصلح اللي يصلحلكم المكيف ؟؟؟ روحوا الادارة وقولولهم ...يلا لا تضيعون حصتنا
(((( استاذة في نمله تحت الدرج )))
اصلا النمله تخاف منكم ... يلا بلا تضيع وقت .. خلونا نكمل شرحنا ..بس علشان نمله صغيره مسويين قصة
((استاذه الجو حلو ممكن تفتح الشبابيك ))
انتوا ما تفتحون الشبابيك الا علشان تتفرجون على الرايح ولي جاي ما راح نفتح
((( استاذة ... الشمس على عيوني ممكن نسكر الستاير؟)))
لا خلوها احسنلكم الشمس مفيده لكم
(( استاذه ... صراحة .... الامتحان كان كثير صعب))
سكتووووووووووا ما احد طلب رايكم
((( في حصة فراغ ))) استاذة الله يخليج .. طلعينا بره
مجننونة انا اطلعكم ؟؟؟ عشان تسوون ازعاج تزعجون الصفوف بعدين المديرة ما ترضى
((( استاذة انا تعبانه .. وديني عند المشرفه )))
معليش ... لاتشاركين معانا ... بس استمعي او حطي راسك على الدرج وخذي غفوه ونامي
الطالبه بتسئل سؤال بسيط ميس ندرس من الدفتر ولا من الكتاب؟؟؟
تتحول ملامحها المعلمة الى شر وتقول من الاثنين
(((استاذة ممكن نفتح الباب ؟؟؟))
لا عشان تتفرجو ا على صديقاتكم خلي مسكر عشان تتنتبهون للدرس
أو كل يوم نفس الحالة يا حظ الأولاد يجونهم المدرسين مستانسين إنهم مفتكيين من زوجاتهم مو البنات بسم الله كل وحدة تجي تحط حرتها اللي من زوجها فينا[/align]
تحياتي نواري
19 / 08 / 2009, 59 : 09 PM
شوفوا البنات ايش يسوون بالحصص
رد: شوفوا البنات ايش يسوون بالحصص
