لا جيت طيّب قالوا الناس مسكين

لا جيت طيّب قالوا الناس مسكين ..
وإن جيت أقشر قالوا الله يشيـله ..

ولا حدّتك دنـياك للـفـقر والدين ..
قالوا فقـير وحمّلوك الفشيـله ..

ولا ضحكت أيامك وحصلت قرشين ..
قالوا ترى نصّاب يا ويل ويـله ..

ولا جبت غلطة حطوا العيب والشين ..
وزادوا على غلطتك قاز وفتيـله ..

ولا جاتك الزلّة وتاهت عناوين ..
قالوا ترى مجنون خلوا سبيـله ..

ولا رحت مقفي مع رجالٍ مقفين ..
قالوا ترى المقفي ندور بديـله ..

ولا جيتهم بالجود وفعل الكريمين ..
قالوا يهايط كـل صبح وليـله ..

وإن طحت خلوك العرب والمحبين ..
واللي يطيح فـ هـالزمن عزتيـله ..

قالوا الجمل لا طاح جته السكاكين ..
وكل على ذبحته بيشد حيـله ..

هـذي حقيقة قلتها وسط بيتـين ..
من شاعرٍ ساق البيوت الجزيـله ..

جرّبت في الدنيا وشفت الكثيرين ..
وأشوف هذا الوقت ما فيه حيـله ..

الناس ما ترضى ولـو تسكن العين ..
وصعبة تحقـق حاجةٍ مستحيلة .. ✋

جرّبت في الدنيا وشفت الكثيرين ..
وأشوف هذا الوقت ما فيه حيـله ..

الناس ما ترضى ولـو تسكن العين ..
وصعبة تحقـق حاجةٍ مستحيلة .

------

انشهد رضا الناس غاية لا تُدرك، ورضا الله غاية لا تُترك، فاترك ما لا يُدرك، وادرك ما لا يُترك.

اختيار راق لي كثيرااا
الله يسعدك ويبارك جهودك

الناس ما ترضى ولـو تسكن العين ..
وصعبة تحقـق حاجةٍ مستحيلة

صدق الشاعر وصح لسانه
وتسلم اخي التميمي ع الاختيار والانتقاء الجمييل ..

عز الله صدق شاعرها ..!
شكراً يّ مبدع على الانتقاء الجميل ..!
لآهنتيّ ،

يا هلا بهذا الحضور المميز وهذي التعليقات الي تسعد ربي يحفظكم

تسلم ع الذوق

ولاعدمنا التواجد

تسلمين ع حضورك وحياكك ربي

جرّبت في الدنيا وشفت الكثيرين ..
وأشوف هذا الوقت ما فيه حيـله ..

الناس ما ترضى ولـو تسكن العين ..
وصعبة تحقـق حاجةٍ مستحيلة ..

تسلم على الاختيار الطيب وماقصرت

ياجمال ذوقك ربي يسعدك
الله يسلم قلبك ويدوم نبضه

دمت بخير يسرك

شكرا على هذا الحضور الراقي ولا حرمنا ربي من طلتكم المميزه.

تحياتي