مكشات الشلال _ شيلة شفت المطر _ عمرالفيصل ابوعبدالملك2017

بسم الله الرحمن الرحيم



ياماحـــلا والنار يضـــوي لهبها ,, في فيضــة فيها الحيا مابعد شــيف

في خــــــيمة منصوبة في خببها ,, ودلال صـــفر ماشريته من الســيف

في مجلس فيه النشامى وأدبها ,, قصـــــــــيد ينقونه ولاهوب تصفــيف

وســـوالف رجال معادن ذهبها ,, مع قهوة تطرب هل الراس والكــيف

والجيب والعدة وباقي زهبهـــا ,, وســـمان ماطـبت شــــبوك وتعــــليف

2007 والسست ماسـحبها ,, شــــد البـــلد نقـــد ولاهوب تســـــليف

منـــوة هل البران غاية طلبها ,, مطــوع العسرات نقــــرة مع الســيف

له شــــهرة ياما عقول سلبها ,, ( فكس آر) مايحتاج مـــــــدح وتعريف

وذود شعاع الشمس عنا حجبها ,, جانــــا حـــــليبه دون خــلط وتغـليف

وشحنة سمر وإرطا من أرضه حطبها ,, النار عنوانه كروكي وتوصيف

وذبيــــــحة للضــيف لاجـــا ســـــحبها ,, ماحسب حسابه ولابه تحاسيف

وطــــباخ له خــبرة قديــــم كســــــبها ,, ماحاقه الهندي ولاسالم الشيف

هــذي منـــاتي لابطــايف ولا أبهـــــــا ,, وأيضا ولالندن وباريس وجنيف

هذا عـــــلاج النفس ســــاعة عطـبها ,, مابي المدينة بين عادم وتكييف

وصـــلاة ربي عــد ســــيل بشـــــعبها ,, وعداد مانبت الحيا وأزهر الريف

على النبي الهاشـــمي من عـــــربها ,, اللي صدع من دون كذب وتزييف


أسعد الله مسآئكم بكل خير
في إجازه من أجمل إجازاتي إجتمع المطر والسيل والربيع مع جمال الشلالات
جمعت لكم في هذا المنتاج القصير عددة اماكن انتقيتها لكم
من روضة الخفس الشماليه ومابين الخفس الشماليه والجنوبيه وروضة خريم
والطوقي وشلالات حريملاء اتمنى لكم مشاهده ممتعه ..

عنوان المنتاج باليوتيوب
مكشات الشلال _ شيلة شفت المطر _ بالخفس وروضة خريم والطيري
وشلال حريملاء ، عمرالفيصل ابوعبدالملك2017

الرابط

https://safeshare.tv/x/Ulc4TgkTXTA

ماشاء الله تبارك الله وش هــ الجمال
التقآطات اكثر من رآئعه واجواء خياليه ومناظر تفتح النفس واماكن رووعه اول مره اشوفها
تسسلم والله ع هالتقرير والمونتاج الجميييل وتسسلم الايادي ..

ماشاء الله لا قوة الا بالله

اجواء جميلة ورحلة رائعة ، والاجمل توثيق ذاك الجمال بعدستك
اخي الكريم . الموادع .. اهنيك على الابداع ، الله يحفظك ويبارك فيك

اتمنى لكم اوقاتا سعيده .

اقتباس: المشاركة الأصلية كتبت بواسطة الراقيه    ماشاء الله تبارك الله وش هــ الجمال التقآطات اكثر من رآئعه واجواء خياليه ومناظر تفتح النفس واماكن رووعه اول مره اشوفها تسسلم والله ع هالتقرير والمونتاج الجميييل وتسسلم الايادي ..

الله يسلم لي هالتواجد المستمر
والله يسعدك ويعافيك منوره المنتاج
وهذا من ذوقك الله يرضى عليك
منتاج الشلال اعطى جمال للمقاطع
دمتي بخير

ماشاء الله تبارك الله
اجواء اكثر من رائعه بعثتها لنا في مونتاج جميل
سلمت يداك على الاخراج
كفيت ووفيت

اقتباس: المشاركة الأصلية كتبت بواسطة شموع    ماشاء الله لا قوة الا بالله اجواء جميلة ورحلة رائعة ، والاجمل توثيق ذاك الجمال بعدستك اخي الكريم . الموادع .. اهنيك على الابداع ، الله يحفظك ويبارك فيك اتمنى لكم اوقاتا سعيده .

الله يسعدك جميله كجمال تواجدك
والله يسلم ذوقك دمتي بخير

اقتباس: المشاركة الأصلية كتبت بواسطة كلاش تمير    ماشاء الله تبارك الله اجواء اكثر من رائعه بعثتها لنا في مونتاج جميل سلمت يداك على الاخراج كفيت ووفيت

كروعة وجودك الله يسعدك
والله يسلمك ويخليك
دمت بخير

ماشاءالله تبارك الله يازين الخضره والسيل

ابدعت خيو في تصويرك الصور من جد روووعه

والمونتاج جميييل ورائع

اقتباس: المشاركة الأصلية كتبت بواسطة ملامح صادقه    ماشاءالله تبارك الله يازين الخضره والسيل ابدعت خيو في تصويرك الصور من جد روووعه والمونتاج جميييل ورائع

الله يسلمك ويسعدك الابداع تواجدك العطر
منوره المنتاج بتواجدك الله يسلمك
دمتي بخير

الله يجيب الخير ..
مبدع دايماً أخي .. لآهنت