مساجله بين الشاعر خلف بن هذال والشاعر ياسر التويجري

الشاعر خلف بن هذال يسند القصيده على ياسر التويجري ويقال انهما في باريس
[poem=font="Times New Roman,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياراعي الطير خل الطيـر فـي وكـره=لاتقشـع البرقـع اللـي للهدد باقـي
فـي هـدة الطيرلاتفـرح ولاتـكـره=وانا لحب أشقر الجنحـان مشتاقـي
اعلم عن اليوم ماأعلم مايجي بكـره=والله يفرج ويبهج صدر مـن ضاقـي
الوقت ماكـر وكـل ذاق مـن مكـره=ياكثر ماذقت مـن لوعـات عشاقـي
الرجل يشكر ليا طال وضفـى شكـره=يربح به السوق عند إفلاس الأسواقي
للعشق نشوه غـرام وللهوى سكـره=والله ماادري متى جمعـاي وفراقـي
يطوي بي البعد طوي الخيط بالمكـره=اليا متى تطوي البيـدا علـى ساقـي
ياسر ... ترى للكرم واهل الكرم حكره=يفوح فيها الدسم وتفـوح الأرزاقـي[/poem]
الشاعر ياسر التويجري يرد على خلف بن هذال
[poem=font="Times New Roman,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الشعر فكره ياراعي الشعر والفكره=يالشاعر اللي مع الشعار عملاقـي
سوق المعاني تملكتـه ومحتكـره=بالفعل ماهي شهايد بيض الأوراقي
أوّله ماجيب قبلك وانـت مبتكـره=واشوف كنك على تاليـه توّاقـي
ياعاشق الطير حب الطير من ذكره=لاصار كفه شطير وريشـه دقاقـي
ماكره في نجد ما مارابـه الهكـره=ولاشراه الـردّي وباعـه عراقـي
على غزال الشداد اللي على البكره=اورّد نياقهـم واصــدّر نيـاقـي
احب راس الظفر وآطى على العكره=والأمة أخلاق وأنا هـذي أخلاقـي
للوقت وقفه حساب وللزمن نكـره=والله يصبر من أفارق على فراقـي[/poem]

بيض الله وجهك يا مشرفنا الغالي على هذه المساجله الطيبه

من شعار لهم مكانتهم الكبيره ,, ودائما َ ذوقك طيب

وعندي ملاحظه يا مشرفنا

لماذا تحرمنا من ابداعاتك الشعريه ؟؟

فالمعجبين كثر ويتمنون قراءة قصائدك وانا اول واحد

ودمت بخير يالسنافي

دئم اصيل يبوعبداللة اللة يعطيك الف عافية وتشكر على طرحك هذة المساجلة بين شاعرين من عمالقت الشعرالنبطى ... مع تحيات اخوك الشمالى

رديه أكثر من رائعه وخاصة من شاعرنا خلف بن هذال


أشكرك أخوي السنافي وسلمت يمينك

قصايدهم جزلة ورائعة
تسسسسسسسسسسسسسلم يالسنافي

مااااااااااااااااا أأأأروعك,,ياالسنافي,,
مساجله روعه وشعار كبار,,
ليييييييه تحرمنا وجودك يالغلا,,

تشكرررررررررررررات

اقتباس: المشاركة الأصلية كتبت بواسطة ولي العهد    بيض الله وجهك يا مشرفنا الغالي على هذه المساجله الطيبه من شعار لهم مكانتهم الكبيره ,, ودائما َ ذوقك طيب وعندي ملاحظه يا مشرفنا لماذا تحرمنا من ابداعاتك الشعريه ؟؟ فالمعجبين كثر ويتمنون قراءة قصائدك وانا اول واحد ودمت بخير يالسنافي

ووجهك ابيض يا ولي العهد ( يالداعم ) الله لا يحرمنا منك ومن أمثالك ..


والطيب في تشريفك يالغالي ..

وانا ملاحظ اني مقصر شوي لكن أوعدك ان شاء الله عن قريب

ستجد ما يسرك .. وألحين انت خابر لاهين في المسابقه ..

ويشرفني ان تكون من جمهوري ..

اقتباس: المشاركة الأصلية كتبت بواسطة الشمالي    دئم اصيل يبوعبداللة اللة يعطيك الف عافية وتشكر على طرحك هذة المساجلة بين شاعرين من عمالقت الشعرالنبطى ... مع تحيات اخوك الشمالى

الله لا يهينك يالشمالي على تشريفك ...

وأعتز بوجودك دائما يا غالي ...

اقتباس: المشاركة الأصلية كتبت بواسطة عضيد السنافي    رديه أكثر من رائعه وخاصة من شاعرنا خلف بن هذال أشكرك أخوي السنافي وسلمت يمينك

العفووووو يا عضيد السنافي وعساك سالم على تشريفك ...

اقتباس: المشاركة الأصلية كتبت بواسطة شموخ انثى    قصايدهم جزلة ورائعة تسسسسسسسسسسسسسلم يالسنافي

ومن قال سالم يا شموخ واشكرك على المرور ....