لا تشغـلك بنت منت متزوجهـا !

أرجوك بعض المشاعر لاتهزهزهـا
ترى المشاعر تألم عنـد راعيهـا

وترى النفوس العزاز الها حواجزها
وحواجز النفس سترٍ من خوافيهـا

لا تقول لك كلمةٍ تحسبك تحرزهـا
وتطيح لاقمت منها منـت قاويهـا

وان قلت لك كلمةٍ حـاول تركزهـا
ولا ترى الصمت خيرٍ من حكاويها

ودعواك لاصار ما تقـدر تنجزهـا
ازبن على واحدٍ ساعـه وينهيهـا

ولا تجـود علـى صبـرٍ يعجزهـا
وتجيك في وسط بيتك مـا تناديهـا

وكم واحدٍ حاجتها بالصدر يكنزهـا
من قل من يستمعله يـوم يبديهـا

يخشى من اللي يهمزهـا يلمزهـا
يضحك بعض ناس لاكن ناس يبكيها

وشكواك لابن الردي حذرٍ تعنزهـا
يفضحك وتروح فيها وانت كاميهـا

وعليك تكبـر ولا تقـدر تميزهـا
وتضيع في طوشةٍ تبلـش بتاليهـا

والسالفـه يقـدر الواحـد يلفظهـا
ويقدر على ناس من شكله يمشيها

ولاتشغلك بنت منـت متزوجهـا
تطرد وراها وغيرك يهتنـي فيهـا

ولا يفرحك شوف الارنب لو تنقزها
مادام ما شفتهـا بالنـار شاويهـا

ولاتحسب إن الذهب باية يدٍ يزهـا
ترى الذهب ما يغير لـون اياديهـا

والنفس حاول بحد اقصى تعززهـا
نفسٍ بلا عزهـا مانـي مداريهـا

والناس لاتقوم بعيونـك تخززهـا
احمد على العافيه واسلك مماشيهـا

ومن طاوع النفس تشقيه بغرايزها
ومن طاوع العقل يسلم من بلاويها

والمرجله ماتحـب اللـي يهاوزهـا
تبي لهـا واحـدٍ دايـم يحاضيهـا

واللي عيونه مع الظلمـا يغمزهـا
ماحدٍ درى عن عيونه لـو يعنيهـا

ونفيستك وانت فانـي لاتغزغزهـا
المقبره بأنتظارك وانـت ناسيهـا

والناس دورات قادرهـا بعاجزهـا
ماخلق جنه ونـار وزعـوا فيهـا

وناسٍ مع الله وناس ابليس ناغزها
سبحان من ظل ناس وناس هاديها

ونـاسٍ تعلـت وعلتهـا مراكزهـا
وناسٍ تبي الطيب مير الطيب فاحيها

وناسٍ تحفـز ومعـروفٍ تحفزهـا
وناسٍ تبي من يشيمهـا ويعطيهـا

وناسٍ تبي نبز ناس وناس تنبزهـا
نابز ومنبوز لين المـوت يفنيهـا

وناسٍ عجز رزقها يكمل عوايزهـا
لاهي فقـارا وهـي مالله مغنيهـا

حتى العجايز تبـي نـاسٍ تهمزهـا
العافيـه والظنـا ماهـو مكفيـهـا

وان قمت اعاند تفاكيري وابارزهـا
صارت حكاوي وانا ماني محكيهـا

زمن

ولاتشغلك بنت منـت متزوجهـا
تطرد وراها وغيرك يهتنـي فيهـا



لله در قلمك وذوقك العالي

مدهش لأبعد الحدود

زمن

من جد ذوقك اليوم غيـــــــــــــــــــــــــر

دمت بهذا الذوق

وشكواك لابن الردي حذرٍ تعنزهـا
يفضحك وتروح فيها وانت كاميهـا
..

..

..


..

دمت بخير

اقتباس: المشاركة الأصلية كتبت بواسطة الضامي    ولاتشغلك بنت منـت متزوجهـا تطرد وراها وغيرك يهتنـي فيهـا لله در قلمك وذوقك العالي مدهش لأبعد الحدود زمن من جد ذوقك اليوم غيـــــــــــــــــــــــــر دمت بهذا الذوق

مشكورياابوحمدو

اقتباس: المشاركة الأصلية كتبت بواسطة شموخ انثى    وشكواك لابن الردي حذرٍ تعنزهـا يفضحك وتروح فيها وانت كاميهـا .. .. .. .. دمت بخير

قصيدة رائعة وكلماتها قوية

يعطيك العافية اخوي زمن على هالقصيدة

دمت بوووود"

اقتباس: المشاركة الأصلية كتبت بواسطة غلا الكون    قصيدة رائعة وكلماتها قوية يعطيك العافية اخوي زمن على هالقصيدة دمت بوووود"

اخوى زمن من اجمل القصائد الى قراتها تعبر عن الواحد بصدق تسللللللم يمنااااااااااك

تقبل مروري

ولاتشغلك بنت منـت متزوجهـا
تطرد وراها وغيرك يهتنـي فيهـا

ولا يفرحك شوف الارنب لو تنقزها
مادام ما شفتهـا بالنـار شاويهـا

ولاتحسب إن الذهب باية يدٍ يزهـا
ترى الذهب ما يغير لـون اياديهـا

"زمن " قصيدة رائعة تسلم وصح لسانك

اقتباس: المشاركة الأصلية كتبت بواسطة أهلاوي    اخوى زمن من اجمل القصائد الى قراتها تعبر عن الواحد بصدق تسللللللم يمنااااااااااك تقبل مروري