حزن السعوديه قصيده لشاعره منيره الحمد

قصيده الشاعره منيره الحمد حزن السعوديه
في وفاه المغفور له المللك فهد بن عبدالعزيز

لو تنطق الاحجار .مثل البشر كـان=قالت "فهد".. موته علينـا مصيبـة
ان كان حزن الناس .. ياسعْهْ الاعلان=حزن السعوديـة.. ماشـيٍّ يجيبـه
ساحاته اكبر .. من تواصيف عنـوان=ضاقت بحزن الفقد كـل الرحيبـة
صبيحة الاثنين .. يوم الخبـر بـان=بان الذهول بكل من هـو دري بـه
ماعاد توحي قولـة فـلان.. يافـلان=كل النواظر ... والمسامع عطيبـة
ماغير نبض اهل الوطن هزّ الاركان=وصوت القلوب المستصيبة رهيبـة
نعي الفهد .. يوم اصدره علم ديـوان=هلَّت عيون الشعب شيـب وشبيبـه
" ثلاثٍ وعشرين " عـامٍ .. بميـزان=نهضة سعودية بصدق نحكـي بـه
ماهي سواليفٍ .. على كان ..ما كان=شواهـدٍ .. تذبـح قلـوبٍ مْريبـه
واكبر شواهدها.. رَغَم كل الاحـزان=توحّـد الصـف السعـودي بطيبـه
في بيعة "آل سعـود" درسٍ ونيشـان=والشعب يوم "الاربعا" يقتـدي بـه
ياواسع الرحمة .. دعينـاك رحمـان=دعـوة عبـادك للفهـد.. تستجيبـه
وتجبر عزا شعبٍّ .. خصّه بعرفـان=وتعوّضـه خيـرٍ .. بفقـده حبيبـه

//
\\
*

ماعاد توحي قولـة فـلان.. يافـلان
كل النواظر ... والمسامـع عطيبـة
ماغير نبض اهل الوطن هزّ الاركان
وصوت القلوب المستصيبـة رهيبـة
نعي الفهد .. يوم اصدره علم ديـوان
هلَّت عيون الشعـب شيـب وشبيبـه

رحم الله أبينا فهد واسكنهـ فسيح جناتهـ

قصيدهـ رائعهـ خالطها الحزنـ

صح لسان الشاعرهـ الرائعهـ ( منيرهـ الحمد)

سمعت وقراءت لها

شاعرهـ وكاتبهـ لها حضور قووي

والف ششششششكر لك اخوي قناااص
ولاهنت




..,

صح لسانك ولسان الشاعره

ورحم الله الملك عبدالعزيز

قصيدة رائعة وكلمات جزله ومعاني جميلة

مشكور اخوي قناص على مانقلت الله لايهينك



وصح الله السان الشاعره المبدعه / منيره الحـــمـــد

شموخ انثي
الف شكر علي المرور
ورد ك الجميل الذي اسعدني
تحياتي
تقديري
قناص