( حكاوي رمضانية ) ذكريات الزمن الجميل مع [ أم عثمان ]

[ALIGN=CENTER][TABLE1="width:89%;background-image:url('http://img02.arabsh.com/uploads/image/2013/07/03/0c35434960f605.png');"][CELL="filter:;"][ALIGN=center]

السلآم عليكم ورحمة الله وبركآته
كل عآم والجميع بخير
نعود اليكم مجددآ عبر موضوع حكآوي رمضانيه
لنستمتع بحكآوي أبائنا وأجدادنا ولآ يحلو الحديث آلآمعهم
لأجدادنا وأبائنا الكثير من الحكايات والمواقف في رمضان
فسوالفهم لها طعمها الخاص . والجلوس معهم يذكرك بماضي جميل
قلوب بيضاء . ونفس طيبة . وضحكـة لاتفارق المحيا
فهم الخير والبركة ..

أحببنا هنا في حكاوي رمضانيه أن نلتقي بمجموعة من كبآر السن من آبآء وآمهآت
نحاورهم ونتذكر معهم رمضان مابين الماضي والحاضر وحكاويهم معه ..

ومعنآ اليوم أم عثمان
حكآويها مختلفه بسآطه وعفويه الله يخليهآ لعيالهآ ويطول بعمرهآ

البطاقه الشخصيه

ام عثمان
خمسه ابناا الله يخليهم لي

كيف كنتم تستقبلون إعلان دخول شهر رمضان المبارك . وش كانت مشاعركم بالحاره إذا وصلكم الخبر ؟
خبر رمضان يجي علينا غره احياناً لانه مايعلمونا الا في النهار واحيان نصوم في حينه
نصوم ونصلي ونسوي العشاء جريش او مرقوق او قرصان مانعرف خرابيطكم

كم كان عمرك أول مره صمت وكم يوم صمت في أول رمضان تصومه ؟
كان عمري صغيره مدري يمكن ام سبع وكانه في القيض اسرق مويه واشرب من الاويسط وخلال من النخله

كيف كان سحوركم وفطوركم ووش كانت أشهر المأكولات عندكم ، وهل كنتم تجتمعون على الفطور بالحارة أو بالبيت ؟
كل سحورنا زي بعض بقل او حريش او مرقوق ماعندنا خرافاتكم
كل واحد يفطر بلحاله والعشاء مع اقصرانا نسولف ونوسع الصدر مانعرف الوقت نصلي التراويح وننوم

أشهر المواقف اللي حصلت لك في شهر رمضان ولازالت عالقة بذهنك للحين ؟
من مواقف رمضان ماقد جانا الا العافيه في رمضان

وين كنت تصلين التراويح ؟ ومنهم أشهر الأئمة اللي كنت تصلي معهم وهل تتذكر أحد من الجماعة ؟
نصلي التراويح في مسجد الجامع وكانو يقولون امين فكنت مستغربه ليه يرنون اثره دعاء

هل فيه فرق بين رمضان على أيامكم ورمضان الحين ؟
الفرق واضح كرهب وبراد وخير مهوب مثل منول

كيف كان يجيكم خبر العيد ؟ وعيدكم منول كيف كنتم تستعدون له وتقضونه ؟.
خبر العيد كانو يعدون الاشهر ويحينا الخبر اذا تأخر الخط من الرياض واحنا صايمين نفطر ونتعيد
ابد مانتقضى اذا جانا قماش في السنه نوزيه للعيد

أول عمره لك في رمضان متى كانت ؟ وكيف كان السفر لمكة لأداء العمرة ؟
اسعدها الله ودي اعتمر بس ماسيرني الله


هل سمعت بمنتديات تمير ؟ وش رايك فيك ؟
مااعرفه منتدى تمير وشو
انا مااقرا ولا اكتب وش يدريني

وش الاكلات اللي تحبينها الحيين
احب اللقيمات والمطبق
وسلامتكم ،،

[/ALIGN][/CELL][/TABLE1][/ALIGN]

الله يمتعهآ بالصحه والعافيه ... ويطول عمرهآ ع الطاعه
الله يتم عليهآ وعلى الجميع شهر رمضان المبآرك بصحة وعآفية ويجعلنآ فيه من المقبولين ومن عتقآئه من النآر .
كل الشكر لمن ساعد وارسل حكاوي ام عثمان ..

يااااه

راح سحور البقل يا ام عثمان

بقل مربص ؛؛

الا وش يرنون ؟ اذا قال امين ؟ او قصدك ( يردون ) !!

الله يخليك لعيالك ؛ و يخلي عيالك لك

الراقيه ؛؛ شكرا

تحياتي

يالله لك الحمد والشكر .. حوار جميل .. وحكاوي رائعة ..

تذكرنا في حياة الماضي المريرة والقاسية .. لا أعادها الله ..

الله يعطيك طولة العمر يا أم عثمان ..

والشكر لمن نسق وجهز الأجوبة وسعى في ذلك ..

والشكر موصول للراقيه على هذا الحوار الراقي ..

الله يطول بعمرها ويخلي لها عيالها ويخليها لهم

حواار شيق ووممتع شكرا راقيتنا..

اقتباس: المشاركة الأصلية كتبت بواسطة توأم الجود    يااااه راح سحور البقل يا ام عثمان بقل مربص ؛؛ الا وش يرنون ؟ اذا قال امين ؟ او قصدك ( يردون ) !! الله يخليك لعيالك ؛ و يخلي عيالك لك الراقيه ؛؛ شكرا تحياتي

حياك الله منور بحضورك وتواجدك ..

اقتباس: المشاركة الأصلية كتبت بواسطة المهند    يالله لك الحمد والشكر .. حوار جميل .. وحكاوي رائعة .. تذكرنا في حياة الماضي المريرة والقاسية .. لا أعادها الله .. الله يعطيك طولة العمر يا أم عثمان .. والشكر لمن نسق وجهز الأجوبة وسعى في ذلك .. والشكر موصول للراقيه على هذا الحوار الراقي ..

يآهلآ فيك وبتوآجدك
كل الشكر لك ولـ متآبعتك ..

اقتباس: المشاركة الأصلية كتبت بواسطة ع ـزَوـوفـے ْ..(؛    الله يطول بعمرها ويخلي لها عيالها ويخليها لهم حواار شيق ووممتع شكرا راقيتنا..

اللهم آميين
شكرا لطيب حضورك ..وماننحرم يارب

الله واكبر يالدنيا حوار ام عثمان رجعتني لذكريات جدتي الله يرحمها على نياتها حتى لهجتها فيها من الفطره
حقيقة حوار جميل مع امنا ام عثمان الله يمتعها بالصحة والعافيه وشكرا لأختنا الراقيه حوار جميل

اقتباس: المشاركة الأصلية كتبت بواسطة الوهبي    الله واكبر يالدنيا حوار ام عثمان رجعتني لذكريات جدتي الله يرحمها على نياتها حتى لهجتها فيها من الفطره حقيقة حوار جميل مع امنا ام عثمان الله يمتعها بالصحة والعافيه وشكرا لأختنا الراقيه حوار جميل

الله يسلمك يارب ويسعدك دووم
منور بحضورك وتعليقك
وكل الشكر لك ..