الى مرور تمير

نريد من مرور تمير حمله على مركبي الهدرز

نعم اريد ان يصل صوتي لمدير مرور تمير اعانه الله ووفقه للقضاء على ظاهره الهدرز
المزعجه من قبل الشباب وياليت تضربون يد من حديد للمزعجين تخصص الهدرز صابرين طوال
اعمارنا على المفحطين المزعجين طلع لنا الحين جيل الهدرز
نريد من مرور تمير ان يعمل ويقضي على هذي الظاهره الي انتشرت في الديره
والي ماسوته شرطه تمير ومافكرت تقضي على هذي الظاهره هناك الكثير من المدن سوت حمله للقضاء على هذي الظاهره!
فئملنا بكم يا مرور تمير انه لكبير ..

كنا من قبل عندما تنشق الكنداسة ويصبح صوتها مزعجاً نتوجه الي الصناعية خفية من اي دورية للمرور كي اتجنب المخالفة
ولكن الان تباع في محلات الزينة للأزعاج دون اي رادع من احد !!
ولا احترام ولا تقدير لسكينه الاهالي ونرجو منكم التشديد على المخالفين مثل حجز المركبه حتى تسديد
المخالفه عن طريق الصراف حيث سيكون فيه انظباط عند الطايشين اذا حجزت سيارته
اول بااول فأرجو منكم التعقيب على هذا الموضوع .

إن شاء الله صوتك يصل

اضم صوتي لصوت الاخ شمشوم وجزاه الله خيرا على تشمشم وتتبع المخالفات وانتقادها . حيث ان هذه الظاهره منتشره بين الشباب هدانا الله واياهم .فهي ازعاج وتهديد لحياة الناس وارواحهم حيث انه لزيادة الصوت يقوم هؤلاء الشباب بقيادة السياره بشكل متهور مما يؤدي الى وقوع الحوادت لا سمح الله. وتقبلوا تحياتي . ./ ولد المجابيب

اضم صوتي لاصواتكم

الدولة يوم اهتوت منعت المسموح في ساعات وخلوه ممنوع وصار في عداد الموتى اللي هو الحطب

وشلون ببعجزون عن الممنوع وكل الناس تايدهم وتشد على ايديهم .. !!!

ملاحــظه مهمه تشكر عليها ومع تواصل رجال المـرور عبر هذا المنتــدى اشعر ان التجــاوب باذن الله سيكون ملموسا ومشاهد
ولعلى اضيف من الملاحظات السيئه الوقوف متجاوزا في الشوارع العامه وتبادل الحديث وهذا تقليد سئ لم نكن نعــهدهـ

خلهم يخذون رحتهم
كل شي ممنوع صوت السياره ولا تسرع ولا تفحط ولا تسكن ولا تقطع الاشاره ولا تلبس بدله ولا طربوش
ولا تميل العقال ولا تلطم ولا تربي شعر ولا تحط شي في وجهك حركات ! ولا تنظرني ولا تدخل في المحل الي فيه بنات
ولا تجلس في الممشي ولا ولا ولا
كل شي شي ((( ممنوع )))
وكل وحد يبي وكل وحد يتكلم مع! خلك في حالك والله تمير طلع احزاب وحسد وكل وحد هو الفهم
بالله كل وحد ينظر نفسه احسن

ياخي مالقيتوو موضوع تحطونه كل شوي دخلين علينا بموضوع

وكل شي ممنوع عند الشباب وهذي حالت مراهقه تجي وتروح وكل واحد جيته

ودمتم بود

أيها الفتي المجنون بحب الخالديه عمرالله عمرك بالسعاده والتوفيق ،الشباب هم عماد الأمه وهم حاضرها ومستقبلها وليسوا من يؤذي الناس
فالبيوت أيها المبارك فيها المرضى وفيه العجزه وفيها الأطفال الأيحتاجون منا لرحمه والهدوءوعدم الأزعاج وهولاء الذين ترى انهم ممنوعون
من كل شي فتحت لهم الأنديه والأستراحات والصحراء لهم الحريه فيها في التنفيس عن مشاعرهم دون صخب او إذا لأنفسهم او لغيرهم وبما
لايخالف مبادئ دينهم فاديننا حثنا على أن لايؤذي المسلم اخوه المسلم حتى الأذى البسيط إماطته عن الطريق صدقه شكر لحرصك على اخوانك
الشباب ولكن يجب أن تزيد هذا الحرص بحثهم على ماينفعهم ونصحهم عن ما يضرهم فربما دعوه من كبيرغافل تصيب موجعاً ربما يطول علاجه
وفق الله الجميع.

اضم صوتي لصوتكم ليت يكون هناك حمله ضد هذي الازعاجات المسببه للأزعاج

وخص الأخيره الي تركب خارج المملكه فهي مزعجه

ام كلام الاخ الامبراطور انا اقولك اذا صرت ترضها لنفسك حنا ما نرضاها

والبيت له ساكنيه لو كان عندك شايب بالبيت او اطفال ترعوهم هذي الاصوات او بالاصح دع احد يمر من عند بيتكم

مسرع وكنداسه موتره يسمعها الي في مباايض وغرف قلب امك والله ماراح تسكت

والله أخشى يوم من الايام ان تستجاب دعوه من الله ثم تصيبكم .

اقتباس: المشاركة الأصلية كتبت بواسطة الامبراطور 15    خلهم يخذون رحتهم كل شي ممنوع صوت السياره ولا تسرع ولا تفحط ولا تسكن ولا تقطع الاشاره ولا تلبس بدله ولا طربوش ولا تميل العقال ولا تلطم ولا تربي شعر ولا تحط شي في وجهك حركات ! ولا تنظرني ولا تدخل في المحل الي فيه بنات ولا تجلس في الممشي ولا ولا ولا كل شي شي ((( ممنوع ))) وكل وحد يبي وكل وحد يتكلم مع! خلك في حالك والله تمير طلع احزاب وحسد وكل وحد هو الفهم بالله كل وحد ينظر نفسه احسن

اخي الكريم

اما انك تمزح ..واكثرت المزاح وصرت سامج

او انك صادق .. وان كانت فأنت من من يجب الاخذ على ايديهم ونصحهم


والى مجنون الخالدية

كل واحد تجية مراهقة لكن لما تمس مراهقتك حريات وراحة وامن الاخرين هنا يجب الوقوف ضدها وتطبيق النظام