رحلتي الى جاكرتا والجبل الاخضر الجزء الاول

بسم الله الرحمن الرحيم

السلام عليكم ورحمة الله وبركاته ،،،،،،

صبآح / مسآء ^^
الخـــــــير لــكل زآئر وعضو ومشرف ومرآقب وإدآري بمنتدى ديرتي منتدى تمير .
تغيبت عن المنتدى من الاثنين 12 أكتوبر 2010 م
لوجـــودي بأكــبر دوله إسلآميه بالعآلم والتي يبلغ عدد سكانها ففوق 350 مليون نسمه حسب إفادة السائق الذي كان
يرفقنا بالرحله والمسلمون ولله الحمد 90% و10 % غير مسلمين .
هـي دولة إندوينيسا .. والتــي كنت ارغب بالسفر لها منذ مده حتي يسر الله لي السفر لها مع رفقة طيبين
بالبدآيه .. وبختصآر لكثرة الصور يصعب علي كثرة التعليق على الصور والكثير منها نسيت إسمها لانشغالي بجمــآل طبيعتها وصعوبة أسمآئها
التي عجزت حتى عن كتأبتها لصعوبة نطقها وزيآده على ذآلك عدم إلماممنا باللغه الاندونيسيه او الانجليزيه لتسهل علينا بعض الامور ونتعب إذا أردنا أي
غرض نجلس لنا ساعه نقلب ايدينا فوق تحت صرنا مثل الاصم الابكم وباالاصح صرنا مثل العمال الاجانب اول مايجيون للسعوديه مايدرون وش حنا نقول
والمشكله والي يخلي ضغطك يرتفع اذا كلمتهم وحاولت اشرح لهم الي اريده ، يجلسون يضحكون ويحكون مع بعض وأضيع بينهم وصرنا اذا بغينا أي شي نخلي
السوآق ينزل معنا لانه يحكي عربي على خفيف وبعض السوآقين يحكون بشكل مميز ووآضح ونرتاح معه وإندونيسيا شعب طيب مرررره بشكل ماتوقعناه
والابتسامه ماتفارقهم ومحترمين لكن يعيشون في فقر شديد جداً مررنا عليهم في منازلهم أكثرها صنادق وعشاش ،، بيوت االاغنام عندنا افخم منها واكبر ، والله حالتهم يرثى لها ..
أنطلاقاً من مطآر الملك خالد الدولي على الخطوط السنغفوريه من الرياض توقفنا بدبي ومن دبي توقفنا بسنغفوره ومن سنغفوره إلى جاكرتا
وبعد المطبآت الهوآئيه الحمدلله على السلآمه مابغينا نوصل قرآبة 16 ساعه ، طيران متواصل 10ساعات سوآق الطياره مايسرع يمشي 800 الى900
شكله متأثر بنظام بساهر هع استقبلنا بالمطار الاندونسين الي يبيع شرآيح والي يبي يوصلك والي يبي يأجر لك فلل وكل وآحد انصب من الثاني انحش منهم
مرينا على مكاتب بالمطارتوقعنا انهم غالين ماعبرناهم وحصلنا واحد عند باب الاستقبال اسمه بهلول عبى روسنا بكثر الحسي قلنا وخر عنه شكله فاهم ويحكي عربي لاتتعدونه
ركبنه معه على انه يودينا الى فندق بجاكرتا اسمه استن سونا او قريب من الاسم نسيت قال وش تبون بجاكرتا الجــبل افضل وبعد يومين اجازه الحقو على رخص الاجار هناك وبالفعل قلنا شورك وهدآية الله على طول نصانا بمجمع باريتا أنصب مجمع ووأوسخ مجمع وأغلى مجمع والجهل شين صدقناه والظاهر له نسبه فيه خذنا فيه ثلاث غرف مع صاله بمطبخها سعرها 750000الف روبيه أي ماتعادل 320 ريال تقريباً لعبو علينا ان فيها امان وحراسه ومدري ايش والله ماتسوى من اول ليله ماقدرنا ننام من كثر عريبيا الي فيها (سعودين) أنواع الازعاج أغاني ودسكو وعلوم الله أعلم بها مررنا ذيك الليله على خير ومن الصبآح نزلنا وبحثنا عن سائق ويرزقنا الله بسائق باكوس على لغتهم يعني كويس
وارخص من النصاب الاول بهلول الي خذ علينا من المطار الى الجبل ولفه صغيره 750000الف روبيه واتفقنا مع السائق الثاني والي اسمه جعفر انه يدور بنا في الجبل
من الفجر الى العشاء 450000الف روبيه أي مايعادل تقريبا 190ريال وبصرآحه أمين ونصوح والله ننزل بالساعه والساعتين والعفش معه بالسياره ولانحاش ولاشي ..
وانشغل السائق جعفر بعد يومين وجاب لنا سائق ثاني بصرآحه نكته والله نضحك عليه من حركاته وبعض كلامه هع
والي كان اسمه فيدي اتفقنا معه مره 450000الف ومره 500000الف وجلس معنا اربعة ايام بمليونين روبيه تقريبا.
وجاء سواق ثاني اسمه عبودي واتفقنا معه يودينا لجاكرتا ويمشينا فيها ويرجعنا للجبل ويمشينا فيها لمدة اربع ايام بمليوين وخمس مائة الف روبيه والمليون
مايعادل تقريباً 425ريال تقريبا وآخر سوآق واطيبهم عمران والي جلس معنا ثلاثة ايام
بجاكرتا بمليون روبيه مع توصيلنا للمطار وتوديعنا ..
طولت عليكم لاني بختصر التعليق بالمقدمه والصور بتكون على جزئين او ثلاثه ..
اصرد عليكم اسماء الاحياء او الاماكن الي زرناها بالجبل الاخضر بإندونسيا مجمع باريتا ولاانصح به ومنطقة شيبا ناس
وشيبو دآس يوجد بها حديقه جميله وبحيره وشلال كبير جميل جداً وممشي رجلي متعب هع ومنطقة توقا بونقا فيها فلل روعه ورخيصه ونظيفه
وسوكا بومي بها شواطى باكوس أي كويسه هع وبون شاك يوجد فيها حديقة الشاي والبرشوت ومسجد التعاون
وبوقوآر فيها حديقة الحيونات سفاري وانصحكم بزيارة حديقة سفاري روعه روعه .
وبرآريتا وقلو انقلبس فيها جبل جميل وبها لعبة القولف وفيها بحيره جميله ومررنا على سنتول وبصراحه ملينا كل مكان نجي فيه نحصل السعودين
فيه بالهبل قلنا للسوآق نبي مكان مايجي فيه حتى الاندونسيين وودانا مع طريق بري مع مزارع
حتى وصلنا الى قريه صغيره استقبلنا فيه حارس شافنا استغرب يسئل السواق وش انت جايب معك هع قال عرب يبي يشوفون ذا المنطقه والشلال الي فيها
رحب ووزع علينا ابتسامات وخذ منا هديه عشان يورينا الشلال وقال انتم ويحلف
كانه صادق ماندري عنه ان انتم اول عرب مو سعودين ماقد جاء هناء عربي يجيون للمنطقه هاذى قلت للسواق انه انه
مافيه مكان ماجاء فيه عريبي هع والمكان هاذى اسمه شلال الجبل الاصلي والطريق الي يوصلك له اسمه جنقول وطريقه روعه وجميل جداً ..
مررنا على عددة اماكن حديقة الزهور والبركان وباندو انا ووووو بتعب وانا اسولف عليكم بقى الصور الله يعين على تحميلها بس ان شاء الله الموضوع يحوز
على اعجابكم واستحسانكم وبدآية الموضوع صورنا من المطار الى جاكرتا والجبل الاخضر مع السائق بهلول ..

وصولنا الى جاكرتا مع السائق بهلول

استقبلتنا الامطار والاجواء العليله والشلالات الروعه

وصولنا للجبل الاخضر وياكثر مزارع الرز

وصولنا لمجمع باريتا الخايس لاتروحون له غالي وغير نظيف

مسوين حراسه كل صبح انواع العالم عند بابك يدورن

فلتنا ومقدمتها

نشوف المسبح ولافضينا نسبح سبحنا بعيونا هع

حوستنا بالمطبخ هع

على طول شرينا تيس 200ريال كله عظم على كثر الربيع الي عندهم

فنجال قهوه ريثما يزهب العشاء

اقلطو على عشاكم هع

نلعب تنس نهضم شوي

قمت الفجر وتمشيت بالمجمع وصوت لي كم صوره

ورجعت للفله واضبط كبدت التيس وياحلوالجو والجلسه معنا خبز قرصان جايبينه معنا من تمير زود على العزبه باكمله ودافوره
شغل نظيف اكل الاندونوسي مايصلح لنا ماغير الاسماك والربيان فقط

كملنا باقي المشوار بالتجول بالجبل

طالبات ونحن تجول قلت باخذ لكم صوره

بعد جهد انتظروا الجزء الثاني زيارتي لحديقة سفاري
ان شاء الله الصور نالت على اعجابكم ...
الموادع

الحمدالله على السلامه
رحله موفقه اخوي عمر
تستاهل النجوم
تحياااتي لك

الله الله وش هــ الزين
مآشآء الله تبآرك الله
صور وطبيعه روعه يآحلو جوهم وطبيعتهم ...
وتسلم هـ الأيآدي على التقرير..والسرد الجميل
يآليتكم خذتم معكم أحد عنده خبره عن أندونيسيآ ولآهالتعب اللي تعبتوه بداية الوصول ...
حمدلله على سلآمتكم ...
وبــ أنتظآر الجزء المتبقي

يعطيك العافيه على الصور الجميله

رحلة موفقه يالموادع وبالتوفيق لك ننتضار الجزء الثاني

ماشاء الله تبارك الله على الموضوع الروعه
والحمد لله على السلامه ومناظر بقمه الروعه
والله وننتظر جزءك الثاني
لك كل الود ؛

جميلـــه وتقرير رائع يالموادع وانتظرناه بكل شغف
وأخيراً طلع التقرير
تسلم يمينك على الصور الأكثر من رائـــعة
وجمال الطبيـــعه يبهج القلب

تسلم على التقرير الاكثر من رائع وماشاء الله طبيعة مالها مثيل
لكن وين صور ربعك

رحلة موفقه خيوووووووووة عمر

والله مالقها الا انتم ياالرجاجيل خخخخخخخخخ

والحمد لله على السلامة

اتاريك غابش لأندنوسيا يالذيب

سمعت ان بركانها ثاير شوي الاسبوع الي راح او من عشره ايام تقريباَ

عسى ماكنتوا هناك بس..

تقرير جميل يالموادع والحمد لله على السلامه

وننتظر الجزء الثاني من الرحله

تحياتي لك..